Bókasafnið - 01.11.1985, Blaðsíða 25

Skólasöfn
Bókasófh framhaldsskólanna
utan höfudborgarsvæðisins
Grímhildur Bragadóttir bókavörður Fjölbrautaskólans á Akranesi
Kennsluhættir hafa tekið miklum
breytingum síðasta áratug, bæði í
grunnskólum og á framhalds-
skólastigi. Kalla þeir með vaxandi
þunga á góð skólasöfn. Söfnin
hafa því miður ekki fengið að
þróast sem skyldi á þessum tíma
og hafa stjórnendur menntamála í
landinu ekki verið nógu vakandi
varðandi eðlilega uppbyggingu
þeirra. Nokkuð hefur þokast í
rétta átt með bókasöfn grunnskól-
anna, einkum í Reykjavík. En
bersýnilegt er að ef hægt á að vera
að halda uppi nútímalegum
kennsluháttum í íslenskum fram-
haldsskólum á komandi árum
verður að gera stórátak í bóka-
safnsmálum þeirra. Þrátt fyrir
tímabundna erfiðleika í íslensku
efnahagslífi verður vonandi ekki
gerð sú skyssa að draga meira úr
íjárveitingum til fræðslumála en
þegar hefur verið gert.
Allar helstu menningarþjóðir
gera sér ljóst að undirstaða góðs
skóla, auk vel menntaðs starfsliðs,
er gott bókasafn. Víða erlendis eru
nýir skólar hannaðir þannig að
frumkjarni og miðpunktur stofn-
unarinnar er bókasafnið og koma
svo aðrar deildir út frá því.
Nýlega gerði ég athugun á
aðbúnaði og starfsemi bókasafna
í 8 framhaldsskólum hérlendis
utan höfuðborgarsvæðisins, 4
fjölbrautaskólum og 4 mennta-
skólum. Könnun þessi var gerð
þannig að búinn var til spurninga-
listi og hringt út í skólana. Voru
það ýmist bókaverðir skólanna
eða skólameistarar sem urðu fyrir
svörum. h
Niðurstöður þessarar athug-
unar fara hér á eftir.
Fjölbrautaskólinn
á Akranesi
í Fjölbrautaskólanum á Akranesi
var bókasafnið ásamt lesstofu flutt
síðastliðið haust í nýuppgert
126 m2 húsnæði sem er alveg mið-
svæðis í stofnuninni á jarðhæð.
Möguleikar eru á stækkun síðar.
Hillurými er nægilegt fyrir safn-
kost en nokkuð vantar enn af hús-
gögnum og búnaði. Sími er vænt-
anlegur.
Safnkostur er um 6000 bindi
bóka og tímaritaáskriftir eru 90.
85 myndbönd eru á safninu, en
önnur nýsigögn eru geymd í
kennslustofum, málveri og í
vinnuherbergi kennara og sér
bókavörður um skráningu þeirra.
Bókavörður er Grímhildur
Bragadóttir bóksafnsfræðingur
og er í 3Á starfi. Auk hennar starfa
við safnið einn fyrrverandi kenn-
ari (um 10 vikustundir) og 6-7
nemendur. Vinna þeir við
afgreiðslu, gæslu, plöstun bóka
og ýmislegt fleira. Safnið er opið
47 klukkustundir á viku, mánu-
daga til fimmtudaga kl. 8—17 og
föstudaga kl. 8-16, en að auki tvo
tíma eitt kvöld í viku.
Nemendur í skólanum eru 510
í dagskóla á framhaldsskólastigi
og 92 í 9. bekk, sem er inni í
áfangakerfi skólans, og 80 nem-
endur eru í öldungadeild. Kenn-
arar og aðrir starfsmenn eru 55.
Bókasafn F. A. hefur frá upphafi
verið mikið notað en eftir flutn-
inginn í nýja húsnæðið hefur
aðsóknin enn aukist. Lesstofa er
sömuleiðis mikið notuð en þar og
á safni eru sæti fyrir 45 manns.
Bókakostur er bestur í sögu og
Bókavörður Fjölbrautaskólans á Akranesi hjálpar nemanda við efnisleit.
BÓKASAFNIÐ
25