Dagblaðið Vísir - DV - 13.10.1986, Blaðsíða 10

10
MÁNUDAGUR 13. OKTÓBER 1986.
Útiönd
Á Hvftahússfundi
í Vík ngasal
Sam Donaldson, fréttamaöur bandarisku ABC sjónvarpsstöðvarinnar, er sérstaklega fylgist meö málefnum Hvíta
hússins og Bandaríkjaforseta, er kunnur fyrir skelegga fréttamennsku og líflega framkomu á blaðamannafundum
forsetans. Kvaöst Donaldson í viðtali við DV vera bjartsýnn á árangur af íslandsfundinum og ánægður með að-
stööu erlendu fréttamannanna á Loftleiöahótelinu.
„I fjölmiðlaliði Hvíta hússins eru
að jafnaði svona þrjú hundruð til
þrjú hundruð og fimmtíu blaða- og
fréttamenn og þeir eru flestallir hér
á íslandi nú,“ sagði Bob Callaghan,
einn starfsmanna fréttamannamið-
stöðvar Hvíta hússins, í viðtali við
DV örfáum mínútum fyrir áætlaðan
fréttamannafund Larry Speakes,
talsmanns Hvíta hússins, í Víkinga-
sal Hótel Loftleiða síðdegis á
laugardag.
Það var sannarlega örtröð á Loft-
leiðahótelinu um helgina. Fjölmiðla-
lið Hvíta hússins, er fylgir
Bandaríkjaforseta hvert á land sem
er, leigði hótelið undir sig og starf-
semi sína.
Þéttsetinn bekkurinn
Kom þorri fréttamanna og tækni-
manna Hvita hússins til landsins á
fimmtudag í Boeing 747 þotu frá Pan
Am, skömmu á eftir Air Force One,
einkaþotu Bandaríkjaforseta.
Reglulegir fréttamannafundir
Larry Speakes, talsmanns Hvíta
hússins, fóru fram í Víkingasal og
þar var þéttsetinn bekkurinn mest-
alla helgina.
í kringum sviðið í salnum, þaðan
sem Larry Speakes les yfirlýsingar
Bandaríkjastjómar og svarar spum-
ingum fréttamannanna, hafði verið
komið fyrir stólaröðum og borðum
þar sem fastir fréttamenn Hvíta
hússins voru með aðstöðu til að skrá
niður og senda frá sér á tölvuskjám
fréttir til fjölmiðla sinna um allan
heim.
Hvergi var ónýtt pláss og alls stað-’
ar vom fréttamenn við vinnu sína.
{ fréttamannaliði Hvíta hússins
eiga allir stærstu fjölmiðlar heims
fastá starfsmenn, þó eðli málsins
samkvæmt séu bandarískir fjölmiðl-
ar í meirihluta.
Eftir því sem styttist í að Lany
Speaks kæmi með nýjustu fréttir af
síðari fundi Reagans og Gorbatsjovs
á laugardag jókst spennan og ör-
tröðin í þéttsettnum salarkynnun-
um.
Fréttamenn sjónvarpsstöðvanna
kölluðu til kvikmyndatöku- og
tæknimenn sína er undirbjuggu
tækjabúnað sinn fyrir beina útsend-
ingu um gervihnetti út í heim.
Hitinn jókst eftir þvi sem fjölgaði
í salnum og sjónvarpsmennimir
kveiktu á fleiri upptökulömpum.
Hvergi varð þó vart við nokkum
kvörtunartón yfir takmörkuðum
salarkynnum á Hótel Loftleiðum
sem ekki em beint sérhönnuð fyrir
aðra eins blaðamannafundi. Menn
losuðu aðeins um bindishnútana,
brettu upp skyrtuermar og settu sig
í stellingur.
Speakes þekkír sína menn
Skyndilega þagnaði kliðurinn f
Kristalssal. Salurinn lýstist upp við
lampa sjónvarpsvélanna er skyndi-
lega fóm að suða reglulega og
talsmaður Hvíta hússins, Larry
Speakes, birtist á flóðlýstu sviðinu
með nýjustu fréttir.
Fyrst kom stutt yfirlýsing tals-
mannsins um gengi viðræðnanna
fyrr um daginn. Þar bar hæst að leið-
togamir hefðu hvor um sig skipað
viðræðunefnd tveggja emba;ttis-
manna er ætlað skyldi að ræða
saman um fækkun meðaldrægra
flauga í Evrópu. Skyldu nefhdimar
þegar í stað hefja viðræður og yrði
rætt saman að Höfða. Sökum gagn-
kvæms samkomulags um fréttabann
af fundum leiðtoganna kvaðst Spea-
kes ekki geta greint nánar frá því
er fram hafði farið að Höfða'.
Eftir yfirlýsinguna dundi spum-
ingaflóð á talsmanninum. „Andy,“
„Sam,“ „George," „Susan,“ sagði
talsmaðurinn og benti út í sal um
leið og hann leyfði fréttamönnunum
að bera ffarn spumingar sínar.
Flesta fyrirspyrjendur þekkir Spea-
kes af langri samvinnu í Hvíta
húsinu og ávarpar með fomafni.
Spumingamar urðu fjölmargar og
að sama skapi margvíslegar.
Vildu menn fá nánari fréttir af
fundunum í Höfða. Speakes er þraut-
reyndur í hlutverki sínu og þrátt
fyrir góðar tilraunir fengu þeir fátt
upp úr honum um gang viðræðn-
anna.
