Skírnir - 01.01.1890, Side 101

AMERÍKA.
101
drottningin meiddist; svo óþyrmilega var henni skipað út í
bátinn. Síðan var haldið til Lissabon. Skipstjóri hafði haft
skip sitt ferðbúið í nokkra daga, en það er engin sönnun fyrir
því, að um alla hnúta hafi verið búið á undan. Constans og
stúdentarnir sneru byltingunui upp í þjóðveldi. Annars hefðí,
ef til vill, ekki orðið nema ráðgjafaskipti úr henni. Fæðingar-
dagur keisara var haldinn um borð á leiðinni til Evrópu; hélt
hann ræðu og óskaði, að hin nýja stjórn yrði Brasilíu til góðs.
Brasilíumönnum er vel við keisarann, en iila við dóttur hans,
sem þykir vera nokkuð háð Jesúítum. Keisarinn sjálfur er
mjög frjálslyndur maður.
þegar Ouro Preto kom til Lissabon, sendi hann út opið
bréf; sagði hann í því, að stjórnin hefði vitað um uppreisnina,
en ekki getað treyst neinum til að kæfa hana. Hermenn með
hlaðnar byssur hefðu gætt sín í varðhaldinu; áttu þeir að skjóta
hann, ef þjóðveldinu væriveitt mótstaða með vopnum. Eggj-
ar hann keisarasinna að taka þátt í kosningum til þings.
Hin nýja stjórn kallaði landið «Bandaríki Brasilíu» og
vildi haga til eins og í Bandaríkjunum í Norður-Ameriku, hafa
jafnmargar stjörnur í Brasilíuflaggi og ríki eru í sambandinu.
Annars líktu þeir mest eptir frönsku stjórnarbyltingunni. |>eir
tóku upp ný nöfn á dögunum, kölluðu sunnudag Humanidi
(mannsins dag) og síðan hina dagana í röð, Maridi (húsbónda-
dagur), Patridi (föðurdagur), Filidi (sonardagur), Fratridi
(bróðurdagur), Domidi (húsdagur), Matridi (móðurdagur).
Mánuðirnir í árinu fóru heldur ekki varhluta af stjórnarbylt-
ingunni. þ>eir heita nú í Brasilíu: Móses, Hómer, Aristoteles,
Arkimedes, Cæsar, Páll postuli, Karl mikli (Karlamagnús),
Dante, Guttenberg, Shakspearé, Descartes, Friðrik mikli.
Nýtt og betra á allt að verða. Skömmu fyrir jól sendi fjár-
málaráðgjafinn í hinni nýju stjórn langt hraðskeyti (telegram)
til sendiherranna í Evrópu. Segir hann, að afnám þræla-
haldsins (í maí, 1888) sé ekki ástæðan til byltingarinnar, eins
og menn haldi í Evrópu, en keisaradæmið hafi í 60 ár haldið
aptur öllum framförum. Illa launi Ouro Preto þeim lífgjöf-
ina, er hann sé að rægja þá í Evrópu. það var auðséð, að
ráðgjafinn var hræddur um, að Brasilía mundi missa láns-
traust í Evrópu. |>að sé til athlægis, ef Evrópuveldi ætli
sér að hlutast til í Brasilíu; því Brasilía sé í varnar- og sókn-
ar-sambandi við alla Ameríku. þetta er ekki ólíklegt, þó