Morgunblaðið - 10.12.2000, Blaðsíða 39

MORGUNB LAÐIÐ
SUNNUDAGUR 10. DESEMBER 2000 39
MINNINGAR
ESRA SERAJA
PÉTURSSON
+ Esra Seraja Pét-
ursson fæddist í
Reykjavík 11. sept-
ember 1918. Hann
lést á heimili sínu í
Flórída 1. desember
sfðastliðinn. Foreldr-
ar hans voru hjónin
Sigríður Elín Torfa-
dóttir frá Flateyri í
Önundarfirði, f. 1879,
og Pétur Sigurðsson
úr Skagafírði, f.
1892. Esra átti eina
systur, Maríu Önnu
Pétursdóttir, f. 1919.
Esra kvæntist Astu
Einarsdóttur, f. 31. janúar 1922 í
Reykjavík. Hún lést 1991. Þau
eignuðust sjö syni: 1) Pétur Kjart-
an, f. 25.11. 1941, kvæntur Ást-
hildi Helgadóttur. Sonur þeirra er
Helgi Esra. 2) Einar Haraldur, f.
31.12. 1943, kvæntur Kristínu
Árnadóttur. Böm þeirra: Árni
Esra, Ásta, f. 1972, d. 1981, Bald-
vin Esra, og Jón Tómas. 3) Sigurð-
ur Ragnar, f. 22.5. 1949, kvæntur
Cheryl Tilley. Böm þeirra: Joanne
Ásta, Celeste Maja, Cesilia Ástrós
og Esra Charles. 4) Karl Torfi, f.
3.3.1950, kvæntur Helgu Magnús-
dóttur. Dóttir Karls Torfa frá
fyrra hjónabandi er Karlanna
Tormae, f. 1972. 5) Jón Tómas, f.
23.10. 1951, í sambúð með Olgu
Morales. Dætur Jóns Tómasar frá
fyrra hjónabandi: Alecia Maja og
Elina Asta. 6) Finnbogi Þór, f. 15.
júní 1953, kvæntur Huldu Sif Ás-
geirsdóttur. Börn þeirra: Ásgeir
Birgir, Esra Már og Elvar Örn. 7)
Esra Jóhannes, f. 26. júní 1957,

OSWALDS
SÍMT551 3485
ÞJÓNUSTA ALLAN
SÓLARHRINGINN
ADAI5TRÆTI 4B • 101 RLYKJAVÍK
Dtwíð Iugvr Ólttfur
Útfanmtj. l'tfararstj. Utfararstj.
LÍKKISTUVIN N USTOI A
EYVINDAR ÁRNASONAR
1899
kvæntur Kristínu
Lilju Kjartansdóttur.
Dætur þeirra: Rúna
og Ásta. Að auki átti
Esra tvö böm: Vig-
dísi, f. 1955, sem er
gift Einari Unn-
steinssyni. Böm
þeirra: Eyrún Nanna
og Kári Esra. And-
rés Jón, f. 1986.
Eftirlifandi kona
Esra er Edda Val-
borg Scheving.
Esra lauk stúd-
entsprófi frá
Menntaskólanum í
Reykjavík árið 1937, prófi í fiðlu-
leik frá Tónlistarskólanum í
Reykjavík árið 1940 og prófí í
læknisfræði frá Háskóla Islands
árið 1946. Hann lauk sérnámi í
tauga- og geðsjúkdómum frá Uni-
versity og North Carolina árið
1957 og sérnámi í sálgreiningu frá
American Institute for Psycho-
analysis í New York árið 1970.
Esra starfaði víða við sitt fag hér-
lendis og í Bandaríkjunum. Hann
starfaði meðal annars sem héraðs-
læknir á Kirkjubæjarklaustri, við
Kleppsspítalann og var starfandi
sálgreiningarlæknir bæði í
Reykjavík og New York. Auk þess
kenndi hann víða, meðal annars
við Comell háskóla, Nýja hjúkrun-
arskólann og Hjúkrunarskóla fs-
lands. Hann flutti til Flórída árið
1998, þar sem hann lést.
Útför Esra fer fram frá Hall-
grímskirkju mánudaginn 11. des-
ember og hefst athöfnin klukkan
13.30.
Hann var einn af þessum afburða
gáfumönnum sem fæddust á fyrstu
áratugum tuttugustu aldar og nutu
þeirrar náðar að geta menntað sig.
