Dagblaðið Vísir - DV - 30.04.1987, Blaðsíða 17

FIMMTUDAGUR 30. APRIL 1987.
17
Lesendur
„Það þekkist hvergi í heiminum að (lugstöðvar séu skírðar sérstöku nafni...“
ÆtlafÉu að
Láttu okkur
i*"'
—----- _ v>virrknn a aðeins kx. 390-
rjöruþyottur, þvottur og þ
Etolg bjóöun, y«liaö-^“^ása.wmog.epp™
Z Qnrantun. á felgum „íActfirka Miallaxvaxboni
B c )n- og Klö pp - rot 3ími 2C tas )370 51 C ) ði n
B< b n- og r ot (tas 18 c ) ði n
V/Umferöarmiðstöðina - Sími 13380
Höfðabón
Höfðatúni 4 - Sími 27772
Leifsstöð á
Keflavíkurflugvelli?
Flugfarþegi skrifar:
Það er að mestu gengin yfir sú fagn-
aðarbylgja sem upphófst með opnun
nýju flugstöðvarinnar á Keflavíkur-
flugvelli.
Auðvitað eru allir ánægðir að hafa
fengið hina nýju flugstöð og mál var
til komið því að ekki höfum við Islend-
ingar lagt svo mikið til flugmála og
síst á Keflavíkurflugvelli þar sem völl-
urinn er rekinn af bandarísku vamar-
liði alfarið. Allur tæknibúnaður
utanhúss er t.d. kostaður af Bandaríkj-
unum svo og allt viðhald brauta og
snjómokstur. Þetta er ekki víst að al-
menningur viti.
Nafngiftin á flugstöðinni er svo sem
ágæt. Málið er hins vegar það að þetta
nafn mun aldrei verða notað í tali,
raunar ekkert nafh nema „flugstöðin"
sem er í sjálfu sér alveg nóg. Það þekk-
ist hvergi í heiminum að flugstöðvar
séu skírðar sérstöku nafni.
Það er flugvöllurinn sjálfur sem
skiptir máli og er skráður sem slíkur
hvarvetna þar sem þess er þörf. Svo
sem hjá flugmálayfirvöldum um allan
heim og hjá flugumsjónum á erlendum
flugvöllum sem afhenda og útbúa veð-
urlýsingu og annað er máli skiptir í
hendur flugstjóra sem nota þennan
völl eða fljúga í námunda við hann á
leið sinni yfir hafið.
Alls staðar i heiminum eru það nöfii-
in á flugvöllunum sem gilda, ekki nafn
einhverrar byggingar, sbr. Kastrup-
flugvöllur, Schipholflugvöllur, Heat-
hrow flugvöllur o.s.frv.
Hefði hins vegar flugvöllurinn í
Keflavík verið skírður upp á nýtt og
nefndur flugvöllur Leifs Eiríkssonar
hefði nafh hans komist á kort hvar sem
er í heiminum. Þetta hika Bandaríkja-
menn t.d. ekki við að gera og hafa
skírt upp á nýtt marga flugvelli hjá
sér. Þekktasta dæmið er um J.F.
Kennedy flugvöll sem áður hét Idle-
wild Airport.
Við íslendingar erum hins vegar
ragir við að gera svona brevdingar,
illu heilli. Við ættum hins vegar að
ganga svo langt að breyta ekki bara
nafni Keflavíkurflugvallar heldur líka
nafninu á landinu, íslandi. Það hefur
verið til trafala og er fráhrindandi
nafn er hrindir frá sér ferðamönnum
nema kannski þeim er gjörþekkja allar
aðstæður og eru því víðlesnir. Ein
hugmynd er að kalla landið t.d. Sögu-
eyjuna. (Sagaöen er algengt nafh á
landi okkar í Skandinavíu.) Þetta hafa
ýmis nýfijáls ríki gert t.d. í Afríku.
Hver man eftir nafninu Rhodesia eftir
svo sem 10 ár til viðbótar? Auðvitað
hefði átt að kasta nafninu á landinu
fyrir róða við lýðveldistökuna 1944 og
auk þess að fá nýjan þjóðsöng og nýja
mynt í stað leifanna frá dönsku krún-
unni. Það er svo allt annað mál að
þora. Það hugtak er löngum fjarlægt
okkur.
