Dagblaðið Vísir - DV - 05.02.1987, Blaðsíða 31

FIMMTUDAGUR 5. FEBRÚAR 1987.
31
Sandkom
Ásmundur Stefánsson.
I góðra
vina hópi
Það er allt á suðupunkti í
Alþýðubandalaginu þessa
dagana. Og það út af nám-
skeiði í Alþýðuflokknum!
Það,var nefnilega þannig að
fyrr í vikunni auglýsti Al-
þýðuflokkurinn fimamikið
námskeið á eigin vegum. Sam-
koman heitir nánar tiltekið
„Námskeið í stjómmálaskóla
jafnaðarmanna". Samkvæmt
auglýsingunni em þátttak-
endur fræddir um sögu
Alþýðuflokksinsrhugmynda-
grundvöll og baráttumál
jafnaðarmanna.
Að sjálfsögðu em helstu
toppkratamir með erindi á
námskeiðinu. Má þar nefna
Jón Baldvin, Jón Sigurðsson
ogJóhönnu Sigurðardóttur.
En svo skýtur Ásmundi Stef-
ánssyni upp á mælenda-
skránni, eins og ljóta
kallinum úr sauðarleggnum.
Og það er það sem fer svo fyr-
ir brjóstið á allaböllunum.
Ásmundur skipar þriðj a
sæti lista Alþýðubandalagsins
í Reykjavík, þ.e. baráttusætið.
Það þykir því ekkert sérstak-
lega sniðugt að hann skuli
vera að messa inni í miðri
kratahjörð á þessum viðsjár-
verðu tímum. Flokksbræður
hans geta þó ekki náð í skott-
ið á honum þessa dagana til
að lesa honum pistilinn, því
hann er staddur úti í London.
Kjartan Gunnarsson.
Eina vömin
Fulltrúaráð Sjálfstæðis-
flokksins hélt fjölmennan
fund í fyrrakvöld, svo sem
fram hefur komið í fréttum.
Þar var gengið frá skipan á
lista flokksins í komandi
kosningum.
Margt vaskra sveina var
mætt á fundinn, eins og nærri
má geta, þar á meðal þeir Frið-
rik Sophussón varaformaður
og Kjartan Gunnarsson fram-
kvæmdastjóri.
Þegar nokkuð var liðið.á
samkomuna steðjaði Friðrik í
ræðustól og blés í herlúðra.
Hann kvað fast að orðum sín-
um og þrumaði meðal annars:
„Einasta, einasta vömin
gegn vinstri stjórn er...“
..að nota smokkinn,"
heyrðist Kjartan þá skjóta að
sessunaut sínum.
Friðrlk Sophusson.
Ragnhildur Helgadóttir.
Gömul ræða
um eyðni
Ragnhildur Helgadóttir
heilbrigðisráðherra svaraði á
þingi í fyrradag fyrirspurn
Eiðs Guðnasonar um eyðni.
Það vakti nokkra athygli
áheyrenda að ráðherrann
virtist eiga í einhverjum erfið-
leikum með að feta sig áfram
í svari sínu þegar hann var
að ræða um fyrirhugaðar að-
gerðir gegn sjúkdómnum.
Virtist hann á báðum áttum
um hvort hann ætti að nota
þátíð eða framtíð.
Eftir nokkrar vangaveltur
komust menn að ástæðunni
fyrir þessu. Eiður lagði fyrir-
spum sína fram vel fyrir
jólafrí þingmanna. Síðan hitt-
ist svo á að ýmist hann eða
Ragnhildur vora fjarverandi
úr þingsölum, þá annaðhvort
erlendis eða í einhverju stíma-
braki hér heima.
Þegar fyrirspurninni var
svo loks svarað í fyrradag
hafði ýmislegt gerst í forvam-
armálum frá því að hún var
lögð fram. Eða með öðrum
orðum, svo langt var liðið frá
því að svarið við fyrirspum-
inni hafði verið samið að
ráðherrann varð að færa sum
atriði aftur til þátíðar, því þau
höfðu þegar komið til fram-
kvæmdar.
