Bókasafnið - 01.11.1985, Blaðsíða 33
Tölvumál
ingar. Stefanía Júlíusdóttir bóka-
vörður í Landsbókasafni hefur
einkum unnið að þessu verki.
Bláa skýrslan
Tölvunefnd bókasafna sendi frá
sér í maí 1984 þriðju skýrslu sína
um tölvuvinnslu í bókasöfnum
(bláa að lit) og er litið svo á að hún
taki við af hinum fyrri. Lagt er til
m.a. að byggður verði upp gagna-
banki (samskrá fyrir íslensk bóka-
söfn) og áhersla lögð á að bæði
almenningsbókasöfn og rann-
sóknarbókasöfn geti átt aðild að
slíkum banka. Miðað er við að
færslur í gagnabankanum verði í
ísMARC-sniði. Ennfremur að
hann taki ekki einvörðungu til
bóka og tímarita í aðildarsöfnum,
heldur og til fleiri tegunda efnis,
svo sem tímaritsgreina, hljóðrita
og korta. Lagt er til að slíkum
gagnabanka verði sem fyrst
fundið hentugt rekstrarform og
fjárhagsgrundvöllur.
Önnur verkefni
Fjölmörg mál hefur borið á góma
í tölvunefnd bókasafna og yrði of
langt mál að rekja þau hér. Frá
upphafi hefur nefndin safnað all-
miklum upplýsingum um erlend
tölvukerfi fyrir bókasöfn og
kannað sum þeirra. Einnig hafa
nefndarmenn kynnt sér tölvumál
bókasafna erlendis, bæði með því
að sækja fundi og fara í kynnis-
ferðir. Pá er vert að geta þess að
nefndin tók í júlí 1982 á móti
góðum gesti frá Danmörku,
Mogens Weitemeyer frá Konung-
lega bókasafninu í Kaupmanna-
höfn, en hann er sérfróður um
MARC-kerfi.
Tölvunefnd hefur leitast við að
kynna íslenskum bókavörðum og
öðrum störf sín, verkefni og hug-
myndir. Þetta hefur verið gert
með því að dreifa fundargerðum
nefndarinnar, kveðja bókaverði til
funda og taka þátt í umræðum og
kynningu á vegum annarra, auk
þess sem nefndin hefur sent frá sér
nokkur fréttabréf. Verkcfna-
skýrslu hefur verið skilað árlega til
Samstarfsnefndar um upplýsinga-
mál og loks hcfur Fjárlaga- og
hagsýslustofnun Fjármálaráðu-
neytis verið gerð sérstaklega grein
fyrir starfi og tillögum nefndar-
innar.
Næstu verkefni
Tölvunefnd bókasafna er ráðgef-
andi aðili og hefur ekki yfir fjár-
magni að ráða. Meðan svo háttar
er einatt tvísýnt hvernig til tekst
um framkvæmdir.
Helsta verkefni nefndarinnar á
næstunni verður að kanna hvort
finna megi fyrirhuguðum gagna-
banka bókasafna heppilegt rekstr-
arform og traustan fjárhags-
grundvöll, en farsælt samstarf
bókasafna um tölvuvinnslu er
mjög undir því komið að þetta
takist.
Af öðrum málum sem tölvu-
nefnd mun fjalla um á næstunni
mætti nefna þessi:
1) Frágangur handbókar um
ísMARC.
2) Gerð skráningarforrits eftir
ísMARC.
3) Samin verði greinargerð um
kröfur sem gera verður til
tölvukerfa fyrir íslensk bóka-
söfn.
4) Gerð verði úttekt á ýmsum
stærri og smærri bókasafns-
kerfum sem í boði eru erlendis
með tilliti til þess möguleika að
kaupa kerfi hingað til lands.
5) Kannað verði með hvaða hætti
nokkur gagnavinnslukerfi sem
til eru hér á landi geti með-
höndlað skráningartexta með
ísMARC-sniði.
Að lokum er rétt að geta þess að
tölvunefnd hyggst birta öðru
hverju fréttir af starfi sínu í
Fregnum.
ÞARSEM
ÞIÐERUÐAD
STORFUM
-ERUM
VIÐLÍKA
BIN4ÐARBANKINN
TRAUSTUR BANKI
BÓKASAFNIÐ
33