Morgunblaðið - 31.12.2000, Side 46

J»6 SUNNUDAGUR 31. DESEMBER 2000
MORGUNBLAÐIÐ
Grettir
Smáfólk
Já, £rú.. VIö erum hér til að endumýja Hún sagði að það
hundaleyfið hans... væri ekkert að
var ekkert
hræddur.. þetta
I WA5NT
WORRIEP..
THI5 EYE
15 EVEN
BETTER../

óttast.. Þú þarft ekki auga er jafiivel
að fara í sjónpróf.. enn betra..
BREF
TIL BLAÐSINS
Kringlunni 1 103 Reykjavík • Sími 569 1100 • Simbréf 569 1329
Tímatalsstaðall
Frá Þorvaldi Gunnlaugssyni:
VTÐ ÞESSI tímamót er rétt að vekja
athygli á alþjóðlegum staðli
(ISO8601) um hvemig rita skuli tíma-
setningar á talnaformi.
Samkvæmt staðlinum skal rita
gamlársdag þessa árs með 2000-12-
31. Styttingar eru leyfðar eins og t.d.
00-12-31 en óæskilegar nema í réttu
samhengi, einnig má alltaf fella band-
strikin en 20001231 eða 001231 er
mun ólæsilegra.
Samkvæmt staðlinum eigum við
ekki að rita 31.12.2000 eða t.d.
01.02.03 því það getur misskilist, en ef
við notum bókstafi getum við áfram
ritað t.d. 31. des. 2000 í íslenskum
texta þar sem ekki er ætlast til að
dagsetningin sé skiljanleg á öðrum
málum eða þekkist af t.d. leitarvél á
vefnum.
Samkvæmt staðlinum má einnig
nota númer dagins innan ársins 2000-
366, 2001-001 er þá nýársdagur.
Einnig má nota vikunúmerið og viku-
dagsnúmerið 2000W52-7, 2001W01-1
fyrir nýársdag.
Skilgreiningin á viku sem mætti
kalla vinnuviku, bytjar á mánudegi
sem er númer 1 og endar á sunnudegi
númer 7.
Fimmtudagur er því númer 4 og
miðdagur vikunnar en ekki miðviku-
dagurinn. Helgin skiptist því ekki á
tvær vikur heldur er raunverulega
„weekend". Fyrsta vika ársins er sú
vika sem inniheldur fyrsta fimmtu-
dag ársins. Síðasta sekúnda dagsins
er 23:59:59, þ.e. nota skal tvípunkt á
milli. Tímabelti eru ekki skilgreind í
staðlinum, en gefa skal frávik stað-
artíma frá UTC (Universal Time,
GMT er ekki lengur notað). í stað
UTC má rita Z þannig að 12:00:00 Z
er nú í vetur 13:00:00 +1:00 í París en
07:00:00-5:00 íNewYork.
Sumum finnast formerkin snúa vit-
laust hér, en það er samkvæmt hefð
að tilgreina frávikið en ekki leiðrétt-
inguna. Þessi staðall er númerakerfí
sem ætlað er öllum trúfélögum, hann
miðast ekki við fæðingu Krists og
tekur ekki afstöðu til þess hvort árið
núll sé til. Engin skilgreining er á öld í
staðlinum. Aldir hafa verið númerað-
ar frá 1 og uppúr þannig að númer
aldarinnar er ekki í samræmi við ár-
hundraðið. Á tuttugustu öld var ár-
hundraðið oftast 19 en deilur standa
um hvenær öld ljúki. I númerakerfi
staðalsins er ljóst að nítjánda hundr-
aðinu lauk þegar árið 2000 hófst, stað-
allinn gefur því ekki tilefni til sér-
stakra hátíðahalda um áramótin
2000-2001, þau verða menn að halda
á öðrum forsemdum. Eins og sagt er
á dönsku ,4 nittenhundrede talet“ og
á ensku „in the nineteenhundreds“
lauk þegar árið 2000 hófst.
Því miður þekki ég ekki þjált orða-
lag á íslensku sem segir það sama og
gefur ekki tilefni til deilna og mis-
skilnings.
Síðasta keisaralega ákvörðun um
skilgreiningu á því hvað öld er var
tekin af Wilhelm Þýskalandskeisara
sem skar úr um að árið 1900
skildi tilheyra tuttugustu öld. Sam-
kvæmt því tilheyrði árið 2000 tuttug-
ustu og fyrstu öld og þriðja árþúsundi
en var ekki síðasta ár tuttugustu ald-
ar.
ÞORVALDUR
GUNNLAUGSSON,
stærðfræðingur og starfar m.a. við
vefhönnun hjá halo.is.
Islandspóstur
brást
Frá Einari Braga Bragasyni:
VIÐ SEM búum út á landi og erum
víst kallað landsbyggðarfólk treyst-
um mikið á stofnun sem kallar sig
Islandspóst, bæði er við sendum öðr-
um eitthvað eða fáum sent eitthvað.
Nú fyrir jólin þurfti ég eins og
önnur jól að senda pakka suður til
Reykjavíkur og fór þess vegna þann
20. desember með tvo pakka út á
pósthús hér á Seyðisfirði í öðrum
þeirra voru jólagjafir til vina og ætt-
ingja en í hinum voru rjúpur til vinar
míns. Hafði vinur minn einmitt sama
dag beðið mig að spyrja fólkið á
pósthúsinu hvort pakkarnir væru
ekki örugglega keyrðir út og var
mér sagt að svo væri og lét ég vin
minn vitaafþví.
Á aðfangadag um kl 14.00 ákvað
konan mín að hringja suður í móður
sína og heyra í henni hljóðið eins og
gengur og gerist og kemur þá í ljós
að jólapakkinn frá okkur hafði aldrei
borist til hennar en í honum voru
jólagjafir til nokkuð margra ætt-
ingja.
I ljósi þessara nýju upplýsinga
ákvað undirritaður að athuga hvort
rjúpurnar hefðu þá komist til skila
og reyndist svo heldur ekki vera.
Ég get varla lýst hvað ég varð
reiður þarna sem ég stóð í eldhús-
inu, en ákvað að athuga á textavarp-
inu hvað væri að frétta af póstmál-
unum. I textavarpinu stóð að
Islandspóstur viðurkenndi mistök
og enn séu jólapakkar í þeirra fór-
um, en þeir verði ekki keyrðir út í
dag, aðfangadag.
Bíðið nú við, þeir viðurkenna að
hafa klúðrað málunum en ætla ekk-
ert að gera í því. Þar sem ég stóð
ætlaði ég varla að trúa því sem ég
las, ákvað samt að hringja í þessa
miklu menn og heyra í þeim hljóðið.
En það kom að engum notum því
auðvitað var alltaf á tali.
Ég held að þessi jól hafi verið
gengið frá þeirri gömlu rómantík um
að pósturinn berjist í gegnum.storm
og hríð til þess að koma póstinum til
skila.
Að lokum vil ég samt koma á
framfæri þökkum til starfsmanna
íslandspósts hér á Seyðisfirði.
EINAR BRAGI BRAGASON,
Múlavegi 37, Seyðisfirði.
Allt efni sem birtist í Morgunblaðinu og Lesbók er varðveitt í uppiýsinga-
safni þess. Morgunbiaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.