Morgunblaðið - 23.11.2000, Blaðsíða 6

6 FIMMTUDAGUR 23. NÓVEMBER 2000
MORGUNBLAÐIÐ
FRÉTTIR
Guðmundur St Valdimarsson
Þyrlan tekur elds-
neyti á
ÞYRLA Landhelgisgæslunnar, TF-
LÍF tók eldsneyti úr dönsku varð-
skipi í utanverðum Faxaflóa á
þriðjudaginn var, en það er í fyrsta
skipti sem það er gert.
Samkvæmt upplýsingum Land-
helgisgæslunnar tókst eldsneytis-
takan mjög vel. Þessi möguleiki, að
taka eldsneyti úr dönskum varð-
skipum, sem oftsinnis eru á ferð hór
hafi Útí
við íslandsstrendur á leið sinni til
og frá gæslustörfum við Grænland
og Færeyjar, eykur afkastagetu
þyrlunnar til mikilla muna þegar
hún er við leit og björgun.
Við hönnun á nýju varðskipi
Landhelgisgæslunnar er gert ráð
fyrir eldsneytistökubúnaði og í at-
hugun er að setja slíkan búnað
einnig í varðskipin Tý og Ægi.
Dæmdir fyrir
að falsa seðla
TVEIR karlmenn voru dæmdir í 5
og 10 mánaða fangelsi í Héraðsdómi
Reykjavíkur í gær. Annar þeirra
var sakfelldur fyrir að hafa falsað
þrettán 5.000 króna peningaseðla en
hinn hlaut dóm fyrir að hafa notað
tvo seðla þrátt fyrir að hafa vitað að
þeir voru falsaðir.
Refsingin var skilorðsbundin, hjá
öðrum fellur hún niður eftir tvö en
hjá hinum eftir þijú ár, haldi þeir
almennt skilorð. Hjördís Hákonar-
dóttir héraðsdómari kvað upp dóm-
inn.
Greiddu fyrir áfengi,
veitingar og gítarstrengi
Hið saknæma athæfi átti sér stað
í nóvembermánuði 1999 í herbergi
annars mannanna á áfangaheimili.
Þar falsaði hann þrettán 5.000
króna peningaseðla. Notaði hann
níu þeirra í lok nóvember- og byrj-
un desembermánaðar í viðskiptum
á veitingahúsum og verslunum í
Reykjavík og Mosfellsbæ. Sá er
þyngri dóminn hlaut játaði að hafa
notað í viðskiptum tvo 5.000 króna
peningaseðla sem hann vissi að voru
falsaðir. Annan notaði hann til þess
að greiða fyrir kaffiveitingar og
hinn til að greiða fyrir gítarstrengi.
Sá sem falsaði peningana er í
dómnum sagður eiga við áfengis-
vandamál og þunglyndi að stríða.
Um er að ræða fyrsta hegningar-
lagabrot hans og þar sem hann
þótti ekki stórtækur við fölsunina,
samkvæmt málsgögnum, og svo
virtist sem veikleiki og áfengis-
neysla fremur en gróðafíkn og
sterkur ásetningur hefði leitt hann
út í brotið, þótti héraðsdómararefs-
ing hans hæfilega ákveðin fangelsi í
fimm mánuði, skilorðsbundin í tvö
ár. Sá sem þyngri dóminn hlaut og
kom tveimur seðlanna í umferð á
allnokkum sakaferil að baki sem
hófst árið 1985. Eftir 18 ára aldur
hefur hann á árunum 1986 til 1991
gengist þrisvar sinnum undir sátt
vegna umferðarlagabrots, hylming-
ar og skjalafals. Að auki hefur hann
hlotið níu refsidóma.
í dómnum segir enn fremur að
mennimir séu báðir í meðferð við
áfengis- eða vímuefnaneyslu. Þeir
hafi báðir staðið sig vel og því þyki
rétt að fresta fullnustu refsingar-
innar haldi mennimir almennt skil-
orð.
Mönnum var að auki gert að
greiða samtals 70.000 krónur í
málsvamarlaun.
Bnk vikunnaí
w 23.-30. nóvember
HALLA
Ljóðabálkur Steins Steinarrs, með myndum
Louisu Matthiasdóttur. Halla litla er kát og
lífsglöð stúlka sem býr hjá afa sínum og er
aflakló eins og hann. Hún lendir í háskalegum
ævintýrum sem þó fara vel að lokum.
