Tímarit Hins íslenzka bókmentafélags - 01.01.1899, Blaðsíða 99

99
faldi sig fyrir honum bvar sem hann sá hann, því
Oddur krafði hann fjárins. Hafði Gottrup fariðjsvo
að ráði sínu á þessum ofmetnaðarárum sínumSað
hann sá þann kost beztan að segja af sér ”bæðl
Snæfellsnessýslu og Stapaumboði áður það væri
tekið af honum. Er mælt að honum af sérlegri náð
hafi verið gefin upp 1000 rd. skuld til konungs.1
Lenti hann og um þessar rnundir í hinum gífurleg-
ustu málaferlum við Bjarna sýslumann Halldórsson,
en þar var ekki við lambið að leika, því Bjarni var
einhver hinn harðsnúnasti málagarpur á iand-
inu í þá tíð. Fóru þeir báðir utan í málum sínum
1741 og er sagt að Gottrup hafi verið bæði félítill
og klæðlitill er hann reið til skips. Hann átti leið
fram hjá Leirá, og er Oddur sá hve illa hann var
til fara, gaf hann honum yfirklæði væn og 100 dali
í peningum eftir því sem nokkrir segja.2 Sé sagan
sönn, sem líklegt er, þá sýnir hún bæði að reglu-
legt göfuglyndi hefir verið til í Oddi að upplagi og
að hann hefur ekki með ölíu verið búinn að drekkja
því í hatri og illindum. Hversu ólíkir þeir voru
að lyndiseinkunn Oddur og Gottrup, þótt margt
væri líkt með þeim, sést bezt á því hve misjafniega
þeim fórst hvorum við annan í niðurlægingar-
ástandinu: Gottrup svívirðir Odd og spyrnir fæti
til hans þegar hann er búinn að koma honum á
knén, en Oddur aumkast yfir Gottrup og hlynnir
að honum.
Eftir viðureign sína við Gottrup var Oddur
1. Eftirmælí 18. aldar. Neðanmálsgr. 312.
2. Árb. Esp. IX, 101. Espólín kveðst hafa sögn þessa eftir
réttorðum manni er var svo gamall að hann mundi þessi tið.
indi.
7*