Dagblaðið Vísir - DV - 08.02.1986, Blaðsíða 27

DV. LAUGARDAGUR 8. FEBRÚAR1986
27
Veisluglatt fólk í Þýskalandi - segir Hjalti Jón. Fólkið á myndinni hefur ekkert með innihald greinarinnar að gera
Rigning og
rós í heiði
Það fer ekki hjá því að veðráttan
á þessum slóðum Þýskalands, þ.e.
í Nordrhein-Westfalen, sé um
margt lík því sem einkennandi er
fyrir veðurfar á Suðurlandi, þó
einkum í Reykjavík og nágrenni.
Hér er t.d. einkar votviðrasamt
eins og ég hef reyndar getið um
áður og þegar „hann er lagstur í
rigningar" þá rignir sleitulaust
dögum saman. Síðustu þrjár vik-
urnar hafa verið þessu marki
brenndar. - Það snjóaði að vísu
hressilega fyrstu dagana í janúar,
það mikið að skíðafæri var orðið
harla gott. Þau undur og stórmerki
urðu þá jafnframt í lífí mínu að ég
steig að nýju á skíði eftir fimmtán
ára hlé. Var loks að öðlast kjark
til að renna mér niður brekkuna
þegar tók aftur að rigna. Snjórinn
hvarf á nokkrum dögum og svo
mikill varð vatnsflaumurinn að
láglendið fór víða á kaf. Litla
sprænan Sieg, sem rennur í gegn
um Eiserfeld, varð að stóru fljóti
sem náði víða hindrunarlítið að
flæða inn í kjallara bæjarbúa. Allt
fram á þennan dag hafa dælur í
ýmsum stærðum unnið kappsam-
lega að því að vinna bug á þessum
óboðna gesti.
í gærkvöldi hóf aftur að snjóa og
það snjóar enn - á hinn bóginn er
spáð rigningu þegar á mánudaginn.
Það verður því lítið um skíðaiðk-
aniríbili.
Það er endalaust hægt að ræða
um veðrið; hvað varðar heilsufar,
aflabrögð og skepnuhöld læt ég
aðra fréttaritara um að tjá sig um.
Aö viðbættu einu ári
Ég hef haft mikið gaman af því
að fylgjast með ýmsum smáatriðum
í fari landsmanna hér. Hef ég því
leitast við að beina augum mínum
að ýmsu sem í fljótu bragði kann
að virðast litilfjörlegt. I síðasta
pistli varð mér tíðrætt um sitthvað
þess háttar í samskiptum fólks.
Það er eftirtektarvert hvað af-
mælisdagar hvers og eins skipta
miklu máli meðal Þjóðverja. Ég hef
vanist því heima að foreldrar geri
börnum sínum dagamun árlega
fram til u.þ.b. 12 ára aldurs. Eftir
að þeim aldri er náð heldur fólk
varla upp á afmælisdag sinn nema
þegar heilum áratugi er náð. í
mesta lagi er kannski bökuð ein
terta til hátíðabrigða. Ég hef aldrei
litið á afmælisdag mimí sem tilefni
hátíðahalds og finnst engum
áfanga náð þó einn góðan veðurdag
hafi aldur minn orðið einni tölu
hærri en í gær. Ég er hálfpartinn
farinn að kvíða afmælisdegi mínum
sem verður innan fárra vikna. Þá
verð ég nefnilega að gera mér upp
mikla gleði og bjóða fjölda manns
Hjalti Jón Sveinsson
skrifar frá Þýskalandi.
til að fagna með mér. í kunningja-
hópi mínum hér hafa ótaldar af-
mælisveislur verið haldnar síðan í
haust. Fólki er boðið með góðum
fyrirvara og veislan er jafnan hald-
in á föstudags- eða laugardags-
kvöldi. Sumir koma langt að og
gista hjá afmælisbarninu og oft er
það svo að sumir hittast aðeins við
slík tækifæri þegar þeir búa langt
hver frá öðrum. Þess vegna eru
afmælisdagar kjörið tækifæri til að
halda við gömlum kynnum og efla
þau. Gjaman eru þetta 20-30
manna veislur sem standa fram á
morgun. Sá siður er hafður að
afmælisbarninu em færðar smá-
gjafir til málamynda en tilgangur-
inn með veislunni er þó fyrst og
fremst sá að fólk skvetti rækilega
úr klaufunum. Boðsgestir koma
gjarnan með flösku af víni og hver
leggur að auki eitthvað til matar-
kyns, t.d. brauð, salat eða álegg.
