Dagblaðið Vísir - DV - 06.06.1987, Blaðsíða 15

LAUGARDAGUR 6. JÚNl' 1987.
15
Ferðahugur kominn 1 mannskapinn:
Straumurinn liggur úr
bænum en flest
tjaldsvæðin enn lokuð
Utiskemmtun í Borgarfirði:
Stuðmenn tjalda sínu nýjasta
„Það má segja að við ætlum að
halda uppi hvítasunnustuði um
helgina," sagði Jakob Magnússon
Stuðmaður í samtali við DV. Stuð-
menn skemmta þessa helgi í
Logalandi í Borgarfirðinum og um
klukkan fimm í dag verða þeir með
útiskemmtun á Geirsárbökkum.
„Addi rokk, bráðhress náungi á
sextugsaldri, mun skemmta með
okkur á árbakkanum og einnig
verðum við með diskótek. Við von-
umst til að þarna verði margt 'um
manninn."
I gærkvöldi voru Stuðmenn með
dansleik í Logalandi og átti þá að
skera úr um hver væri látúnsbarki
kjördæmisins en þessar vikur
stendur yfir leit af látúnsbarkanum
í hverju kjördæmi fyrir sig. Endar
það með keppni í sjónvarpssal þann
12. júlí.
„Við vorum fyrir vestan um dag-
inn og þar sigraði Jóhann Jóhanns-
son, Tálknfirðingur sem var mjög
góður. Fimm hafa skráð sig i
keppnina í Borgarfirðinum og ko-
must færri að en vildu. Það er mikil
ásókn í að taka þátt í þessu,“ sagði
Jakob ennfremur. Keppnin bvggist
upp á að finna söngvara og keppa
þeir síðan sín á milli í sjónvarpssal.
- Eru Stuðmenn óbreyttir?
..Já. það erum við.“ svaraði Jakob.
..Eg á von á að Valgeir verði með
okkur í dag en hann er að koma
heim frá Bandaríkjunum. Við erum
að fylgja eftir nýrri plötu með nýj-
um stil sem kemur út eftir helgina."
Ragnhildur Gísladóttir á von á sér
í júlí og verður áfram með hljóm-
sveitinni fram að þeim tíma. enda
hraust og hress eins og hennar er
vandi.
Þá má geta þess að tjaldsvæði er
á Geirsárbökkum og einnig er leyfi-
legt að tjalda í Húsafelli en æski-
legt þó að þar sé um fjölskyldufólk
að ræða. Þjónustumiðstöðin í
Húsafelli verður opnuð nú fyrir
helgi.
-ELA
Þeir voru hressir, krakkarnir, og ætluóu áreiöanlega aö skemmta sér vel i sveitasælunni yfir helgina. Annars var myndin búin til í tilefni helgarinnar og þaö voru krakkar úr vinnuskóla
Reykjavikur, Þorlákshafnarrútubílstjóri og Sportleigan við Umferðarmiðstöðina sem hjálpuðu okkur að gera ferðalagsstemningu. DV-myndir Kristján Ari
Allt
lokað
og læst
- á helstu ferðamannastöðunum
Miklar
aðgerðir
hjá lögreglu
Það verður erfitt um vik fyrir þá
sem vilja tjalda á sunnanverðu
landinu þessa helgi því flestöll
tjaldstæði eru enn lokuð. Á Laug-
arvatni verða tjaldstæðin ekki
opnuð fyrr en 10. júní. „Landið er
alls ekki tilbúið að taka á móti
átroðningi," sagði Eirikur Ey-
vindsson sem hefur með tjaldsvæð-
ið þar að gera. Hann sagði að allt
væri ennþá lokað á Laugarvatni
nema gufubaðið og sundlaugin.
Valhöll á Þingvöllum er opin en
það sama verður ekki sagt um
tjaldsvæðin. Þau verða ekki opnuð
fyrr en 9. júní. Sama var upp á ten-
ingnum þar, gróðurinn ekki tilbú-
inn og landið rétt að fá á sig
grænan lit.
Þórsmörk er alltaf vinsæll staður
um hvítasunnuna og núna ætti að
vera í lagi að fara þangað því Húsa-
dalur verður opinn og er í lagi að
tjaldajjar. Hins vegar mun Ferða-
félag Islands ekki opna Langadal
fyrr en eftir hvítasunnu þannig að
ekki þýðir að fara þangað.
Þjórsárdalur er lokaður og engin
aðstaða þar. Menn eru ekki hrifnir
t af því að fá fólk strax út i náttúr-
una að því er virðist.
Ekki þýðir heidur að hugsa um
Landmannalaugar því þangað
'verður ekki fært fyrr en í fvrsta
lagi í kringum 20. júní.
-ELA
Lögreglan í Revkjavík býst við
mikilli umferð úr bænum unt helg-
ina og verður gripið til ýmissa
aðgerða því samfara. Lögreglu-
menn verða í samráði við Bifreiða-
eftirlitið með skoðun á bifreiðum
er leggja leið sinu úr bænum og ef
ástandi virðist ábótavant má búast
við að lítið verði úr ferðalagi. Það
er því best að aka ekki úr bænum
nema bíllinn sé i góðu standi.
Vegalögreglan verður um allt
land og mun ásamt staðarlögreglu-
mönnum fvlgjast með því að
umferð gangi vel fyrir sig og að-
stoða menn ef með þarf.
Miklar aðgerðir verða hjá lög-
reglunni á hálendinu. Það hefur
sýnt sig að menn leggja á hálendið
og valda usla. auk þess sem þeir
eru oft illa búnir. Lögreglan verður
með bíla á hálendinu og einnig
þvrlu landhelgisgæslunnar og
verður fvlgst með öllu svæðinu úr
lofti. Menn eru því varaðir við að
leggja þessá leið á sig ef þeir hvggj-
ast prófa krafta fjórhjólsins eða
jeppans. Ef þvrlumenn verða varir
við einhverja slíka fanta láta þeir
lögreglubílana umsvifalaust vita.
Þessar aðgerðir lögreglunnar eru
nýmæli en sýnt þvkir að ekki veiti
af smáeftirliti á hálendi Islands.
Menn mega líka vara sig á þvi að
margir staðir eru ennþá ófærir, ein-
s og t.d. Kaldidalur. -ELA
Aðeins
• • p/
oría
hótel
opin
Vilji menn dvelja á einhverju
Eddu hóteli um þessa helgi getur
verið erfitt að finna eitthvað sem
búið er að opna. Hótelin þrjú á
Laugarvatni verða t.d. ekki opn-
uð fvrr en 11. júní. Hótelið á
Kirkjubæjarklaustri er opið og
einnig Flókalundur. Og í dag
verða hótelin í Nesjastaðaskóla
og á Hallormsstað opnuð. Öll hin
verða opnuð síðar. Það má því
með sanni segja að sumarskapið,
sem einkennt hefur borgarbúa,
nái ekki til landsins þessa fyrstu
ferðahelgi.-ELA