Dagblaðið Vísir - DV - 11.04.1984, Blaðsíða 32

36
DV. MIÐVIKUDAGUR11. APRIL1984.
Þessi grænlenski strákur á kannski eftir að bera út dagblöð í
heimalandi sínu um ókomna framtíð.
ífyrstaskipti:
DAGBLAÐ Á
GRÆNLANDI
Stjórn Atuagagdliutit, sem á íslensku útleggst Grænlandspóst-
urinn og er grænlenskt vikurit, hefur ákveðið að ráðast í útgáfu
dagblaðs sem veröur þá hið fyrsta sinnar tegundar þar í landi.
Verður það gefið út til reynslu í hálft ár, frá 1. maí nk. að telja.
Má vænta að þar verði meöal annars fjallað um eitt helsta
deilumál í Grænlandi í dag þar sem er sérstakur grænlenskur
fáni. Skiptast menn í tvær fylkingar, annars vegar eru þeir sem
sætta sig vel viö danska fánann.rauðan og hvítan, og hins vegar
þeir sem vilja nýtt flagg, hvítan kross á grænum grunni. Sem
stendur eru stuðningsmenn danska fánans í meirihluta skv. nýj-
ustu fregnum.
>Ti
Bardotá
Grænlandi
Brigitte Bardot er farið að;
förlast enda fimmtug á næsta
ári. Fréttir DæVe um fíla-
beinssmygl hennar í
Kanada sýna svo ekki verður
um villst að hún er ekki
lengur só bjargfasti dýravin-
ur sem hún var þegar henni
tókst nær því að eyöileggja
eina helstu útflutnings-
atvinnugrein Grænlendinga,
selskinnssölu.
Svo nærri gekk barátta
hennar Grænlendingum og
öðrum seiveiðiþjóðum að.
ákveðið var að bjóða frúnni|
til eyjunnar stóru og sýna
henni svo ekkert færi milli
mála að Grænlendingar
veiddu ekkert aunað en
fullorðinn sel og létu kópana i j
friði. En þaö var einmitt
kópadrápið sem fór fyrir
BRJÓSTIÐ á leikkonunni.
Sjáifur Grænlandsmálaráð-
herra Danmerkur hafði fall-
ist á að gerast fylgimaður
leikkonunnar í Grænlands-
ferðinni og voru allir sáttir
við það nema formaður græn-
lensku landsstjórnarinnar j
sem að sjálfsögðu vildi fá
hlutverkið og svo eiginkona
ráðherrans sem leist síður en
svo á þessa kynnisferð bónda
síns.
Aldrei varð af ferð þess-
ari, þó svo að Danadrottning
hefði gefið góð orð um að lána;
einkasnekkju sína, Danne-
brog, til ferðarinnar.
Nú er Bardot að verða!
fimmtug og smyglar ffla-
beini. Grænlendingar eru
aftur á móti orðnir rúmlega
50 þúsund taisins og á þeirri
þjóð eru engin ellimörk sjá-
anleg.
Eins og lesa má um hér á
siðunum til hliðar hyggjast
þeir nú ráðast i útgáfu á dag-
blaði og láta fámennið ekki
aftra sér í þeim efnum.
Frétt um fflabeinssmygl
Brigitte Bardot mætti að
ósekju verða fyrsta forsíðu
fréttin og mundi DæVe ekki
telja það eftir sér að iána
blaðinu mynd þá sem birtist
af frúnni hér til hliðar.
-EIR.
Indíánar mótmæla
Ættflokkur indíána í Brasilíu hefur gert uppreisn gegn yfirvöldum
vegna deilna um landrými. Vopnaðir bogum og kylfum tóku þeir útsend-
ara ríkisstjórnarinnar sem gísl og lögðu hald á bílaferju á einni af
hliðarám Amasonfljótsins. Verða bílstjórar sem ætla yfir Xingofljótið
því að láta sig hafa 200 kílómetra aukasnúning til að komast leiðar
sinnar.
Kvikmyndir og bækur:
SINGER HIRTIR
STREISAND
Singer og Streisand á meðan allt lék i lyndi: Nú segir Singer hana hafa
klúðrað öllu.
Rithöfundurinn og nóbels-
verölaunahafinn Isaac Bashevis
Singer er ekki einlægasti aðdáandi
leikkonunnar Börbru Streisand um
þessar mundir. Astæðan er kvik-
myndin Yentl sem gerð er eftir sam-
nefndri sögu nóbelskáldsins þar sem
Barbra fer meö aðalhlutverkiö auk
þess sem hún framleiðir og stjórnar
myndinni. Fáar myndir mala jafn-
mikið gull um þessar mundir og ein-
mitt Yentl.
1 blaðaviðtali sem Singer tók viö
sjálfan sig og birtist fyrir skömmu
lýsir hann andúð sinni á fram-
leiðslunni á eftirfarandi hátt:
— Mig tekur það sárt að þurfa aö
segja að ég varð fyrir miklum von-
brigðummeðkvikmyndina. Listrænt
gildi hennar er nær því í núllpunkti
og maður kemst ekkí hjá því að bera
saman kvikmyndina og svo upp-
færsluna á Broadway sem var
snöggtum skárri. Þar var Tovah
Feldshuh miklu betri en Streisand,
hún skildi Yentl og túlkaöi hlutverkiö
þvieinsogvera bar.
Singer hafði s jálf ur skrifað handrit
að kvikmynd Börbru Streisand en
leikkonan hafnaöi þvi á síðustu
stundu og settist sjálf við skriftir.
— Það er nógu erfitt að gera kvik-
myndir sem byggja á skáldsögum og
frumskilyrðið er að sjálfsögöu það
að viðkomandi virði verk skáld-
sagnahöfundarins og haldi sig við
söguþráöinn. Imyndið ykkur bara
hvernig færi ef kvikmynd um Önnu
Kareninu endaði á þvi aö hún giftist
bandariskum milljónamærági í stað
þess að fremja s jálfsmorð.
Brigitte Bardot, sem nú er 49 ára, er
sem kunnugt er mikill andstæðingur
selveiða alls konar. Þar eru veiðar
Kanadamanna á Nýfundnalandi engin
undantekning og gerir leikkonan því
allt sem í hennar valdi stendur til að
hjálpa kanadískum skoöanabræðrum
sínum. Því sendi hún dýrindis arm-
band yfir hafiö til Kanada, metið á um
10 þúsund krónur, en það komst aldrei í
hendur dýravemdunarmanna í
Quebec.
Kanadískir tollþjónar tóku arm-
bandið í sínar hendur því grunur lék á
aö um fílabeinsarmband væri að ræða
og slika hluti er bannaö að flytja til
landsins. Kanada er eitt af 86 löndum
heims sem bannar innflutning á fila-
beini.
Bardot mun hafa ákveðið að gefa
armbandið dýravemdunarmönnum
vegna þess aö fílar eiga undir högg aö
sækja hjá veiðimönnum og þvi eins
gott aö losa sig við gripinn og verja
andviröinu til friöunarmála.
Dýravemdunarmennimir í Quebec
höföu auglýst uppboð á hinu fræga
armbandi en verða nú að fresta því um
viku á meðan tollverðir fá úr því skorið
hvort hér sé í raun og vem um filabein
að ræða.
Eins dauði er annars brauð. Bardot
berstáfram.
Bardot var tekin á (fíla)beinið í Kanada. Hér er hún aftur á móti tekin á
löpp. . .
Dæmalaus 'V’eröld Dæmalaus 'V’ERÖLD Dæmalaus 'Veröld