Dagblaðið Vísir - DV - 10.01.1985, Blaðsíða 34
34
DV. FIMMTUDAGUR10. JANUAR1985.
DÆGRADVÖL
DÆGRADVÖL
DÆGRADVÖL
Sundhallarflokkurinn einn morgun með þaninn brjóstkassa. Benedikt Antonsson, foringi flokksins, fyrir miðju. Við hlið hans er Jón Steingrims-
son, aldursforseti flokksins, 93 ára.
Sundhallarflokkurinn
— þar sem lýðræðið ríkir
„I tilefni af þessu afmæli viljum við
morgunhanar og sundaselir senda
starfsfólkinu bestu þakkir fyrir góða
þjónustu undanfarin ár og árnum því
og Sundhöllinni allra heilla á komandi
árum. Minnumst um leið hinnar
ódauðlegu Sundhallarvisu.
„I Sundhöllinni synda fleiri en Siggi
Hreins/ — enginn er þar öðrum meiri,
allireins”.
Þannig hljóðaði kveðjan sem Sund-
höllin fékk frá Sundhaliarflokknum í
tilefni af 45 ára afmæli hennar.
Kveðjan var undirskrifuð af foringjum
og flokksfélögum.
Sundhallarflokkurinn
Allir sundstaðir í Reykjavík eiga sér
sína fastagesti. Þessir fastagestir taka
oftast ástfóstri við sinn sundstaö.
Sundhallarflokkurinn er dæmi um
trygglynda fastagesti sem eru orðnir
aö skipulögðum samtökum eða flokki.
Þessi flokkur er skipaöur fastagestum
sem koma í Sundhöllina á hverjum
morgni. Flokksfélagar koma upp úr
átta á morgnana. Flokkurinn hefur
lengi verið við lýöi og hefur ávallt haft
sinn ákveðna foringja. Núverandi
foringi er Benedikt Antonsson, skrif-
stofustjóri Framkvæmdastofnunar
ríkisins. Hann hefur sótt Sundhöllina
frá því að hún var opnuö 1937.
„Við mætum hér á hverjum
morgni,” segir Benedikt. „Þetta er
líklega líkt eiturlyfjaneyslu, því þetta
verður algjör fíkn og það er ekki hægt
að vera án sundsins. ’ ’
Þetta geta lQdega flestir sund-
áhugamenn tekið undir. Margir eru
hálfir menn þegar þeir geta ekki mætt
til sunds og bera sig ákaflega aumlega.
Þeir taka gleði sína aftur þegar þeir
fá lykil í hönd.
Meðlimir
I flokknum eru menn úr öllum átt-
um. Þar eru til dæmis Magnús Gunn-
arsson, framkvæmdastjóri VSI, og
Þröstur Olafsson frá Dagsbrún.
Nokkrir tannlæknar svamla þama á
morgnana. Við látum lesendur um að
þekkja flokksfélaga á myndum sem
fylgja þessu spjalli.
Stefna flokksins
Stefna flokksins virðist vera nokkuð
frjálsleg og beinist fyrst og fremst að
því að hvetja félagana til að mæta.
„Þetta er mjög frjáls flokkur.
Foringinn stjórnar honum vel og í
flokknum er ríkjandi lýðræði,” segir
Magnús Gunnarsson, félagi í
flokknum. Hann segist koma á
morgunfundi þegar hann getur og telur
þetta vera allra meina bót.
Reglulegir fundir eru haldnir
vikulega á þurru. Þá hittast félagar á
Veitingahúsinu Laugaási og fá sér
morgunkaffi. Þar eru málin krufin til
mergjar.
Tveir yfir 90 ára
I Sundhallarflokknum eru bæði
aldnir og ungir. Dæmi um það er að í
honum eru tveir yfir nírætt. Og eru
þeir hvor öðrum sprækari. Syndir sem
selir og leika við hvem sinn fingur.
Blómvöndur og terta
,j5g kann mjög vel við þá. Þetta eru
Magnús Gunnarsson, framkvæmda■
stjóri VSÍ. „Lýðræði ríkjandi i
flokknum."
Sigfús Halldórsson var á leiðinni i
sund þegar flokkurinn var að fara
upp úr. „Mæti alltaf þegar stætt
er."
hressir menn,” segir Stefán Trjámann
Tryggvason sundlaugarvörður. Hann
hefur starfað lengi i höllinni og veit
hvemig dagurinn líður þar. Hann segir
að þegar opnað er á morgnana komi
fyrsti hópurinn. Það er hópur fasta-
gesta og eru þeir sem verða að mæta í
vinnu klukkan 8. Um áttaleytið kemur
svo Sundhallarflokkurinn og þeir sem
mæta i vinnu klukkan 9.1 hádeginu er
svo einnig viss kjarni sem mætir
reglulega. Síðdegis eru margir fasta-
gestir. En þá er meiri dreifing á
gestum.
,,Á fjörutíu og fimm ára afmæli
hallarinnar komu þeir með rjómatertu
í tilefni dagsins. Þá var Konni í Hell-
as foringi og Benedikt varaformaður,”
segir Stefán.
Allir með sama númer
Fastagestimir og flokksfélagamir
eru alltaf með sama klæðaskápinn
morgun hvem. Sami maöur með sama
skáp. Stundum kemur fyrir að þetta
brenglast og eru menn þá súrir í
bragði, en taka þó gleði sína fljótt aftur
þegar þeir hreppa gamla skápinn
daginn eftir.
íslendingar
sundsjúkir?
Eftir sólarmerkjum að dæma
bendir margt til þess að fólk á
höfuðborgarsvæðinu og víöar sé
sundsjúkt. Þetta er reyndar ekki
alvarlegur sjúkdómur og mikið
fagnaöarefni fyrir lækna.
„Sundaðsóknin hér á landi er
algjörlega sér á parti,” segir
Erlingur Jóhannsson, starfsmaður
hjálþróttaráði.
,,Aösókn að sundstöðum hér er
liklega meiri en nokkurs staðar
annars staðar í heiminum. ”
Hann bætir reyndar við að víða
erlendis séu baðstrendur sem fólk
sækir umvörpum yfir sumartímann.
Því er erfitt að fara út i nákvæman
samanburð.
Arið 1982 var metaðsókn að sund-
stöðum borgarinnar. Þá voru sund-
gestir 1.321.095 stykki. Það er ekki
fjarri lagi að hver og einn á öilu
höfuöborgarsvæðinu hafi farið 15
sinnum í laugar það árið. Þá eru allir
taldir með, bæði aldnir sem ungir.
Eriingur segir að stór hluti þeirra
sem sækja laugarnar séu fasta-
gestir. Þá sé orðinn mun minni
munurá aðsókn að sumri og vetri
Það eru einmitt þessir fastagestir
sem ætlunin er að lita aðeins nánar
á. A Qestum sundstöðunum eru
ákveðnir hópar sem koma á sama
tima dag hvem. Þetta eru fasta-
gestirnir. Þeir taka Qestir ástfóstri
við laugarnar og telja sig ekki geta
verið án þeirra. Hætt sé við því aö
þeir leysist upp í frumeiningar sínar
ef þeir fá ekki að s vamla í vatninu.
-APH.
v .
Flokkurinn allsráðandi i lauginni. Þeir eiga laugina eins og sumir hafa stundum átt völlinn.