Dagblaðið Vísir - DV - 14.10.1982, Blaðsíða 8
DV. FIMMTUDAGUR14. OKTOBER1982.
Útlönd
Utlönd
Útlönd
Útlönd
Skartgripaþjófnaður
Arndt von Bohlen, sem eitt sinn var erfingin að Krupp-stáliðjuverunum í V-
Þýskalandi, glataði á dögunum skartgripum sem metnir eru á 3 milljón mörk.
Var þeim stolið af hóteiherbergi hins 44 ára gamla von Bohiens í Miinchen.
Þetta voru aðallega hringar, nælur, ermahnappar og allt gimsteinum
skreytt. I þessu snfni var einn 20 karata dropalaga demantur.
Von Bohlen hal'ði allt niðri í snyrtiborðsskúffu, ólæstri, og hafði auk þess
gleymt að loka herbergiuu þegar honum varð gengið frá.
Sú var tíðin, að Arndt von Bohlen var kallaður auðugasti og yngsti lífeyris-
þegi Þýskalands. 28 ára gamail sættist hann á að falla frá erfðatilkalli til
Krupp-milljónanna gegn 2 milljón marka árlegum lifeyri. Auk þess þiggur
hann árlega annan 2 milljón marka lifeyri úr sjóði sem faðir hans, Alfried
Krupp stofnaði en hann andaðist 1967.
Hof
Ramsesar
Nýlega fannst rúm-
lega 3000 ára gamalt hof
í Egyptalandi suður af
Giza-pýramídunum.
Fannst hofið af tilviljun
er maður nokkur var að
grafa fyrir grunni að
húsinu sínu.
Talið er að hofið hafi
verið byggt á tímum
Ramsesar II.
W'Tr •
umiinif iiiiiiiisis^
Gagnrýnin kvikmyndí Sovét
Óvenjuleg sovésk kvikmynd lítur senn dagsins ljós i kvikmyndahúsum
Moskvu. Birtast í henni óheiðarleg kommúnísk yfirvöld og spilltir ríkisreknir
f jölmiðlar — fyrirbæri, sem eiga að heita ófinnanleg í öreigaríkinu.
„Lestin stöðvaðist” heitir myndin og er söguþráðurinn um spæjara sen.
grefst fyrir um orsakir járnbrautarslyss úti í rússnesku dreifbýli, en lestar-
stjórinn hafði farist í slysinu. Á hann crfitt uppdráttar við rannsóknina og í
heimabæ lestarstjórans mætir hann f jandsemi því að litið er á lestarstjórann
sem hetju og spæjarinn grunaður um að ætla að velta ábyrgðinni á hann.
Þykir myndin töluverð ádeila á járnbrautirnar sovésku, sem hafa raunar
legið undir töluverðri gagnrýni í fjölmiðlum fyrir slóðaskap og lélega þjón-
ustu.
Nýí dýriingurinn
Einn
sem lilði
gyðinganna,
af vistina í
Auschwitz, útrýmingar-
búðum naslsía, þekkti
Faöir MaximiIIian Kolbe. Þannig leit hann út í
augum eins meðfanga sinna sem féll í gleymsku í
gasofnunum.
pólska prestinn
Maximilian Kolbe, sem
páfinn tók í dýrlingatölu
núna á dögunum.
Wiacek (65 ára) ber
ennþá á handlegg sér
tattóverað númerið 1813
sem hann fékk í búðun-
um og segir um Kolbe:
„Jafnvel þótt hann væri
veikur og raunar dauð-
veikur var hann ávalit
reiðubúinn að deila
brauðbita sinum með
öðrum þurfandi og
þreyttist aldrei á að
taka menn til skrifta,
eða líkna þeim á annan
hátt.”
Lýsir hann því þegar
„Blóöugi Alois”, eins og
fangabúðastjórinu var
kallaður, gekk einn
morgun meðfram
fangarööinni og valdi af
handahófi þá sem svelt-
ir skyldu til bana. Einn
fanginn sem hann benti
á brast í grát og gekk þá
Kolbe fram og bauð sig i
hans stað. „Það setti
alla hljóða, og jafnvel
Þjóðvcrjunum var
brugðið en fórn hans
var þegin.”
Pílagrímum vísaö úrlandi
Um 1400 írönskum pílagrímum hefur verið vísað úr landi í Saudi-Arabíu í
sambandi viö árlega pilagrimsferð þeirra til Mekka. Alls tóku 880.000 íranskir
pílagrímar þátt í ferðinni.
Var pílagrímunum vísað úr landi fyrir að efna til mótmælafunda þar sem
þeir réðust gegn Bandaríkjamönnum og veifuðu stórum veggspjöldum með
mynd af Ayatollah Khomeiny.
Odæöisverk í Guatemala
Amnesty International heldur því fram að stjórnarher Guatemala hafi myrt
yfir 2.600 indiána og smábændur í herferð sem hrundið var af stað eftir að
Efrain Rios Montt hershöföingi kom til valda í mars.
