Skírnir - 01.01.1890, Side 73

ENGLAND.
73
ar þau eru orðin sjálfbjarga. Canada og Astralíufylkin eru
orðin sjálfbjarga, en þau hafa þó ýmsan hagnað af því, að h&lda
sambandinu, og vilja ekki slíta því.
Frakkland.
Sýningin. Ágætismenn Prakka grafnir upp. Panamaskurð-
urinn.
Arið 1889 hefur tvennt verið efst á dagskrá á Frakklandi:
Boulanger og sýningin í minningu binnar miklu stjórnarbylting-
ar. Um afdrif Boulangers hef jeg ritað sérstaka grein, því hann
hefur staðið lengi á dagskrá Evrópu og virðist nii vera úr sög-
unni með öllu og hafa runnið sitt skeið til enda.
A sýninguna var öllum þjóðum boðið, enda sendu
allar þjóðir í Evrópu nema þjóðverjar og Tyrkir muni
á hana. Maður nokkur, Eiffel að nafni, bauðst til að reisa
turn úr járni, sem skyldi verða milli 900 og 1000 fet á hæð.
Sumir héldu, að maðurinn væri ekki með öllum mjalla, og skáld
og listamenn mótmæltu því sterklega, að reisa slíka ófreskju í
París. En Eiffel hafði sitt fram og reisti turninn. Voru í
honum 146 miljónir punda af járni og 3 lopt; hið neðsta var
2400 □ metra á stærð. Mátti ganga upp á hann rið eða fara
upp í lyptivél (elevator). Kiffel bjó sjálfur efst í turninum.
Hann hafði reiknað út, að turninn mundi okki haggast í hverju
roki, sem á hann stæði. Annað merkilegt hús á sýningunni
var höll sú, er vélar voru sýndar í. Hún var 1260 fet á lengd
og 375 á breidd; hún var öll úr járni, enda voru engar stoðir
undir mæninum. Hún kostaði 5| miljón króna.
Sýningin var opnuð 6. maí. Daginn áður var haldin stór
hátíð í Versailles í minningu stjórnarbyltingarinnar. Hinn 6.
maí skaut maóur skammbyssuskot á Carnot forseta á götu í
París. Hann varð ekki sár og maðurinn var tekinn höndum.
Sagði hann, að púður eitt hefði verið í byssunni og hefði hann
gert þetta til að ná rétti sínum. Hann var dæmdur í 4 mán-
aða fangelsi.
jpessi sýning var betur sótt en nokkur sýning hefur vérið
sótt nokkru sinni. Mest komu Englendingar og Ameríkumenn