Skemmri leið
Kínverji einn, sem búsettur
var í henni Ameríku, tók sig
einu sinni til og potaði tré
niður í garðinn hjá sér. Hann
var rétt byrjaður á að grafa
holuna þegar Kani kom spíg-
sporandi framhjá.
- Ertu að grafa fyrir úti-
sundlaug? spurði Kaninn.
„Nei, ég ætla bara að skjótast
heim.“
Hættu snar-
lega við
Blaðið Bæjarins besta á
Isafirði hefur riðið á vaðið
með ýmsar nýjungar. Er
skemmst að minnast þess þeg-
ar blaðið hóf að birta skatt-
skrá Isfirðinga undir heitinu
„Bókin sem beðið var eftir".
Annað sem þeim BB-mönn-
um datt í hug var að fara af
stað með nýjan þátt í blaðinu
þar sem kynnt væru fyrirtæki.
félög og stofnanir. Var ætlun-
in að kynna tvær stofnanir í
senn.
Var nú gripið til ísafjarðar-
skrárinnar í bókinni Islensk
fyrirtæki og byrjað á byrjun-
inni. En tvær fyrstu stofnan-
imar í stafrófsröðinni þar
reyndust vera AA-samtökin
og Áfengis- og tóbaksverslun
ríkisins. Höfðu þeir BB-menn
ekki enn ráðið fram úr vand-
anum þegar síðast fréttist.
Umsjón:
Jóhanna S. Slgþórsdóttir
________________________________________Kvikmyndir
Stjömubíó/Öfgar ★★
Lögin tekin í eigin hendur
Öfgar (Extremities).
Leikstjóri: Robert M. Young.
Handrit William Mastrosimone eftir eigin
leikriti.
Kvikmyndun: Curtis Clarke.
Tónlist J.A.C. Redtord.
Aóalleikarar: Farah Fawcett, James
Russo, Diane Scarwid og Alfre Woodward.
Það er talið að í Bandaríkjunum
séu yfir tvö hundruð nauðganir á
dag. Ekki fara öll þessi mál fyrir
dómstóla. Því veldur að fómarlam-
bið er hrætt við að opinbera sig og
svo það sem vegur mest að þótt
nauðgarinn náist þá er næstum aldr-
ei vitni að verknaðinum og eftir
stendur orð gegn orði.
Þetta er viðfangsefni leikrita-
skáldsins Williams Mastrosimone í
Öfgum sem hann hefur sjálfur gert
kvikmyndahandrit eftir. Leikrit
þetta hefur verið sýnt í ein fimm ár
á Broadway og hafa þrjár leikkonur
leikið hið erfiða hlutverk Marjorie;
Susan Sarandon, Karen Allen og
Farah Fawcett sem endurtekur hlut-
verkið í kvikmyndagerðinni.
Miðað við fyrri afrek á leiklistar-
brautinni kemur val Fawcett í
hlutverk Marjorie nokkuð á óvart.
Hún hafði þar til fyrir fáum árum
nær eingöngu leikið glæsipíur með
misheppnuðum árangri. Hún hefur
því ótrauð stefnt á hærra svið í leik-
listinni og látið sér á sama standa
um útlit sitt. Og ekki er annað hægt
að segja en henni hafi tekist þetta
bærilega þótt ábyggilega verði erfitt
fyrir hana að sanna gildi sitt, svo
sterk er ímynd hennar sem kyntákn.
Fyrsta mynd hennar í þá átt að
bæta orðspor sitt var The Buming
Bed, sjónvarpsmynd sem fjallaði um
eiginkonu sem beitt var ofbeldi. Hún
þótti standa sig það vel að hún fékk
hlutverk Marjorie í Öfgum.
