Dagblaðið Vísir - DV - 25.03.1983, Qupperneq 2
2
DV. FÖSTUDAGUR 25. MARS1983.
Aðalfundur Flugleiða:
VERULEGUR HALLI
FJÓRÐA ÁRIÐ í RÖB
— útlitið þó talsvert bjartara en verið hefur um langt skeið
„Segja má aö útlit sé nú talsvert
bjartara að því er varðar rekstur
félagsins en verið hefur um langt
skeið. Kemur þar aðailega til sú
staðreynd að eldsneytisverð fer lækk-
andi,” sagði Sigurður Helgason, for-
stjóri Flugleiða, í skýrslu sinni á aðal-
fundi Flugleiða í gær.
„Vonir standa til aö betri árangur
náist í rekstri félagsins á yfirstandandi
ári,” sagði Sigurður.
Um reksturinn á síðasta ári sagði
forstjórinn meðal annars:
„Þrátt fyrir að þau meginmarkmið,
sem sett voru um rekstur félagsins á
árinu 1982, hafi náðst að verulegu leyti
hafa utanaökomandi atvik og óhag-
stæð þróun leitt til þess að afkoma
félagsins er verulega neikvæð. Tap
félagsins á árinu nemur 105 milljónum
króna.
Þar vegur þyngst að afskrifuð hefur
verið heildareign félagsins í Cargolux
og nemur sú upphæð 62,4 milljónum
króna. Hér er vissulega um gífurlegt
áfall fyrir Flugleiðir að ræða að þurfa
að afskrifa þessa eign að fullu.
Þróun í fargjöldum var ekki hagstæð
á árinu og þar kom til áframhaldandi
mikil samkeppni í Noður-Atlantshafs-
flugi félagsins svo og á Evrópuleiðum.
Veik staöa Evrópumynta gagnvart
Bandaríkjadollar var mjög ákvarð-
andi um afkomu félagsins, en sem
kunnugt er eru svo til öll útgjöld
félagsins í dollurum eða dollaratengd
því að íslenska krónan er tengd dollar.
Innanlandsflugið var enn rekið með
tapi eitt ár til viðbótar þrátt fyrir ríkis-
stjómarsamþykkt frá 1. desember
1981 þar sem heitið var eðlilegri verð-
lagningu í innanlandsflugi í samræmi
við kostnaö. Heildartapið á innan-
landsfluginu varð um 20 milljónir
króna, sem er hærri upphæð en
nokkurt annaö ár,” sagði Sigurður.
Hann sagði að sú óraunhæfa verðlagn-
ing, sem félagið hefði verið neytt til að
viðhafa, hefði í reynd leitt til einskonar
eignaupptöku sem nemur 142 millj-
ónum króna á síðastliönum sex árum
en þessi upphæð er núvirði þess fjár
sem innanlandsflugið hefur tapað á
þessu tímabili.
Stjómarformaöur Flugleiða, öm 0.
Johnson, minntist þess í ræðu sinni aö
félagiö nálgaöist tíu ára afmæli. „Á
þessum hartnær tíu árum höfum við til
dæmis, eins og raunar öll heims-
byggðin, orðið illilega fyrir barðinu á
tveimur byltingum í olíuverði sem
valdiö hafa flugfélögum og þjóð-
félögum ómældum erfiðleikum. Við
höfum líka á þessum árum séð stór
flugfélög einkaaöila leggja upp laup-
ana, gjaldþrota, og við höfum séö sum
af stærstu flugfélögum heims tapa
svimandi fjárhæðum og jafnvel riða til
falls. Við höfum séð félag eins og
Cargolux, sem fyrir aðeins þremur
árum var enn í glæsilegum uppgangi,
stolt eigenda og starfsfólks, hníga
niður á hné, þótt af alhug sé vonað aö
því takist að reisa sig á ný.
Flugleiðir hafa ekki farið varhluta af
þeim erfiðleikum sem á öllum
flugrekstri hafa duniö á undanfömum
árum, nema síður sé. Svo sem reikn-
ingar félagsins fyrir síðastliöið ár bera
með sér er fjárhagsstaða þess nú
mjög slæm og veikari en nokkru sinni
fyrr, eiginf járstaöa orðin neikvæð um
179,4 milljónir króna og mjög veru-
legur reksturshalli fjórða árið í röð.
Ljóst er að ekki verður lengi haldið
áfram á sömu braut. Verði ekki
verulegar breytingar til batnaðar á
fjárhagsafkomu félagsins á næstunni
hlýtur að verða óhjákvæmilegt að gera
miklar og afdrifaríkar breytingar á
rekstrinum,” sagöi örn.
Við stjórnarkjör urðu engar breyt-
ingar á stjórn félagsins né varastjórn.
-KMU.
Nöfn Flugleiðavéla munu enda á -fari
Verðlaunahafamir, hjónin JónGunnarsson og Eygló Magnúsdóttir, ásamt Ólafi Stephensen, Leifi Magnússynl og
Sigurði Heigasyni. DV-mynd: Einar Ólason.
nöfnin Dagfari, Náttfarí, Arfari, Vorfarí,
Heimfari, Frónfarí og Langfarí
þegarákveðin
Flugvélar Flugleiða munu bera nöfn
sem enda á -fari. Nöfn á þær sjö flug-
vélar, sem eru í rekstri hér heima,
hafa þegar verið ákveðin. Fokkerarnir
fjórir munu heita Dagfari, Náttfari,
Arfari og Vorfari, Boeing-þoturnar
tvær fá heitin Heimfari og Frónfari og
D -8 þotan fær nafnið Langfari.
Sextíu aðilar skiluöu inn tillögu um
, nöfn með endingunni -fari í nafnasam-
keppni Flugleiða. Dregið var úr
nöfnum þessara þátttakenda á skrif-
stofu borgarfógeta. Upp komu nöfn
hjónanna Eyglóar Magnúsdóttur og
Jóns S. Gunnarssonar. Þau hljóta því
ferð fyrir tvo til Puerto Rico, svo og
heiðursskjal og gullpenna Flugleiða.
Tillögur um nöfn á flugvélarnar
bárust frá alls 423 aöilum. Margir
sendu inn fleiri en eina tillögu. Er talið
aö alls hafi borist um 780 tillögur.
Þriggja manna dómnefnd, skipuö
þeim Bimi Theódórssyni, Leifi
Magnússyni og Olafi Stephensen,
samþykkti einróma aö mæla meö
nöfnum sem enda á -fari og var sú
tillaga samþykkt af stjóm Flugleiða.
Samheiti með endingunni -fari
tengjast bæði ferðum og flugi, til
dæmis með orðum eins og heimskauta-
fari, sæfari og náttfari, sem er nafn á
erlendum fugli. Samheitið er auðvelt
og þjált í framburði, bæði á íslensku og
erlendum málum. Mjög auðvelt er að
mynda nafnaröð með ýmiss konar
forskeytum.
-KMU.