Þessi alþjóðasamtök segja að heilu sveitaþorpin hafi veríð þurrkuð út,
þorpsbúar pyndaöir og fjöldaaftökur fylgt í kjölfarið. Segjast samtökin vita af
112 slíkum árásarferðum á tímabilinu frá því í mars og fram í júlí.
Ein árás er tilgreind sérstaklega. Hún var á þorp í Quichehéraði þann 5.
apríl. Öllum íbúum var smalað í dómshúsið, konum nauðgað, karlar háls-
höggnir og börnunum hrint fram af björgum við nærliggjandi á. — Annars-
staðar voru íbúar brenndir inni í kofum sinum.
Táragasmökkurinn liggur yfir götunni í Gdansk, en þessi mynd er frá fyrri götuóeirðum þar í borginni, en atburðir
hafa endurtekið sig, bæði þar og annars staðar.
Götubardagar
í Krakow en
andófið bælt
niður í Gdansk
Brennidepill andófs „Einingar”sinna
gegn herlagastjórninni í Póllandi
hefur færst frá Gdansk til Krakow í
suðurhluta landsins. Þar urðu átök
milli lögreglu og verkalýðssinna í gær
og stóðu langt fram á nótt.
Lögreglan beitti táragasi, vatns-
kanónum og Ijósablysum í viðureign
sinni í Krakow við hundruð manna sem
safnast höfðu saman til mótmæla.
Splundruðust hóparnir í smærri flokka
sem svöruðu árás lögreglunnar með
grjótkasti og bensíníkveikjusprengj-
um.
Gekk á þessu í sjö klukkustundir og
tókst andófsmönnum að loka nokkrum
götum með tálmunum. Eyðilögðu þeir
almenningsvagna og fleiri eignir
borgarinnar, eftir því sem hin opin-
bera fréttastofa Póllands greinir frá.
Engar fréttir eru af meiöslum á fólki
en verðmætatjón virðist hafa verið
töluvert. — Márgir munu hafa verið
handteknir og fjarlægðir frá átaka-
svæðunum.
I Gdansk brutu yfirvöld verkföll
starfsmanna Lenínskipasmíðastöðvar-
innará bak afturmeð því að setja stöð-
ina undir umsjón hersins og hóta her-
rétti og ströngustu viðurlögum þeim
sem óhlýðnuðust fyrirmælum liðsfor-
ingjanna. Nokkrum mun hafa verið
sagt upp störfum.
Verkfóllin í Gdansk og aörar
mótmælaaðgerðir — sem breiddust
þaöan til annarra hafnarbæja við
Eystrasaltið og raunar víðar eins og til
Krakow — spruttu upp af óánægju
almennings með nýju lögin sem banna
starfsemi eldri verkalýðsfélaga eins
og, JCiningar”. Nýjum verkalýðsfélög-
um veröa hér eftir settar m jög þröngar
skorður.
Kvisast hefur að í Varsjá undirbúi
neðanjarðarforingjar „Einingar”
vinnustöðvanir á borð við þær sem
starfsmenn Lenínskipasmíðastöðvar-
innar hafa gripið til. Sem sé að starfs-
menn mæti á vinnustaði sina en neiti
aðstarfa.
Það þótti dauflegt yfirbragðið á
verkamönnunum sem gengu út úr
skipasmíðastöðvunum í Gdansk í gær
og þykir ekki líklegt að þar sé frekara
viðnáms að vænta í bráð., Jlvemig er
hægt að gera nokkum skapaðan hlut
þegar þeir skella skambyssukjciftinum
að hausnum á þér?” varð einum að
orði á leiðinni út um stöðvarhliðið.
Hjálmvarin og með skildi og kylfur á loftf býr pólska lögreglan sig undir að dreifa
mannsöfnuði. 1 sjö klukkustundlr átti hún í átökum við verkalýðssinna í Krakow i
gær og i nótt.
Blásýrumálið:
Ætlaði að kúga fé
út úr lyfsölunum
Lögreglan í Chicago leitar ákveðins
manns sem reyndi að kúga eina
milljón dollara út úr framleiðanda
höfuðverkjarmeöalsins „Extra-
Strenght Tylenol”. — Sjö manns hafa
látið lífið vegna þess aö einhver
blandaði blásým í meðalabelgina.
Barst fyrirtækinu Johnson og John-
son handskrifað bréf, þar sem hótaö
var áframhaldi á dauðsföllunum nema
ein milljón dollara væri lögð inn á
bankareikning í Chicago. — Lögreglan
hefur komist að því, að rithöndin á
bréfinu er rithönd 35 ára gamals
manns sem heitir Robert Richardson
og býrí Chicago.
Ekki þykir víst að hann hafi sett
eitrið í meðalabelgina þótt hann hafi
ætlað að notfæra sér fréttirnar af
dauösföllunum til að kúga fé út úr
lyfjafyrirtækinu.