Allt hans líf einkenndist af þekking-
arleit og fræðimennsku. Þótt for-
eldrar hans byggju ekki við mikii
efni tókst honum með góðum stuðn-
ingi þeirra og annarra að Ijúka
læknanámi við Háskóla Islands.
Hann var líka gæddur góðum tón-
listargáfum og lærði og lék á ýmis
hljóðfærí, s.s. píanó, fiðlu og saxófón
og sá sér og fjölskyldunni farborða
meðan á námi stóð með því að leika
og syngja með danshljómsveitum.
Hann hét Esra Seraja Pétursson
og ólst upp hjá ástríkum og góðum
foreldrum, ásamt systur sinni, Maríu
Önnu, en þau systkin mátu ætíð
hvort annað mikils. Móðmn, Sigríð-
ur Elín Torfadóttir, var ættuð úr Ön-
undarfirði, en faðirinn, Pétur Sig-
urðsson, úr Skagafirði. Hann orti svo
í orðastað móðurinnar á þriðja af-
mælisdegi Esra:
Drengurinn minn.
Duglegi, hjartkæri pflingurinn.
Þökk fyrirbarnslega kátínu kvakið,
kærleik og lífsgleði hefir þú vakið
hjá mömmu og pabba um þessi þrjú
þreyðu árin, sem fullnarðu nú.
Fjölskyldan bjó um tíma í Kanada
og síðan í Reykjavík.
Esra kvæntist Ástu Einarsdóttur
meðan hann stundaði læknanám og
ísland var hernumið af Bretum. I
brúðkaupi þeirra flutti Pétur hinum
ungu brúðhjónum frumort ljóð:
011 erveröldeinsogný,
orðin skyndilega.
Blessuð sólin björt og hlý,
brosiryndislega.
Inn í dýran Edens rann
aðeins tvö þau ganga,
búasíðan húnoghann
hér um eilífð langa.
Geymir þeirra háu höll
heimur fagurgerður.
Brúðkaupsdagur ævin öll.
Yndislegurverður.
Já, Pétur var ánægður meða ráða-
haginn og dáði hann tengdadóttur
sína alla tíð. Hann þakkaði henni
fremur en öðrum það að Esra skyldi
takast að stunda sitt nám og ljúka
því. Ásta og Esra bjuggu í hjóna-
bandi um langa eilíf, eða tæp 50 ár.
Þau eignuðust saman sjö syni, sem
aliir eru hinir mætustu menn og hafa
stækkað fjölskylduna til muna. Að
auki bættust tvö böm Esra í hópinn.
Hann sinnti mörgum mismunandi
störfum á langri starfsævi. Hér
heima var hann meðal annars
héraðslæknir á Klaustri í nokkur ár
um miðja öldina og naut þar mikilla
vinsælda, enda vann hann sveitinni
vel, því fyrir utan læknisstörfin
stofnaði hann og stjórnaði kirkjukór,
var drifkraftur í byggingu læknis-
bústaðar, félagsheimilis o.fl. Ásta
var stoð hans og stytta sem ætíð og
var hún elskuð og virt af sveitungum
þeirra.
Hann tók sig upp ásamt fjölskyld-
unni í þrígang og fór til framhalds-
náms og starfs í geðlækningum í
Bandaríkjunum. í síðustu dvölinni
þar, sem stóð í 13 ár í New York,
stundaði hann m.a. sálgreiningar-
nám, sinnti föngum og fíklum og
starfaði sem yfirlæknir á geðdeild.
Hann var í miklum metum vegna
starfa sinna og náms og hlaut margs
konar viðurkenningar. Þau hjónin
fluttu heim 1975 og rak hann lengi
eigin læknastofu í Reykjavík. Ásta
lést snögglega árið 1991 og varð öll-
um mikill harmdauði. Hún var akk-
erið í fjölskyldunni og tókst svo und-
urvel að halda henni saman, með
glaðværð sinni, greind og umburðar-
lyndi. Hún var líka bundin systkin-
um sínum sterkum böndum og ríkti
mikið ástríki á milli hennar og þeirra
enda voru þau, níu systur og tveir
bræður, alin upp af kærleiksríkum
og umhyggjusömum foreldrum,
þeim Ragnhildi Jónsdóttur og Einari
Tómassyni, kolakaupmanni, í hjarta
Reykjavíkur. Nú hafa fjórar systr-
anna kvatt þennan heim og bið ég
þeim öllum blessunar Guðs.