Marjorie er ung kona sem verður
fyrir því eitt kvöldið að grímuklædd-
ur maður ræðst að henni með hnífi
og hefur í hótunum við hana láti hún
ekki að vilja hans. Marjorie sleppur
við illan leik áður en maðurinn kem-
ur fram vilja sínum.
Á lögreglustöðinni, þegar hún
kærir atburðinn, er henni sagt að
þótt ofbeldismaðurinn náist muni
honum verða sleppt því um er að
ræða orð hans gegn hennar.
Árásarmaðurinn hafði rænt veski
hennar og því óttast Marjorie að
önnur atlaga verði gerð að henni.
Ótti hennar er ekki ástæðulaus því
nokkm seinna, þegar hún er ein
heima, kemur árásarmaðurinn, nú
grímulaus, og hefjast nú átök upp á
líf og dauða...
Eins og áður sagði er myndin Öfg-
ar gerð eftir leikriti. Því er sviðssetn-
ingin þröng. Nánast öll myndin
gerist á einum degi, innandyra í íbúð
Maijorie. Því er myndin nokkuð
hæg og um leið nokkuð langdregin
þótt aldrei sé hún leiðinleg. Mikil
áhersla er lögð á þá staðreynd að
þrátt fyrir ofbeldið sem árásarmað-
urinn sýnir sé erfitt fyrir Maijorie
að fá hann dæmdan nema hann við-
urkenni verknaðinn sjálfur.
Farah Fawcett og James Russo
sýna bæði tilþrifamikinn leik í hlut-
verkum þessarar persóna. Ætti þetta
hlutverk svo sannarlega að tryggja
það að henni verði i framtíðinni
boðin mannsæmandi hlutverk. Það
er ekki erfitt að líka illa við James
Russo eins og hann kemur fyrir í
Öfgum, enda þekkir hann hlutverkið
sem hann leikur manna best, hefur
leikið það síðan leikritið var frum-
sýnt vestanhafs fyrir fimm árum.
Öfgar eru mynd sem gleymist þeim
sem hana sjá ekki svo auðveldlega.
Það hafa verið miklar umræður hér-
lendis sem erlendis um nauðganir
og þrátt fyrir að ofbeldið sé mikið á
báða bóga eru Öfgar holl öllum þeim
sem láta sig mannfélagsmál ráða.
Hilmar Karlsson.
Farah Fawcett sýnir i öfgum að hún getur gert fieira en að leika glæsipíur.
★★★★ Frábær ★★★ Góð ★★ Miðlungs ★ Léleg 0 Afleit
KARLAR ATHUGIÐ!
Leikfimi fyrir menn á besta aldri, 35 ára og eldri. Nýtt
6 vikna námskeið 2 sinnum í viku hefst þriðjudag 10.
febrúar í Skipholti 3, 2. hæð. Áhersla lögð á upp-
byggingu líkamans, slökun og liðkun.
Tími:
Þriðjudaga 17.30-18.30 og 18.30-19.30.
Fimmtudaga 19.00-20.00 og 20.00-21.00.
Laugardaga 10.00-11.00 og 11.00-12.00.
Gufubað á staðnum.
Upplýsingar eftir kl. 6 í síma 45194.
MILE,
íþróttakennari og íþróttaþjálfari.
ÞORRAMATUR
Félagasamtök og starfshópar!
Afgreiðum þorramatinn til ykkar á hagstæðu
verði.
18
tegundir.
Verð kr. 490,-
Q
VEITINGAMAÐURINN HF
BÍLDSHÖFÐA 16 - 110 REYKJAVÍK - SÍMI 686880
Ódýr tölvuborð
og prentaraborð
Ein fjölhæfustu tölvuborð og prentaraborð á markað-
inum.
Útsölustaðir:
Bókaskemman, Akranesi,
Verslunin Eikó, Egilsstöðum.
Opið laugardag kl. 10-14.
TÖLVUBORÐ,
Smiðjuvegi 11, Kópavogi, sími 641135.