Árbók Hins íslenzka fornleifafélags

Árgangur

Árbók Hins íslenzka fornleifafélags - 04.01.1986, Blaðsíða 5

Árbók Hins íslenzka fornleifafélags - 04.01.1986, Blaðsíða 5
KÚABÖT í ÁLFTAVERI I________________________________________________37 lega hefur þangað verið hent hálfónýtum hlutum, scm svo hafa týnst þar á gólfinu og út við veggi og sokkið í smærri úrgang, troðist niður í botnsalla klefans. Ekki er að efa að vesturmörk klefans voru á móts við vesturenda trésins með nótinni, þar eð þar skipti um útlit setsins, yfirborð þess er miklu ósléttara vestan þeirra marka, en þó tókst ekki að greina þar far eftir þil eða skilrúm á yfirborði þess. Svo sem fram hefur komið hér á undan er þarna austast í frambrún nyrðra sets 2,71 m langt tré með nót í efri brún og er negldur spýtu- kubbur ofan í nótina á miðju tré. Ef til vill má hugsa sér að fyrir klef- anum hafi vcrið cin cða tvær skothurðir, sem hafi runnið í nótinni og stöðvast við kubbinn. Vegna fúa var þó ekki hægt að greina viðeigandi slit í nótinni né önnur ummerki, svo sem t.d. neglingu þils, sem styddu þessa tilgátu og skal því ekki lögð meiri áhersla á hana en efni standa til. Hafi aðeins staðið þil í nótinni er ekki auðfundin skýring á tilvist kubbsins. Yfirborð nyrðra palls vestan þessa klefa og allt yfirborð syðra palls var mjög hnökrótt, gert úr lítt troðnum rofum og víða stóðu steinar upp úr því. Má tclja víst að yfir pöllunum báðum megin miðgólfsins hafi vcrið timburþiljur, þess háttar sem venja er að ncfna set. Þau hljóta að hafa verið a.m.k. 0,40 m hærri en gólfið framan við setbrúnirnar, en ckkert bendir þó til að þau hafi vcrið hærri cn 0,50 m sem er eðlileg sætishæð einmitt á þessu bili og auk þess er hæð bekkjanna í A einnig innan þessara marka. Vel má vera að klefi hafi verið á syðra seti á móts við klcfann í norðausturhorninu, en þá hefur áreiðanlega verið fjalagólf í honum. Raunar skal tekið fram að ekki sáust nein ummerki eftir þverþil á syðra seti né önnur einkenni þar, sem bentu til klefa á þessum stað, nema ef telja skal að einmitt þar brcikkaði setið fram á gólfið öldungis eins og nyrðra setið þar sem klcfinn virðist hafa verið. Þó hér sé talið víst að fjalagólf hafi verið á báðum setunum verður að viðurkcnna að hvergi fundust neinar leifar af gólfi þessu, en hins vegar má telja líklegt að slíkar fjalir hafi verið fjarlægðar eftir að hlaupinu, sem eyddi bæinn, linnti. Það verður að telja eðlilcgt að sctin hafi einnig verið þiljuð að framan á líkan hátt og bekkir og pallar í stofu og má auk þess líta svo á að tréð með nótinni, „setstokkurinn", norðan við mjóa gólfið bendi til þess. Á einum stað vestarlega í B sást nær lóðrétt rauf á milli rofa og sands og mátti sjá að þar hafi fúnað og eyðst fjöl, 0,28 m breið og allt að 0,04 m á þykkt. Þetta var aðeins far eftir dálítinn bút, en þó er lengd hans ckki kunn. Fjölin hefur staðið upp á rönd og gæti virst vera leifar af framhlið setsins norðan gólfs. Hafi svo verið hefur framhlið þessi fallið

x

Árbók Hins íslenzka fornleifafélags

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Árbók Hins íslenzka fornleifafélags
https://timarit.is/publication/97

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.