Árín eftir lát Ástu urðu Esra erfið
og hafa örlagadísirnar ekki alltaf
verið honum og fjölskyldunni hlið-
hollar. Hann lést fjarri heimaland-
inu, í Flórída, en þangað hafði hann
flust eftir að hann kvæntist seinni
konu sinni, Eddu V. Scheving.
Aska hans hefur verið flutt heim
og mun hún sett niður við hlið Ástu
óg finnst okkur, ástvinum hans, það
vera farsæl ráðstöfum.
Við Einar og börnin okkar kveðj-
um föður, tengdaföður, afa og lang-
afa með söknuði og þakklæti fyrir öll
góðu árin. Við eigum sannarlega
t
Innilegar þakkir til þeirra sem sýndu okkur
samúö og vinarhug vegna andláts og útfarar
STEFÁNS KRISTJÁNSSONAR
fyrrv. vagnstjóra,
Laufrima 4.
Sérstakar þakkir til starfsfólks þvagfaera-
skurðdeildar Landspítalans við Hringbraut.
Hafdfs B. Hannesdóttir,
Ingimar Bragi Stefánsson,
Inga Hrönn Stefánsdóttir,
Hanna S. Stefánsdóttir, Páll Skúlason,
fsar Daði Pálsson.
t
Innilegar þakkir fyrir auðsýnda samúð, vináttu
og hlýhug við andlát og útför elskulegrar
móður okkar, tengdamóður og ömmu,
ELÍNAR ÞORVARÐARDÓTTUR,
Þangbakka 8.
Hrafnhildur Hauksdóttir,
Ragnar Hauksson,
Anna Skúladóttir,
Bjöm Hauksson,
Þórhildur Jónsdóttir
og barnabörn.
góðar endurminningar, eins og fogn-
uð þeirra hjóna er bömin okkar
fæddust og þátttöku þeirra í gleði og
sorgarstundum í lífi okkar. Við
minnumst líka heimsóknar okkar til
þeirra í New York, er þau litu fyrsta
barnabarnið augum og töldu að þar
færi einstakur drengur, er stæði
flestum framar! Esra hentist með
afadrenginn, þriggja mánaða, í fang-
inu um allan spítalann þar sem hann
vann og hampaði honum og taldi
fólki trú um að hann væri undra-
barn! Guði sé lof þá reyndist hann
vera venjulegt barn, en alltaf var
sérlega kært með þeim tveimur. Já,
við gleymum aldrei jólaboðunum er
allur skarinn mætti og þeim stór-
kostlega veislumat, sem Ásta fram-
reiddi af list og gleði og Esra spilaði
jólasálmana á píanóið og allir sungu
með. Einu sinni á jólum spilaði lítil
afastúlka með afa á flautu og er sú
stund sérlega dýrmæt í minning-
unni.
Komin er kveðjustund. Megi kær-
leiksríkur Guð taka við honum og
láta hann hvíla í náðarfaðmi sínum.
Hans eilífa ljós lýsi Esra og öllum
öðrum ástvinum sem farnir eru. Ég
bið Guð allrar huggunar um að vera
Eddu, Maríu og öllum bömum hans
og fjölskyldum þeirra nálægur.
Hann hvíli í eilífri náðinni.
Kristín Árnadóttir.
Það er erfitt að trúa því að maður
með jafn ungan og vakandi anda eins
og Esra S. Pétursson læknir sé horf-
inn á braut. Vegur Esra var ólíkur
annarra; ferill hans fjölbreyttur og
litríkur og maðurinn leitandi.
Meðfædd greind Esra, miklir
námshæfileikar og eðlislæg mannúð
auðveldaði honum þá ákvörðun að
gerast læknir. Heimspekilegur og
trúarlegur áhugi hans hefði alveg
eins getað stefnt honum í aðra far-
vegi, eins og húmanískar námsgrein-
ar eða prestsnám. Tónlistarhæfileik-
ar Esra, sem leiddu hann jafnt til
náms og starfa í sígildri tónlist sem
dægurtónlist um tíma, hefðu einnig
getað skapað honum starfsgnmdvöll
til framtíðar. En Esra valdi að verða
læknir því hann vildi líkna samferða-
mönnum sínum og leggja sitt af
mörkum svo þeir þjáðu, sem á leið
hans yrðu, gætu átt betra eða þolan-
legra líf. Og þeir urðu margir.