Ljóðið orti Steinn um 1940, en þetta tvöfalda ! |
listaverk kom í teitirnar á þessu ári.
1.736
kr. Verð áður 2.480 kr.
Nwwsíæw:
•MÍLARPRINSESSAN
1.393
Verð áður 1.990 kr.
KAFTEINN OFURBRÓIC
f ogævirttýrihans.
1.386
Verð áður 1.980 kr.

www,pennlnri*h Eymundsson
Flugskóli Islands
kaupir flughermi
Flughermirinn verður sambærilegur stjórnklefa í B757- og B767-þot-
um sem eru eins að allri gerð.
FLUGSKÓLI íslands hefur samið
við bandarískt fyrirtæki um kaup á
flughermi, sem er eftirlíking af
stjómklefa Boeing 757 og 767 þotna.
Verður hann annars vegar notaður
til að kenna flugnemum og hins veg-
ar verður flugfélögum leigður að-
gangur vegna þjálfunar flugmanna
þeirra.
Baldvin Birgisson, skólastjóri
Flugskóla íslands, tjáði Morgun-
blaðinu að samið hefði verið við
Wicat í Bandaríkjunum, sem sér-
hæfir sig í framleiðslu á flughermum
og flugþjálfunartækjum. Þá hefur
verið samið við Flugfélagið Atlanta,
Flugleiðir og íslandsflug um leigu á
tækinu vegna þjálfunar flugmanna
og flugvirkja.
Kostar um 200
milljónir króna
Framleiðsla á að hefjast í næsta
mánuði og tekur ár. Kveðst Baldvin
gera ráð fyrir að tækið verði komið í
gagnið í árslok 2001. Tækið kostar
um 200 milljónir króna.
Flughermirinn er eins og tveggja
manna stjómklefi í þotum af gerð-
unum B757 og B767, sem era eins að
allri gerð. Hann er með öllum til-
heyrandi tækjum, svo sem öllum
stýram, sem hreyfa verður með
sama átaki og í þotu, öllum tölvu-
búnaði, sjálfstýringu, skjám og fjar-
skiptabúnaði og hljóðum en tækið er
ekki hreyfanlegt á vökvalyftum eins
og stærri flughermar. Þá er hægt að
hafa útsýni úr gluggum og veður-
skilyrði breytileg og hægt er að æfa
flug inn á alla flugvelli heimsins.
Baldvin segir flugherminn notaðan
til að þjálfa flugnema í áhafnasam-
starfi í tveggja manna stjómklefa
þotu. Flugskólinn verði að hafa yfir
tæki sem þessu að ráða til að geta
útskrifað fullgilda flugmenn eftir að
ísland gerðist aðili að samevrópsk:
um flugöryggisreglum 1. júh' 1999. í
þeim er meðal annars gerð krafa um
þjálfun flugnema í fjölstjóma flug-
vél, þ.e. vél sem krefst fleiri en eins
flugmanns. Baldvin segir Flugskóla
íslands hafa staðið frammi fyrir því
að velja flughermi af minni gerð fyr-
ir skrúfuvélar, sem eingöngu hefði
nýst skólanum, eða stærri hermi þar
sem æfa má þotuflug. Var það talinn
hagkvæmari kostur vegna meiri
nýtingarmöguleika. Skóhnn á fyrir
tíu ára gamlan flughermi sem notað-
ur er til að kenna grannþætti blind-
flugs.
Nauðsynlegur vegna
þjálfunar til þotuflugs
Með því að velja þessa stærri gerð
segir Baldvin mögulegt að leigja
flugfélögum, t.d. Atlanta, Flugleið-
um og Islandsflugi, aðgang og era
áætlanir um fjármögnun og rekstur
tækisins byggðar á slíkri leigu.
Flugleiðir reka 757 þotur og Atlanta
tekur á næstunni 767 þotur í þjón-
ustu sína. Baldvin bendir einnig á að
sú breyting sé að verða í íslenskum
flugrekstri að flugmenn hefji ekki
endilega feril sinn á litlum vélum í
innanlandsflugi og færist síðan á
þotur eftir því sem þeir afli sér
reynslu heldur séu flugmenn oft
ráðnir á þotur beint úr skólanum.
