Morgunblaðið - 22.09.2000, Page 6

6 FÖSTUDAGUR 22. SEPTEMBER 2000
MORGUNBLAÐIÐ
FRÉTTIR
Finnlandsforseti heimsótti háskóla og fískvinnslu á Akureyri
TTT
Leikskólabörn á Akureyri taka lagið fyrir gesti í
fþróttahöllinni, þar sem var dagskrá fyrir forseta Is-
lands og Finnlands og aðra góða gesti
Frá vinstri eru Dorritt Moussaieff, Ólafur Ragnar Grímsson, Sigurður J.
Sigurðsson, forseti bæjarstjórnar, og Þórunn K. Birnir, Taija Halonen,
Krisfján Þór Júlíusson bæjarstjóri og kona hans Guðbjörg Ringsted.
Þorsteinn Gunnarsson, rektor Háskólans á Akureyri,
færði Finnlandsforseta málverk að gjöf eftir Svein-
björgu Hallgrímsdóttur.
Afskaplega
ánægð með
heimsóknina að
öllu leyti
ÉG ER afskaplega ánægð með
hcimsóknina að öllu leyti,“ sagði
Taija Iialonen, forseti Finnlands, í
samtali við Morgunblaðið áður en
hún flaug ásamt fylgdarliði frá
Akureyri til Helsinki síðdegis í
gær og kvaðst hún ekki síst ánægð
með að hafa fengið þá ósk sína
uppfyllta að heimsækja Akureyri.
Síðasti dagur þriggja daga heim-
sóknar hennar var á Akureyri þar
sem hún kynnti sér skólastofnanir,
útgerð og fiskvinnslu og endaði
dagskráin í fþróttahöllinni. For-
seti íslands, Ólafur Ragnar Gríms-
son, var með í för.
„Þetta var mjög áhugaverður
dagur hér á Akureyri og það er
skemmtilegt að geta heimsótt ann-
an bæ en höfuðstaðinn en ég hafði
heyrt mikið um Akureyri og sam-
vinnu Háskólans á Akureyri og
háskólans í Rovaniemi svo mér
fannst rétt að heimsækja bæinn og
óskaði sérstaklega eftir því,“ sagði
forseti Finnlands. „í annan stað
fannst mér áhugavert að geta
heimsótt fiskvinnsluna og sjá alla
tæknina sem þar er nýtt., heyra af
sölustarfseminni og samkeppninni
sem ríkir í greininni," sagði hún
og á þar við heimsókn til Út-
gerðarfélags Akureyringa þar
sem hún og fylgdarlið voru leidd
gegnum vinnslusali.
Guðbrandur Sigurðsson kynnti
starfsemi fyrirtækisins og Aðal-
steinn Helgason greindi frá starf-
semi Samherja og síðan bauð bæj-
arstjórn Akureyrar gestunum til
hádegisverðar í mötuneyti UA
ásamt starfsfólki fyrirtækisins.
Eftir heimsóknina til UA var hald-
ið í íþróttahöllina þar sem hópur
Akureyringa tók á móti for-
setunum, einkum börn. Börn frá
Tónlistarskóla Akureyrar fluttu
tónlist, leikskólabörn sungu og
Sigurður J. Sigurðsson, forseti
bæjarstjórnar, flutti ávarp. Síðan
sagði Finnlandsforseti nokkur orð
á sænsku sem forseti fslands túlk-
aði og er áreiðanlega ekki algengt
að einn þjóðhöfðingi túlki þannig
fyrir annan. Tarja Halonen beindi
orðum sínum einkum til barnanna,
sagði þau forsetana vera góða
vini, og að sámstarf landanna væri
mikið enda væru þau bæði hluti af
norrænu fjölskyldunni ásamt Dan-
mörku, Noregi og Svíþjóð. Hún
sagði Islendinga og Finna geta
glaðst yfir því að eiga góða nátt-
úru og að hafa getað þróað samfé-
lag sem býður þegnum sínum upp
á góða menntun. Þá minntist
Finnlandsforseti á að hún hefði
rætt við íslenska ráðamenn og
uppi væru áætlanir um að Iönd á
norðurslóðum stæðu mcðal annars
fyrir átaki í náttúruverndarmál-
um.
Heimsókn Finnlandsforseta til
Akureyrar hófst með dagskrá í
Morgunblaðið/Kristján
Forseti Finnlands, Taija Halonen, heilsar upp á akureysk ungmenni í fþróttahöllinni.
Guðbrandur Sigurðssori, framkvæmdastjóri ÚA, sýnir fínnsku forseta-
hjónunum og öðrum gestum hluta af framleiðslu fyrirtækisins.