Af þessum sökum þarf gestgjafinn
ekki að hafa svo mikið fyrir veisl-
unni. Honum er þó ætlað að sjá til
þess að bjórbirgðir séu nægar.
Karlarnir halda sig einkum við
drykkinn þann auk þess sem þeir
fá sér einn og einn snafs þegar
áhrifa vínandans fer að gæta. Get-
ur sá drykkjumáti náttúrlega haft
skelfilegar afleiðingar. Konurnar
drekka hins vegar gjarnan létt vín,
það er t.d. með ólíkindum hvað
kampavínið er vinsælt; hér er það
nefnt Sekt og þykir ómissandi í
boði af þessu tagi.
Ekki er það svo að öll íbúðin eða
húsið sé lagt undir afmælisboðið.
Þér er ekki vísað til stofu, a.m.k.
ekki þar sem húsakynni eru stærri
en venjuleg 2-3 herb. íbúð. Þér er
vísað annaðhvort niður í kjallara
eða upp á háaloft þar sem innréttuð
hefur verið sérstök vistarvera sem
er helst ekki notuð nema þegar
einhver í fjölskyldunni á afmæli.
Þetta þykir setja skemmtilegan
svip á hátíðahöldin. Þau eru líka
óformleg, oft eins og að sitja á krá
með góðum kunningjum. Fólk
kjaftar þessi lifandis ósköp, dansar
syngur og lætur guðaveigar lífga
sálaryl.
Brátt líður að þeim degi sem þess
verður minnst að Stalín hafi endað
lífdaga, þann sama dag fæddist sá
er þetta skrifar. Verst þykir honum
að þurfa að bjóða gestum til stofu
að eiga hvorki holu í kjallara né
umú á hanabjálka.
Eg má til með að geta þess í lokin
að vinkona okkar, sem býr i litlu
þorpi hér í nágrenninu, bauð um
40 manns í afmælið sitt um daginn
og hélt veisluna úti í hesthúsi og
gerðinu í kring sem tjaldað var
yfir. Rigning var, eins og oft endra
nær, og voru því flestir klæddir
regnkápum og með stígvél á fótum
Það var skemmtileg tilbreyting að
dansa í þessari múnderingu, dreypa
á sjóðheitum víndrykk, sem hitað-
ur var í stórum potti á hlóðum, og
syngja um rjóða rósu á heiði.
- Hjalti Jón Sveinsson
Pontiac Le Mans ’80
5 dyra station, sjálfskiptur, vökvastýri, V-6 vél,
dökkblár.
Mjög góöurbíll.
Alls konar skipti möguleg.
Góð greiðslukjör eða skuldabréf.
Uppi. i símum 68-15-30
og 83104 (Sveinn) kl. 9-18
og í síma 72212 eftir kl. 19.
ORÐSENDING FRÁ VERKA-
KVENNAFÉLAGINU FRAMSÓKN
Skrifstofan verður lokuð mánudaginn 10. febrúar
vegna flutninga. Opnum á þriðjudag í húsnæði
okkar að Skipholti 50a, sími 688930-31.
Saab 900 GL árg. 1983
til sýnis og sölu, ekinn aöeins 39.000 km, útvarp, segul-
band, vetrardekk, sumardekk, grjótgrind,
sílsalistar, fallegur bíll.
BÍLASALA
V/MIKLAT0RG.
SlMAR 24540-19079.
MATTHIASAR
r
auloslar

ÁKLÆÐI0G GÓLFM0TTUR
í FLESTAR GERÐIR BIFREIÐA
Áklæðin eru hlý og teygjanleg.
Fjölbreytt litaúrval.
Motturnar fást í rauðum, bláum, brúnum og gráum litum.
Kynnið ykkur verð og gæði.