Dagblaðið Vísir - DV - 13.09.1986, Blaðsíða 23

LAUGARDAGUR 13. SEPTEMBER 1986.

Kemur mér ekki við
- segir Guðni Guðmundsson, rektor MR
„Þetta tal um að koma á áfanga-
kerfi fyrir alla framhaldsskólana
kemur mér ekki við,“ sagði Guðni
Guðmundsson, rektor Menntaskól-
ans í Reykjavík. „Hjá okkur eru
engar meiriháttar brey tingar í vænd-
um aðrar en að við ætlum að auka
tölvukennslu.“
- Nú er í undirbúningi að samræma
áfangakerfi fyrir tvö fyrstu árin hjá
öllum framhaldsskólum í landinu.
Ætlar MR einnig að standa að þess-
um breytingum?
„Ég hef heyrt um þessar hugmynd-
ir en mér vitanlega stendur ekki til
að breyta MR i fjölbrautaskólann við
Lækjargötu."
- Er bekkjakerfið með öðrum orðum
betra en áfangakerfið?
„Já, það er betra en áfangakerfið
vegna þess að það er viðkunnan-
legra. Bekkjakerfi er auk þess
þrautreynt og hefur fyrir löngu sann-
að ágæti sitt. Auðvitað er best að
hver hafi það kerfi sem honum líkar
best en á meðan okkar menn fara
ekki að falla unnvörpum þegar kom-
ið er í háskóla þá breytum við ekki
okkar kerfi.“
Til Menntaskólans í Reykjavík er
sótt fyrirmyndin að bekkjakerfinu
sem ríkti í framhaldsskólunum fram
til þess að áfangakerfið var fundið
upp. Þetta er gamla hefðin frá tímum
latínu- og lærðra skóla. Enn er
bekkjakerfið við lýði í mörgum fram-
haldsskólanna. Víða hefur það þó
verið samræmt áfangakerfinu á þann
veg að einstökum námsgreirium er
skipt í áfanga sem síðan er skipt nið-
ur eftir bekkjum.
Ókosturinn sem þessu fylgir er að
takmarkað samræmi er milli námsins
í einstökum skólum þannig að erfið-
leikum getur verið bundið að skipta
um skóla og eftir sem áður er náms-
hraði ákveðinn af skólanum.
- Guðni var spurður hvort hann teldi
óæskilegt að samræma námið í fram-
haldsskólunum meira en verið hefur?
„Já, ef steypa á allt framhalds- \
skólanám í eitt kerfi þá þýðir það
meiri miðstýringu en skólamir hafa
gott af.“
- Ætlar þú að beita þér gegn hugsan-
legum breytingum?
„Ég hef nóg að gera við að stjórna
þessum skóla. Ég fylgist lítið með
umræðum, leiðast fundahöld og sæki
helst ekki ráðstefnur," sagði Guðni
Guðmundsson. GK
Áfangakerfi fyrir framhaldsskólana í mótun:
Þarf ekki að leiða
til miðstýringar
segir Karl Kristjánsson hjá skólarannsóknadeild
„Það er ekki áhugi á að samræma
nám i framhaldsskólunum nema að
vissu marki. Þetta á að verða víður
rammi sem skólunum er gert að
starfa eftir,“ sagði Karl Kristjáns-
son, starfsmaður skólarannsókna-
deildar menntamálaráðuneytisins.
Hann hefur undanfarið ár unnið að
endurskoðun á áfangalýsingum fyrir
framhaldsskóla.
„Ætlunin er að þessar nýju áfanga-
lýsingar verði teknar upp af öllum
framhaldsskólunum á næsta hausti.
Öllum framhaldskólum hefur verið
boðið að vera með. Þetta er mikið
nauðsynjamál fyrir áfangaskólana.
Upphafið var að þeir höfðu samband
við ráðuneytið vegna endurskoðunar
á námsáföngunum. Við getum síðan
sagt að bekkjaskólarnir hafi fylgst
með úr fjarlægð. Auk venjulegs
menntaskólanáms tekur þetta einnig
til iðnfræðslunnar. Meiningin er að
taka meira tillit til atvinnulífsins en
verið hefur. Þá er ekki nóg að skipu-
leggja nám sem talið er koma at-
vinnulífinu vel heldur verður að
skipuleggja námið í samráði við full-
trúa atvinnulífsins."
- Er þetta liður í undirbúningi fyrir
samræmd lög um framhaldsskóla?
„Þetta starf, sem hér er unnið, tek-
