Dagblaðið Vísir - DV - 13.10.1986, Qupperneq 44

44
MÁNUDAGUR 13. OKTÓBER 1986.
Sviðsljós
Kók til að væta kverkarnar.
Landið allt hefur verið á öðrum
endanum síðustu dagana og hver
stórviðburðurinn rekið annan. Á
fimmtudegi fengum við nýja sjón-
varpsstöð sem rann af stokkunum
með hlykkjum og skrykkjum.
Sannast þar kannski hið forn-
kveðna að fall sé fararheill.
Meðfylgjandi DV-myndir KAE
sýna höfuð stöðvarinnar, Jón Óttar
Ragnarsson, rétt fyrir upptöku
upphafsávarpsins. Hafi einhver
haldið að þessi þekktasti næringar-
spekúlant þjóðarinnar dundi við
að naga kálblöð og súpa vítamín-
bættan gulrótarsafa skal sá mis-
skilningur leiðréttur hér og nú.
Annars tala myndirnar sinu máli
um fyrstu skref þessa yngsta fjöl-
miðils á íslandi.
Bumburnar
fá sér konu
Þorgerður Malmquist, DV, Neskaupstað:
Hljómsveitin Bumburnar í Nes- .
kaupstað hefur nú ráðið sér söng-
konu. Það er engin önnur en sú
velþekkta Helga Steinsson en hún
gat sér gott orð bæði sem leik- og
söngkona fyrir nokkrum árum. Hún
lék m.a. í söngleikjunum Hárinu og
Jesus Christ Superstar og söng einn-
ig með Janis Carol og Drífu Krist-
jánsdóttir í söngtríóinu Nunnunum.
Helga hefur búið hér ásamt fjöl-
skyldu sinni síðan 1982 og starfar
hún við bókasafn Neskaupstaðar
auk kennslu í Verkmenntaskóla
Austurlands en hún er kennari að
mennt.
Hljómsveitina skipa auk Helgu
Smári Geirsson, söngur og saxófónn.
Smári er skólastjóri Verkmennta-
skóla Austurlands. Ágúst Ármann,
bassi. Hann er skólastjóri Tónskóla
Neskaupstaðar. Hlöðver Smári Har-
aldsson, hljómborð. Hlöðver Smári
er tónlistarkennari og lék með
Galdrakörlum, Pelican og fleiri
hljómsveitum hér áður. Guðjón
Steinþórsson, gítar, tónlistarkenn-
ari, og Pétur Hallgrímsson, trommur.
Hann starfar við fiskmat.
Bumhurnar hafa nú starfað í fjögur
ár en konulausir fram að þessu.
Uppistaðan í hljómsveitinni er úr
hinni landsfrægu (alla vega á Aust-
urlandi) Amon Ra sem stofnuð var
árið 1971 og starfaði með hléum og
mannabreytingum þar til 1981 og
sjálfur Eurovision-kappinn Eiríkur
Hauksson nam fræði sín þar.
Fyrirmynd táninganna í kringum
nítján hundruð og sextíu eða sjötíu
var hin horaða tískusýningarstúlka
Twiggy sem vakti óhug meðal
margra af eldri kynslóðinni. Flestir
töldu stúlkuna dæmigerða tískubólu
sem hyrfi af sjónarsviðinu fljótlega.
Fæstum flaug í hug að einhverjir
hæfileikar gætu búið í blessaðri
beinahrúgunni.
En núna, allmorgum árum síðar,
hefur Twiggy sannað sig svo um
munar. Hún hélt velli þrátt fyrir
breytta tíma og slær nú hressilega í
gegn sem söngvari og leikkona á
ekki ómerkari stað en því bandaríska
Broadway. Meðfylgjandi mynd sýnir
hana svo í nýjum sjónvarpsþáttum
sem gerast eiga á Viktoríutímanum.