Árbók Hins íslenzka fornleifafélags - 01.01.1916, Blaðsíða 20

20
(dóttur Þórlaugar gyðju og Odda Ýrarsonar Geirmundardóttur heljar-
skinns); kann Jórunn hafa verið litlu eldri en Illugi; húnvarsonar-
dótturdóttir Ávangrs í Botni, og Hólm-Starri, fyrri maður hennar,
sonarsonarson Ketils á Innra-Hólmi, en þeir virðast báðir hafa verið
samtímamenn. Fer vel á þessu, en jafnframt verður enn ósennilegra,
að Illugi hafi verið 4. maður frá Grimi háleyska. — Loks átti Illugi,
að því er segir frá í Harðar sögu, Þuríði Grímkelsdóttur á ölfus-
vatni, hálfsystur Harðar. Grímkell var sonur Bjarnar gullbera, er
nam Lundarreykjadal og var kvæntur Ljótunni systur Kolgríms hins
gamla á Ferstiklu. Þeir hafa eptir Harðar sögu verið samtímamenn
Kolgrims í elli hans Hörður systursonarsonur hans og Illugi systur-
sonartengdasonur hans, og má það vel vera, en aldursmunur hefir
vitanlega verið mikill. Kemur nú enn fram, að undarlegt er að
telja Illuga 4. mann frá Grími háleyska (og 5. frá Þormóði á Akra-
nesi), er Þuríður kona hans er 2. maður frá Birni gullbera.
Þegar þeir Hólm-Starri og Illugi keyptu löndum og konum og
fé öllu, er óvist um hversu farið hefir með uppihald hofsins á Hof-
stöðum og goðorð það, sem sennilega hefir fylgt því. Segir Stb.
ekki, að Illugi hafi það af hendi látið og ólíklegt er, að hann hafi
látið af hendi mannaforráð án þess að fá þá önnur í staðinn. Hvort
heldur verið hefir, er því líklegt, að hann hafi haft mannaforráð
eptir að hann fór að búa á Hólmi, hafi hann haft þau áður, sem
sennilegt er. En að þessu verður vikið nánar síðar.
Þá er að geta annarar frásagnar í Harðar sögu, sem bendir
dálítið til, að Illugi hafi verið í Kjalarnessþingi. Segir sagan (í 20.
kap.), að Torfi hafi stefnt viga- og brennu-málum þeirra Harðar og
Helga Sigmundarsonar »til alþingis«. »En er Hörðr spurði þetta,
sendi hann Helga suðr til Indriða mágs síns, ok bað hann riða til
þíngs ok svara málum sínum ok bjóða sættir«.----------— — Indriði
svarar: ek hefi heitið Illuga rauða at fara til Kjalarnessþings, en
bjóða vil ek Herði liíngat til min. Helgi svarar: minni nauðsyn
mun þér at fara til Kjalarnessþings, en svara fyrir mág þinn, jafn-
röskvan«.........Þeir Kí. Kálund og Sig. Vigfússon geta báðir um
þessa frásögn, og þykir hún auðvitað kynleg. Kjalarnessþing var eins
og önnur vorþing haldið löngu á undan alþingi, og gat Indriði því
vel verið á báðum; en þó að þau hefðu verið haldin nær samtímis,
hefði hann samt getað komið á þau bæði, þareð ekki var nema
fárra stunda reið á milli þeirra. Þó mun það vera rétt, að Indriði
hafi komið með þessa afsökun, en það rangt í sögunni, að hann hafi
afsakað sig frá að ríða til alþingis, heldur vorþings þess, er Torfi
hefir stefnt málunum til og hann sjálfur hélt með öðrum goðorðs-