Dagblaðið Vísir - DV - 18.10.1986, Blaðsíða 2

Dagblaðið Vísir - DV - 18.10.1986, Blaðsíða 2
LAUGARDAGUR 18. OKTÓBER 1986. Fréttir Nauðgarar undir smásjá - aukið eftirlit á hættulegustu stöðunum í Reykjavík Það virðist vera liðin tíð að fólk geti gengið óáreitt um borgina og án hræðslu við árásir. Á ákveðnum svæð- um í borginni hefur gengið yfir alda nauðgana og árása. Nýjustu nauðgunartilfellin gerðust með stuttu millibili, annars vegar var ung kona fórnarlamb árásar í Hljóm- skálagarðinum og hins vegar 54 ára gömul kona í gamla kirkjugarðinum við Suðurgötu. „Eftirlit verður hert á ákveðnum svæðum, þar sem líkamsárásir hafa verið nokkuð tíðar. Þetta fer strax í gang. Hljómskálagarðurinn verður sérstaklega vaktaður, hann er dæmi um stað sem er sérlega hentugur til svona iðju, stór garður og lítil umferð. Kirkjugarðurinn við Suðurgötu verð- ur undir eftirliti. Þar virðast árásir og nauðganir hafa verið framkvæmdar á hvaða tíma sólarhrings sem er, jafnvel á hábjörtum degi. Eftirlit með Miklat- úni verður einnig hert, þó ekki hafi eins mikið borið á líkamsárásum þar," sagði Bjarki Elíasson yfirlögreglu- þjónn. Þótt Öskjuhlíðin hafi ekki verið nefnd í upptalningu Bjarka Elíassonar er mjög algengt að þar séu menn á ferð sem haft geta í frammi ýmiss kon- ar kynferðilega áreitni, leyst niður um sig buxurnar og sýnt á'sér kynfærin, gert tilraun til nauðgunar eða sýnt aorar furðulegar tilfæringar. Það ber því að vara fólk, aðallega konur, við þekn svæðum sem hér hafa verið nefnd. „Það er ákveðin áhætta fólgin í því að ganga einn að nóttu til um svæði þar sem umferð er lítil. Það er þó eng- inn ástæða til að gera of mikið úr hættunni. Reykjvík er þrátt fyrir allt róleg og elskuleg borg miðað við er- lendar borgir," sagði Bjarki. Tveir slasaðir sjómenn af norsku skípi sdttir: Þyrian varð eldsneytislaus yfir skipinu Slysavarnafélaginu barst í fyrrinótt beiðni um aðstoð af 6800 tonna norsku flutningaskipi, Tihnes, þar sem það var statt suðsuðaustur af Vestmanna- eyjum. Tveir sjómenn á skipinu, 1. stýrimaður og vélamaður, voru alvar- lega slasaðir eftir að skipið hafði fengið á sig brotsjó þannig að þeir köstuðust til í brúnni. Varnarliðinu var strax gert viðvart og beðið um þyrlu frá því en hún komst ekki af stað vegna slæms veðurs á þeim slóðum er skipið var, 10 vindstig voru að sunnan og úrhellisrigning, og lægði ekki fyrr en upp úr hádeginu í gær. Um þrjúleytið var þyrlan komin ið skipinu sem þá var í um 100 sjó- nílna fjarlægð frá Vestmannaeyjum. /oru tveir sjúkraliðar um borð í þyrl- ínni og sigu þeir niður í skípið. Þá 'ar þyrlan orðin eldsneytislítil og var Lkveðið að Herkúlesvél á leið frá Bret- andi gæfi þyrlunni eldsneyti. Kom lerkúlesvélin á staðinn um þrjúleytið. i meðan á þessu stóð sveimaði hjálp- rvél þyrlunnar, ein af P-3 kafbátavél- m varnarliðsins, yfir skipinu. Þyrlan beið síðan meðan sjúkralið- arnirí komu hinum slösuðu fyrir á sjúkrabörum en það gekk mjög erfið- lega vegna mikilla meiðsla stýri- mannsins. Þurfti Herkúlesvélin að gefa þyrlunni aftur eldsneyti eftir að sjúkrabörurnar voru hífðar um borð en áður en sjúkraliðarnir voru teknir aftur í þyrluna. Þyrlan flaug síðan með þá slósuðu á Borgarsjúkrahúsið og kom þangað um kvöldmatarleytið. Höfðu þyrlu- flugmennirnir þá verið á lofti í tæpa 8 tíma samfellt og staðið sig frábær- lega vel við erfiðar aðstæður en á þessum slóðum voru 7-8 vindstig og rigning. Báðir sjómennirnir eru skaddaðir á hrygg, stýrimaðurinn þar að auki handleggsbrotinn og vélamaðurinn rifbeinsbrotinn. Þyrla Landhelgisgæslunnar var ekki kölluð út í þetta verkefhi þar sem flug- menn hennar höfðu ekki fengið nauðsynlega hvíld eftir leitina við Vif- ilfell. -FRI Sjómennirnir bornir út úr þyrlunni við Borgarspítalann í gærkvöldi. DV-mynd: S.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.