Skírnir - 01.01.1890, Page 6

6
Í’ERÐ STANLEYS í AFRÍKU 1887-89.
voru veikir og 59 höfðu stolizt burt, dáið af vosbúð eða fallið
fyrir vopnum. Hin voðalegasta þraut, sem Stanley komst í,
var leiðin um skóginn. »Októbermánuði gleymir aldrei nokk-
ur hvítur eða svartur maður í sveit vorri», ritar Stanley í
brjefi. I miðjum október komu þeir að búðum annars þræla-
sölumanns. Voru þeir þá svo soltnir og uppgefnir, að þeir
seldu vopn sín og skotfæri fyrir mat. Stanley segir : »Vér
vorum allslausir; menn mínir voru berir og klæðlausir; vér
gátum ekki borið bátinn lengra og skildum hann eptir hjá
Aröbum ásamt 60 burðarmönnum og 38 hermönnum með Dr.
Parke og Nelson, sem var veikur». Stanley talaði hug í
menn sína og lýsti fyrir þeim, í hvílík sæluhéruð þeir mundu
koma, þegar skóginum lyki. Hinn 12. nóvember kornust þeir
út á sléttuna; þar var gnægð af geitum og hænsurn. Nú
voru einir 173 menn eptir af 388, mannræfiar, sem líktust
meir beinagrindum en lifandi, holdugum mönnum; svo horaðir
voru þeir. Nú voru ekki nema 16 mílur til Albert Nyanza,
og hvíldu þeir sig því í 14 daga. Loks 13. desember komu
þeir að vatninu, og höfðu verið nærri hálft ár að fara þessar
100 mílur.
Aður en Stanley lagði af stað frá Zanzibar, hafði hann
sent menn til að segja Emin, að hann væri á leiðmni. En
ekkert gufuskip var þar fyrir við ströndina, og Stanley réð
af því, að Emin mundi ekki vita neitt um ferð hans. Hann
hafði lífcil skotfæri, og það var jafnlangt að fara landveg fcil
Emins — sjóveg gat hann ekki komizt, því hann var bát- og
skiplaus — og að sækja stálbátinn. Hann sneri því aptur á
leið og reisti hér um bil 15 mílur frá vatninu virki, sem hann
kallaöi Fort Bodo. það var í janúar 1888. Hann beið þar,
og sendi Stairs, Evrópumánn, með 100 menn að sækja bát-
inn. Hann sótti bátinn, Dr. Parke og Nelson. Af hinum
38 hermönnum, sem voru með þeim, voru einir 11 eptir;
hinir voru dánir eða höfðu stolizt burt. Síðan lagði Stairs af
stað að sækja hina veiku menn, sem höfðu orðið eptir hjá
Ugarrowa, og Stanley kvaðst mundu hverfa aptur til Albert
Nyanza, ef hann væri ókominn eptir 39 daga. Svo lagðist
Stanley hættulega veikur, en batnaði þó, og var það að miklu
leyti Dr. Parke að þakka. Eptir 47 daga bið lagði hann af
stað til vatnsins með bátinn. Nelson var skipaður foringi
setuliðsins í Fort Bodo, sem var 43 menn. Nú frétti Stanley