Speakes var meðal annars spurður
um heilsu Nancy, forsetafrúar
Bandaríkjanna, í kjölfar ummæla er
Raisa Gorbatsjova lét falla á laugar-
dag þar sem hún kvað hugsanlega
skýringu á því að bandaríska forset-
afrúin hefði ekki komið til íslands
vera þá að hún ætti við veikindi að
stríða. Kvað Speakes Nancy vera við
góða heilsu og ekki fjarverandi frá
leiðtogafundinum af heilsufarsá-
stæðum.
Sam Donaldson ánægður
með aðstöðuna
Eftir rúmlega háltíma spumingaflóð
yfirgaf Speakes sviðið og boðaði
annan fúnd fyrir hádegi á sunnudag.
Á fremsta borði næst sviðinu sátu
ýmsir gamalkunnir fréttahaukar er
margir hafa fylgst með gangi mála
í Hvíta húsinu í áraraðir. Þar mátti
meðal annars greina kunna ffétta-
skýrendur bandarískra stórblaða og
stóm bandarísku sjónvarpsstöðv-
anna þriggja.
í fremstu röð rakst blaðamaður
DV á Sam Donaldson er nýkominn
var úr símanum í beinu samtali við
fréttastofú sína í Washington. Sam
Donaldson þekkir hver Bandaríkja-
maður er á annað borð fylgist með
sjónvarpsfréttum. Donaldson fylgist
með gangi mála í Hvíta húsinu fyrir
ABC sjónvarpsstöðina. Hann er
kunnur sem skeleggur og harðsvír-
aður fréttamaður og ágengar spum-
ingar hans hafa oft kömið
Bandaríkjaforsetum í bobba á blaða-
mannafundum í beinum sjónvarps-
sendingum.
í samtali við DV sagðist Donald-
son vera bjartsýnn á að saman gengi
í viðræðum stórveldanna um meðal-
drægar flaugar í Evrópu og væri
ákvörðun leiðtoganna í viðræðunum
fyrr um daginn um skipan viðræðu-
nefnda til að ræða þau mál frekar
dæmi um að saman færi nú að ganga
í þeim efnum.
Aðspurður um aðstöðu ffétta-
manna á Hótel Loftleiðum og hvort
menn væm ánægðir með starfsvett-
vanginn sagði Donaldson að menn
hefðu yfir engu að kvarta, skipu-
lagning hefði verið góð og til fyrir-
myndar.
„Ótrúleg verðmæti saman-
komin“
Mitt í örtröðinni rakst blaðamaður
DV á Sæmund Pálsson lögregluþjón,
einn nokkurra Islendinga er sáu um
öryggisgæslu á Loftleiðahóteli yfir
helgina.
Kvað Sæmundur öryggisgæslu
öfluga á hótelinu og ekki síst í kring-
um sjálfa fféttamannamiðstöðina,
þar sem upp var búið að hrófla
tækjabúnaði fyrir hundmð milljóna.
„Hér er jarðstöð sem náttúrlega
er ómetanleg til fjár. Það tók okkur
tíu ár að koma upp jarðstöð hér á
landi en þessa menn aðeins fjóra
daga. Það sýnir okkur að þegar pen-
ingamir em annars vegar er allt
hægt á stuttum tíma,“ sagði Sæ-
mundur. „Það er annað eins af
verðmætum hér úti í flugskýli og í
svítunni hjá Larry Speakes, þar er
tækjabúnaður er heldur uppi beinu
sambandi við Hvíta húsið. Hér em
alveg ótrúleg verðmæti samankom-
in.“
Sagði Sæmundur að allt hefði
gengið snurðulaust ffam að þessu
og lítið um vandamál. „Þetta hefur
gengið ótrúlega vel þrátt fyrir lítið
pláss.“
„Þetta lið viimur ákaflega mikið,
alveg fram á rauðar nætur og gefur
sér vart tíma til að borða. Hér em
þeir oft fram til tvö þijú á nóttunni
þegar aðrir em sofnaðir og þá hefur
stundum komið sér vel að hafa Næt-
urgrillið opið. Hefur maður aðstoðað
við að fá mat þaðan. Það hefur hitt
í mark reglulega því ekkert er eins
gott og að fá eitthvað gott að borða
þegar menn em búnir að vinna
svona rosalega," sagði Sæmundur.
„Fréttamennimir kunna vel að
meta þegar þeim er rétt smáhjálpar-
hönd. Besta landkynningin er sú að
hver og einn komi vel fram við þessa
erlendu gesti og sýni hjálparvilja og
fyrirgreiðsluhugarfar. Það er jafnvel
það sem þeir skrifa um þegar ekkert
gengur á fundunum, þá skrifa þeir
jákvætt ef þeir verða fyrir jákvæðu
viðmóti, þannig að það er undir
hverjum og einum okkar komið
hvernig þetta fer.“
í fjölmiðlaliði Hvita hússins eru að jafnaði þrjú hundmö til þrjú hundmö og fimmtiu blaða- og fréttamenn frá fjöl-
miölum um heim allan.
DV-myndir Brynjar Gauti Sveinsson
„Hér eru ótruleg verðmæti samankomin," sagði Sæmundur Pálsson, lög-
regluþjónn er ásamt öðmm hefur unnið aö öryggisgæslu undanfarna daga.
Taldi Sæmundur verðmæti tækjabúnaðar fréttamanna Hvita hússins nema
tugum milljóna islenskra króna.