ur einungis til inntaks námsins. Hitt
er annað mál að lengi hefur staðið
til að semja ný lög um framhalds-
skólana."
- Þýðir samræming námsáfanganna,
sem nú er í mótun, að bekkjakerfi
leggist niður?
„Ekki vegna þessarar námsskrár-
gerðar vegna þess að hún á að notast
jafnt í áfanga- og bekkjaskólum.
Hins vegar verður ekki fram hjá því
gengið að áfangaskólarnir eru miklu
fleiri en hinir og það kerfi hefur ör-
ugglega fleiri kosti en bekkjakérfið
þegar um stóra skóla er að ræða.
Afangakerfið er samt sem áður
ekki gallalaust. Einkum er það fé-
lagslega hliðin sem veldur mönnum
áhyggjum. Hóparnir eru svo sundur-
lausir og nemendum hættir við að
einangrast. En ég held að það sé
miklu nær að endurbæta áfangakerf-
ið heldur en að hverfa aftur til
bekkjakerfisins.
Annað vandamál er það að kostir
áfangakerfisins nýtast ekki til fulls
í litlum skólum. Þar verður að tak-
marka valið verulega til þess að
einstakir áfangar verði ekki of fá-
mennir til að hægt sé að kenna þá.
Litlu skólarnir geta engu að síður
kennt áfangana þótt náminu sé í
aðalatriðum skipt eftir bekkjum."
- Heldur þú að þessar hugmyndir um
samræmingu næti ándstöðu?
„Það verður bara að koma í ljós.
Enn sem komið er hefur ríkt sam-
staða um þetta starf. Eðlilega örlar
á ótta við að samræmingin leiði til
miðstýringar. Það þarf þó alls ekki
að vera því hér er ekki verið að sníða
skólunum þröngan stakk,“ sagði
Karl Kristjánsson.
-GK
Karl Kristjánsson, starfsmaöur skólarannsóknadeildar.
LEiKFÉLAG
REYKIAVlKUR
SÍM116620
Leikhússtjóri
Staða leikhússtjóra Leikfélags Reykjavikur fyrir timabilið
1. september 1987 til 31. ágúst 1990 er laus til umsóknar.
Viðkomandi þarf að geta hafið störf að hluta 1. janúar 1987.
Umsóknir sendist formanni Leikfélags Reykjavikur i póst-
hólf 208, 121 Reykjavik, i síðasta lagi 10. október 1986.
Stjórn Leikfélags Reykjavikur
laus störf
Starfsmann vantar nú þegar á saumastofu Þjóöleik-
hússins. í starfinu felst búningasaumur fyrir konur og
karla, ásamt fleiru.
Reynsla í alhliða saumaskap áskilin.
Einnig vantar rafvirkja til starfa i Ijósadeild. í starfinu
felst lýsing leiksýninga, raflagnir í Þjóðleikhúsinu og
eftirlit og viðhald Ijósatækja. Ráðningarkjör eru sam-
kvæmt kjarasamningi BSRB og fjármálaráðherra.
Nánari upplýsingar eru veittar í Þjóðleikhúsinu, Hverf-
isgötu 19, sími 1-12-04, en umsóknum ber að skila
þangað á sérstökum eyðublöðum fyrir 18. september.
Þjóðleikhússtjóri.
Lœrið að fljúga
unfflJ&MSSON
LESURIXí FLlk»SKft~?
Flugkennsla alla daga og öll kvöld.
Einkaflugmannsnámskeið hefst 19. september næstkomandi.
Væntanlegir nemendur hafi samband sem fyrst. Góðar kennsluvél-
ar og fín aðstaða. Eldri nemendur okkar, rifjið upp flugið og náið
fyrir réttindum.
FLUGSKÖLI
HELGA JÓNSSONAR,
Reykjavíkurflugvelli, sími ioæo
TOGGURHF.
SAAB UMBOÐIÐ
Bíldshöfða 16 - Símar 681530 og 83104

Seljum 1 dag
i
Saab 900 turbo 16. árg. 1986, 3 dyra, Saab 900 GLS ðrg. 1982, 3 dyra, Ijós-
grásans, beinskiptur, 5 gira, ekinn 7 blár, sjálfskiptur, ekinn 71 þús. km,
þús. km. Allur með rafmagni og fl. góður bill. Verð 330 þús.
Verð 830 þús.
Saab 9000 turbo 16. órg. 1986. 5 Saab 99 GL árg. 1982, 4 dyra, drapp.
dyra, svartur og leðurklæddur, bein- beinskiptur, 5 glra, ekinn 74 þús. km.
skiptur, 5 gira, ekinn aðeins 7 þús. Mjög góður bill. Verð 300 þús.
km. Sem nýr bíll. Verð 940 þús.