Árbók Hins íslenzka fornleifafélags - 01.01.1916, Blaðsíða 25

25
hefði verið þeim hentara eftir því sem þar hagar til (sbr. uppdr.
herfr.), En hafi þeir lagt »utarliga á höfnina« og »eigi inn í ósinn«,
virðist ekki vera hægt að heimfæra þetta vel upp á staðháttu hjá
Höfn í Melasveit, þar eð sýnilegt er af orðum Odds, að þeir hafa
farið inn fyrir einhverjar grynningar, sem þeir gátu ekki komist út
fyrir nema með stórstraumsfióði. Sé hér aptur á móti um Hvítárós
að ræða, virðist eðlilegast að álíta, að með höfninni sé átt við innsta
hluta Borgarfjarðar (fyrir utan bæinn að Hvítárósi) og að með orðum
Blundketils sé átt við höfnina, sem skipið lá á, eða lendingarstaðinn
hjá henni, en ekki bæinn Höfn í Melasveit.
En þó að nú skipið hafi legið hjá Höfn og Oddr farið þangað,
þá verður það alls ekki tekið sem sönnun fyrir þvi, að mannaforráð
hans hafi ekki takmarkast aðallega af Hafnarfjalli, svo sem áður
var sagt og rök voru færð fyrir hér að framan. Þingmenn hans og
héraðsmenn allir fyrir innan heiðar sem utan hafa vitanlega átt
sama kaupskap við kaupmenn þá, sem til Hafnar komu, og hina, er
lögðu upp í Hvítá, og því eðlilegast að Oddr færi hinu sama fram
á báðum stöðum. Þó mætti ætla, að hann hefði siður skipt sér af
þeim, er lágu hjá Höfn, ef Hafnarmenn og aðrir Melsveitingar hefðu
verið í Kjalarnessþingi, sem var í öðrum fjórðungi. Sýnist sem
frásögnin benti til, að Melsveitingar og aðrir fyrir utan heiðar hafi
verið í sama þingi og hinir eginlegu Borgfirðingar (»Þverárþingi«),
ef hér bæri með vissu að líta svo á, að hér væri um Höfn í Melasveit
að ræða, og væri það þá í fullu samræmi við það, er hér hefir verið
haldið fram.