„Dagskrá stöðvarinnar er iðulega röng, bæði hvað varðar timasetningu á
dagskrárliðum svo og myndir sem eru auglýstar i dagskrám því þegar allt
kemur til alls birtast aðrar myndir á skjánum.,,
Stöð 2:
Rong og villandi dagskrá
Gunnar Bjarnason skrifar:
Ég vil benda þeim mönnum á, sem
hafa með dagskrá Stöðvar 2 að gera,
þ.e. ef þeir vita það ekki enn, að hvað
eftir annað virðist dagskráin frá þeim
vera röng, bæði hvað varðar tímasetn-
ingu á dagskrárliðum svo og myndir
sem eru auglýstar í dagskrám því þeg-
ar allt kemur til alls birtast aðrar
myndir á skjánum.
Eðlilegt væri ef einhver mistök yrðu
öðru hvoru, það er bara mannlegt. En
þetta kemur allt of oft fyrir og augljós-
lega eru þessi mistök þeirra því rangar
auglýstar dagskrár virðast ganga jafnt
í gegnum öll blöðin. Þetta er til dæm-
is ansi leiðigjarnt ef maður ætlar sér
að taka upp myndir á myndband til
að horfa á seinna þegar tími gefst til.
Ef þessi mistök væru eins tíð á ríkis-
sjónvarpinu eins og á Stöð tvö er ég
ansi hræddur um að eitthvert óhljóð
heyrðist frá almenningi.
Áð lokum, ágætu menn, reynið að
bæta um betur þvi þetta kemur ekki
aðeins okkur neytendunum illa heldur
ykkur ef ekkert verður að gert.
„Fangelsi
bætir
engan“
Lesandi skrifar:
Nú virðast öldumar vera að
lægja varðandi kvirferðisafbrota-
menn en þetta er umræða sem fólk
má ekki loka augunum fyrir, þetta
er mál er varðar okkui- öll.
Umi-æðu af þessu tagi verðum
við að halda opinni og vera vak-
andi á verðinum. Það hefur
margsinnis komið fram að meiri-
hluti landsmanna vill þvngja
viðurlög við kynferðisafbrotum en
samt er ekkert gert í málinu.
Það er líka alveg vitað mál að
menn sem leggjast svo lágt að beita
kynferðislegu ofbeldi eru ekki heil-
ir á geðsmunum og því þýðir
ekkert að ioka þá inni eftir ódæð-
ið. Ég get ekki ímyndað mér að
fangelsi bæti nokkum mann, þess-
ir menn hljóta að þurfa mikla hjálp
og hana fá þeir ekki í fangelsum.
Það sem skiptir eðlilega mestu
máli er að réttarkerfið veiti borg-
urunum vemd gegn slíku ofbeldi,
fangelsið erbara bráðabirgðalausn
á þessum vanda og það ekki viö-
hlítandi.
&
FRÁ GRUNNSKÓLANUM
í MOSFELLSSVEIT
Innritun nýrra nemenda í grunnskóla Mosfellssveitar
næsta skólaár fer fram dagana 4. og 5. maí nk. kl.
9-14, í Varmárskóla (6-12 ára) í síma 666154 og
gagnfræðaskólanum (13-15 ára) í síma 666186.
Skólastjórar
OPIÐ HUS
. MAÍ
MYNDUSTARSÝWING
Að lokinni 1. maí göngunni verður opið hús hjá Verzl-
unarmannafélagi Reykjavíkur í Húsi verslunarinnar,
9. hæð, fyrir félagsmenn og fjölskyldur þeirra.
Frístundamálarar í VR munu sýna verk sín í fundarsal
félagsins.
Verzlunar- og skrifstofufólk!
Lítið inn, þiggið kaffiveitingar og skoðið myndlistar-
sýninguna.
Verzlunarmannafélag Reykjavikur
Bæjarfógetaskrifstofa
í Vestmannaeyjum
Tilboð óskast í framkvæmdir við Heiðarveg 15 í Vest-
mannaeyjum.
Innifaldar í verkinu eru ýmiss konar þreytingar og
endurbygging, bæði utan- og innanhúss.
Verktaki tekur við húsinu i núverandi ástandi og skilar
því fullbúnu til notkunar.
Húsið er kjallari og þrjár hæðir, grunnflötur alls um
1070 m2.
Verkinu skal skila fullgerðu 25. mars 1988.
Útboðsgögn verða afhent á skrifstofu vorri, Borgar-
túni 7, Rvk., og á teiknistofu Páls Zophoníassonar í
Vestmannaeyjum gegn 5.000 kr. skilatryggingu. Til-
boð verða opnuð á skrifstofu vorri miðvikudaginn 20.
maí nk. kl. 11.00.
INNKAUFASTOFNUtt RÍKISINS
BORGARTÚNI 7 SÍMI 26844 PÓSTHÓIF 1441 TELEX 2006