Þurfi því að miða þjálfun þeirra við
það og þar kemur flughermirinn að
miklu gagni.
Flugnemar verða að taka 50 tíma í
flugherminum og segir Baldvin
námið í skólanum miðast við al-
menna fæmi í þotuflugi og áhafna-
samvinnu. Við ráðningu nýrra flug-
manna til flugfélaganna taki síðan
við frekari þjálfun í flugherminum
þar sem farið er nákvæmar í öll
kerfi viðkomandi flugvélategundar.
Geta félögin sparað sér að nokkru
leyti kaup á tímum í slíkum tækjum
erlendis vegna þjálfunar flugmanna
sinna með því að fá inni í flughermi
Flugskólans og hefur þegar verið
samið við áðumefnd þrjú flugfélög
um slíka leigu.
Ekki er Ijóst á þessu stigi hvar
flugherminum verður komið fyrir en
verið er að leita að framtíðarhús-
næði fyrir skólann. Flugskóli ís-
lands hf. er í eigu ríkisins, Flugfé-
lagsins Atlanta, Flugleiða, íslands-
flugs og flugskólanna Flugtaks og
Flugmenntar.
íslendingar heimsmeistarar 1 farsímanotkun
Farsímar eru orðnir
um 210 þúsund talsins
FARSÍMAEIGN Á ÍSLANDI
Fjölgun farsíma frá 1986 GSM símar
UM 210 þúsund farsímar era nú í
notkun hér á landi. Fram kom í
Morgunblaðinu í gær að farsíma-
eign Islendinga nú orðin meiri en í
Finnlandi sem haft hefur forystuna
í farsímanotkun í heiminum á und-
anfömum áram. Era íslenskir not-
endur farsíma nú taldir hlutfalls-
lega fleiri miðað við höfðatölu en
hjá nokkurri annarri þjóð.
Farsímanotendum hefur fjölgað
ört á seinustu áram eftir að GSM-
farsímakerfið var tekið í notkun ár-
ið 1994, eins og sjá má á meðfylgj-
andi töflu sem byggð er á upplýs-
ingum símafyrirtækjanna um
farsímaeign á Islandi. Hafa þegar
verið seldir fleiri farsímar hér á
landi en sem nemur fjölda fastlínu-
tenginga en þær era um 175 þús-
und á landinu öllu.
Farsímakort í margs
konar öðrum tækjum
Notkun GSM-síma hefur aukist
mjög hratt á seinustu 2-3 árum. í
ársbyrjun 1997 vora um 8,6% þjóð-
arinnar komin með GSM-síma.
Tveimur áram síðar var þriðji hver
íslendingur farsímanotandi og
vora íslendingar þá komnir í
fimmta sæti yfir fjölda notenda
farsíma í Evrópu miðað við hverja
þúsund íbúa. í byrjun þessa árs var
um 61% þjóðarinnar komið með
farsíma, en í dag er hlutfallið ná-
lægt 75%.
Þórólfur Arnason, forstjóri Tals,
bendir á að ekki sé öll sagan sögð ef
eingöngu sé litið á fjölda farsíma
því nú þegar sé kominn í notkun
töluverður fjöldi ýmiss konar tækja
og búnaðar sem nota farsímakort,
s.s. vöktunartækja, farposa, ferða-
tölva o.fl. „Það era raunveralega
engin endamörk á því hversu mörg
tæki koma til sem nýta þessa tækni
og ný tækni, eins og t.d. GPRS-
kerfið sem Tal hefur þegar tekið í
notkun, mun öragglega ýta undir
aukna notkun GSM fyrir fartölvur,
myndsendingar og svo framvegis,"
segir hann. Þórólfur telur að smám
saman muni menn hætta að tala um
farsímanotkun sem hlutfall af
fjölda íbúa því farsímatæknina
verði að finna í fjölda margs konar
tækja s.s. inni á heimilum, í farar-
tækjum ogvíðar.
Dagblaðið Financial Times fjall-
aði um hina útbreiddu notkun far-
síma á íslandi og samkeppni á
fjarskiptamarkaðinum í grein í
seinustu viku. Þar kemur fram að
íslendingar séu orðnir ein fremsta
tækniþjóð í heiminum og því sé
spáð að farsímaeign verði komin
yfir 100% af íbúafjölda um mitt ár
2002.