Sálkönnun varð hinn eiginlegi
ákvörðunarstaður Esra. Einnig per-
sónulega, því hans eigin sálkönnun
með aðstoð sálkönnuðar opnaði fyrir
honum eigið sálarlíf. Esra var undar-
leg blanda af djúpt þenkjandi og al*
vörugefnum manni annars vegar og
opnum og hrifnæmum manni hins
vegar. Ríkjandi þættir í persónugerð
hans voru samhyggja, góðvild og
leitandi skilningur á manninum en
jafnframt sterk og barnsleg eigin-
hagsmunahyggja. Guðstrú hans var
djúp og einlæg. Allir þessir þættir
toguðust ætíð á í Esra og gerðu per-
sónuleika hans margþættan. Esra
gerði sér vel grein fyrir flókinni sam-
setningu sálarlífs síns og viður-
kenndi bresti sína og mistök fyrr og
síðar af meiri hreinskilni og æðru-
leysi en menn eiga að venjast í ís- •
lensku samfélagi.
Fyrir nokkrum árum, kominn á
háan aldur, hafði Esra við mig sam-
band með það í huga að ég ritaði ævi-
sögu hans. Ég þekkti Esra ekki
persónulega, þótt ég hefði heyrt
hans getið.
Esra vildi koma til dyranna eins
og hann var klæddur. Hann leit á
ævisögu sína ekki aðeins sem saman-
tekt á lífssýn sinni, heldur einnig
sem umbúðalausa játningu syndugs
manns. Þessi hreinskilna og fölskva-
lausa sannleiksleit Esra varð mörg-
um oíviða sem bókina lásu og jafnvei
þeim sem aldrei opnuðu hana. Sjáif-
ur gekk hann æðrulaus og með reisn
gegnum fárviðrið sem geisaði um.
hann í kjölfar útgáfu ævisögunnar.
Esra segir í lok æviminninga sinna:
„Ég hef rannsakað líf mitt til að fá
svör við endalausum spurningum
sem á mig hafa leitað. Ég hef skoðað
og endurskoðað. Ég hef haft þanka,
bakþanka og eftirþanka. Ég hef lifað
í heiminum og senn fer ég úr þreng-
ingunni miklu. En ég er hughraust-
ur, því handan þrengingarinnar bíð-
ur mín lífið.“
Nú er Esra S. Pétursson læknir
farinn úr þrengingunni miklu og
kominn til lífsins. Megi vinur minn
Esra, sem kenndi mér meira en aðrir
menn, hvíla í friði eftir róstusama og
leitandi lífsgöngu; göngu sem færði
honum samhengi hlutanna, hina
stóru samtengingu í öllu lífinu, geg
um dagana og söguna og þvert á tím-
ann. Þar eygði hann hina miklu
heild.
Það er ekki slæmt dagsverk.
Ingólfur Margeirsson.
+
Hjartans þakkir til allra þeirra sem sýndu okkur
samúð, hlýhug og vináttu við fráfall og útför
eiginmanns míns, föður okkar, tengdaföður, afa
og langafa,
GUNNARS ÁGÚSTS HELGASONAR,
Skólavegi 2,
Vestmannaeyjum.
Sérstakar þakkir til alls starfsfólks á deild 11 -E
á Landspítalanum við Hringbraut.
Guð blessi ykkur öll.
Æk.
Ingibjörg Lovísa Guðjónsdóttir,
Páll Guðjón Ágústsson, Sigurbjörg Stefánsdóttir,
Helga Guðbjörg Ágústsdóttir, Guðmundur Snædal Jónsson,
Hrönn Ágústsdóttir, Sigurður Sveinsson,
barnabörn og barnabarnabörn.
t
Innilegar þakkir fyrir allar kveðjur og auðsýnda
samúð við andlát og útför
GUÐMANNS EINARS MAGNÚSSONAR,
Vindhæli,
Skagaströnd.
Sendum starfsfólki Heilþrigðisstofnunar Aust-
ur-Húnavatnssýslu, Blönduósi, bestu þakkir
fyrir umönnun undanfarinna ára.
María Ólafsdóttir,
Guðrún Guðmannsdóttir, Bjarni Jóhannsson,
Anna Guðmannsdóttir, Sigurður Halidórsson,
Einar Guðmannsson, Ingibjörg Ragnarsdóttir,
Ólafur Guðmannsson,
Magnús Guðmannsson, Erna Högnadóttir,
Halldóra Guðmannsdóttir, ísleifur Jakobsson,
Guðmundur Magnússon,
Páll Magnússon,
barnabörn og barnabarnabörn.