Árbók Hins íslenzka fornleifafélags - 01.01.1916, Síða 21

21
raönnum í »Þverárþingic, og þá hefir verið haldið fyrir vestan
Gljúfrá eða undir Yalfelli. I stað orðanna >til alþingis* ætti því að
standa »til vorþingis«. — ftaunar segir i vísu Harðar, sem hann á
að hafa kveðið, er hann spurði sekt sína:
Gjöra réð geymir stórra
gullhringa á alþingi
ósa enn at visu
elds fægi útlægan.
En allar visur sögunnar eru álitnar kveðnar um 400 árum
eptir dauða Harðar, og verður því ekki meira mark tekið á þeim
en sögunni sjálfri, og ekkert, ef þær eru í mótsögn við liana, því
að hún byggist á fornri sögu af sannsögulegum viðburðum, þótt mjög
hafi hún verið orðum aukin, er hún var færð í þann búning, sem
hún er í nú.
En þá er að líta á hitt, að þeir mágar Indriði og Illugi fara til
Kjalarnessþings, en ekki til Þinghólsþings. Sig. Vigfússon tekur það
réttilega fram, að Illugi hefir getað »átt áríðandi erindi til Kjalar-
nessþings, þó að hann væri þar ekki í þingi«. Indriði hefir senni-
lega verið í sama þingi og þeir Hörðr og Torfi, úr því að líörðr
leitar til hans. Bent var á, að likur væru til þess, að Illugi hafi
haft mannaforráð, að minsta kosti áður en hann fiutti að Hólmi, og
nú má helzt ráða af þessari frásögn, að hann hafi verið í Kjalar-
nessþingi, — hvort heldur hann hefir verið goðorðsmaður eða ekki.
En hafi Illugi á Innra-Hólmi verið í Kjalarnessþingi, þá eru líkur
fyrir þvi, að þingamótin hafi ekki verið staðbundin við Hvalfjörð og
Botnsá, heldur verið innar og þá helzt við fjöllin. Samkvæmt þeirri
skoðun, að fjórðungamótin hafi getað vcrið við Hvítá og í miðju
Þverárþingi, ef 1 þriðjungur þess var allur annars vegar, má þá (ef
þingamótin hafa verið við fjöllin) eins ætla, að fjórðungamótin hafi
getað verið við Hvalfjörð og Botnsá, ef 1 þriðjungur Kjalarnessþings
hefir verið heill fyrir vestan Botnsá. En hafi fjórðungamótin ekki
verið við Hvítá á þessum tímum og ekki verið annars staðar en
þingamótin vóru, þá verða mest líkindi til, að þau (fjm.) hafa verið
við Hafnarfjali og Skarðsheiði, hafi Illugi verið í Kjalarnessþingi.
En ekki munu verða færðar sönnur á, að Illugi eða aðrir í þessum
sveitum hafi verið í Kjalarnessþingi á þessum tímum, og þó að það
væri víst, að Iilugi hefði verið það, þá sannaði það ekkert fyllilega um
fjórðungamótin, því að hann gat verið þar í þingi sem annars fjórð-
ungs maður samkvæpit lofi. En af sögunni sést ekki annað, en að