Háskólanum á Akureyri. Þor-
steinn Gunnarsson rektor kynnti
starf háskólans og sagði þetta í
fyrsta sinn sem erlendur þjóðhöfð-
ingi heimsækti skólann. Starfsemi
hans hófst 1987 og eru nemendur
nú 670, 504 stúlkur og 165 piltar,
sem stundað geta nám á fjórum
sviðum, heilbrigðisdeild, kennara-
deild, stjórnunardeild og sjávar-
útvegsdeild. Þorsteinn sagði skól-
ann eiga mikla samvinnu við
háskólann í Rovaniemi í Lapp-
landi, m.a. á sviði rannsókna en
einnig skiptust skólarnir á nem-
endum og kennurum.
Níels Einarsson kynnti Stofnun
Vilhjálms Stefánssonar og Há-
skóla norðurslóða en alls standa
30 stofnanir í 11 löndum að Há-
skóla norðurslóða. Sagði hann það
vera stofnun án veggja sem ætlað
væri að sinna þörfum fólks á norð-
lægum slóðum, st.yðja við og vera
viðbót við aðrar menntastofnanir
á þessu svæði.
Akureyri þekkt
fræðasetur í málefnum
norðurslóða
Morgunblaðið/Kristján
Finnlandsforseti flutti fyrirlestur um málefni norðurslóða á Akureyri.
AKUREYRI verður sífellt þekktari
sem fræðasetur í málefnum norður-
slóða og annan'a norrænna sam-
starfsverkefna og það er líka
ánægjuefni að Akureyri er í nánu
samstarfí við hliðstæðan bæ í Lapp-
landi, Rovaniemi í gegnum háskóla
bæjanna, sagði Tarja Halonen, for-
seti Finnlands, meðal annars í upp-
hafi fyrirlesturs síns á Akureyri í
gær en þar ræddi hún um samstarf á
sviði norðurslóða í víðu samhengi.
Finnlandsforseti kvað Ólaf Ragn-
ar Grímsson, forseta íslands, hafa
lagt grunn að samstarfi Akureyrar
og Rovaniemi þegar hann setti fram
hugmyndina um Norrænu rann-
sóknastofnunina þegar hann heim-
sótti Háskólann í Lapplandi árið
1998. Miðstöðvar norðurslóða í Rov-
aniemi og Akureyri hafi starfað náið
saman og nýtt sér nútíma upplýs-
ingatækni og skapað eins konar há-
skólanet til rannsókna á þessu
fræðasviði.
Halonen sagði heiminn breytast
hratt og að talað væri mikið um al-
þjóðavæðingu í viðskiptum. Alþjóða-
væðing væri hins vegar mun meiri
og þar gegndu Sameinuðu þjóðirnar
til dæmis miklu hlutverki sem væri
ekki síst mikilvægt fyrir Norður-
lönd. Það mætti m.a. marka af því að
ísland hefði hug á að fá sæti í örygg-
isráði SÞ í kringum 2009 til 2010.
Hún minnti á þá áherslu sem jaðar-
þjóðirnar í norrænu samstarfi,
Finnland og ísland, legðu á samstarf
sín í milli og með samstarfi við þriðja
land eins og nú væri mögulegt varð-
andi málefni Eystrasaltslanda. For-
setinn sagði Finnland styðja hug-
myndir íslands um aukið samstarf
landa við Norður-Atlantshaf, einnig
innan norræna ráðherraráðsins á
sama hátt og ísland styddi við að-
gerðir Finna í austurátt.
Forsetinn sagði Finnland hafa
lagt áherslu á það fyrir Evrópusam-
bandinu að Norðurlandaþjóðir vildu
sjá aukið samstarf ESB við þær og
að ísland og Noregur hefðu strax
séð þýðingu þess að Finnland ynni
að þessari stefnu innan ESB og hefði
hún borið árangur. Þá ræddi hún um
norðlægu víddina sem hún sagði
mikilvæga Finnlandi og íslandi og
meðal verkefna á því sviði væri að
draga úr ógnum sem heilsu manna
og umhverfinu stafaði af mengun í
Eystrasalti og Barentshafi.
Tarja Halonen gerði einnig Norð-
urskautsráðið að umtalsefni og sagði
tíma til kominn að það tæki jafnrétt-
ismálefni til umræðu og nýtti sér
vinnu sem fram hefði farið í samtök-
um kvenna og meðal frumbyggja.
Kvaðst hún einnig vona að hægt yrði
að nýta sér þekkingu sem fram hefði
komið á kvennaráðstefnunni í
Reykjavík í október á síðasta ári með
verkefnum sem hrint hefði verið af
stað í framhaldi af henni.
Undir lokin sagðist Halonen hafa
varið miklum tíma í að fjalla um nor-
rænt samstarf innan þeirra mörgu
samtaka sem það væri á dagskrá.
Hún sagði samskipti og frumkvæði
einstaklinga í löndunum jafnmikil-
væg og minnti á ráðstefnur og önnur
samskipti á því sviði. Lokaorð henn-
ar voru á þá leið að sú staðreynd að
Finnar væru í útjaðri í austri og ís-
lendingar í vestri sameinaði þjóðirn-
ar fremur en að greina þær að.