Dagblaðið Vísir - DV - 06.06.1987, Blaðsíða 19

LAUGARDAGUR 6. JÚNÍ 1987.
19
Skólastjórar teknir á beinið
Hörkuskemmtilegur sumarleikur Helgarblaðs DV að hefjast
Skemmtileg og spennandi spurningakeppni hefst í Helgar-
blaði DV um næstu helgi. Þar verða þekktir skólamenn, skóla-
stjórar og rektorar, teknir á beinið. í hverju blaði leiða tveir
kunnir lærdómsmenn saman hesta sína og ausa úr allsnægtá-
brunnum visku sinnar yfir lesendur. Þetta er útsláttarkeppni og
heldur sigurvegarinn því áfram keppni en sá sem ber lægri hlut
er úr leik. Keppendur eru átta. Það verða því fjórar undanrásir,
tvenn undanúrslit og spennandi úrslitakeppni fer síðan fram í
byrjun ágúst.
Leitast verður við að hafa spurningarnar blandaðar, sumar í
auðveldari kantinum en aðrar snúnar og jafnvel smásmuguleg-
ar. Fyrst og fremst er litið á keppnina sem léttan sumarleik sem
allir keppendur geta tekið þátt í og verða rétt svör birt á sömu
síðu og keppnin, en á haus.
Umsjónarmaður spurningakeppninnar er Gunnar Gunnarsson,
rithöfundur og blaðamaður. Honum til aðstoðar við dómgæslu
og samningu spurninga er Baldur Símonarson lífefnafræðingur
sem er þjóðkunnurfyrirvisku og þátttöku sína í spurningaleikj-
um.
Þeir hafa að undanförnu unnið ötullega að því aðsafnasaman
spurningum í þessa keppni og ná saman keppendum sem eru
víðs vegar af landinu. Ekki er að efa að þessi létti sumarleikur DV
á eftir að hitta í mark hjá lesendum.
-ATA
Benedikt Sigurðarson.
Guðni Guðmundsson.
Hafsteinn Stefánsson.
Kristján Bersi Olafsson.
Smári Geirsson.
Vilhjálmur Einarsson.
Þorgeir ibsen.
Þorsteinn Þorsteinsson.
Harðsnúið lið
fjölfróðra keppenda
Skólastjórarnir, sem teknir verða á beinið, eru ekki af verri endanum
Það verða engir aukvisar eða
viðvaningar sem fá að kljást við
spurningarnar sem lagðar verða
fram í sumarleik DV á næstu vik-
um. Allt eru þetta margfróðir og
snarpir menn sem hafa í gegnum
árin ausið úr viskubrunni sínum
yfir nemendur og samkennara og
hafa mótað margt ungmennið með
visku sinni og þekkingu.
í þessum sumarleik reynir að
sjálfsögðu á þekkingu þeirra, en á
milli koma svo lævíslegar og smá-
smugulegar óþverraspurningar sem
í fyllstu sanngirni er varla hægt að
ætlast til að þeir kunni svörin við,
allavega ekki í öllum tilfellum. Þar
reynir þó stundum á snerpuna og
hugmyndaflugið. Það verða sjálf-
sagt margir sem bíða með óþreyju
eftir að sjá hvernig þessum heiðurs-
mönnum gengur þarna megin
próíhorðsins.
Keppendurnir eru eftirtaldir. og
er þá farið eftir stafrófsröð:
Benedikt Sigurðarson
Benedikt Sigurðarson er skóla-
stjóri Barnaskólans á Akureyri.
Benedikt er mjög fjölfróður maður
og segja margir að hann viti allt
sem er þess virði að vita. Þess vegna
fær hann að vera með í sumarleik
DV.
Guðni Guðmundsson
Guðni Guðmundsson er rektor
Menntaskólans í Reykjavík. Sagt
er að þegar hann tók stúdentspróf
á sínum tíma hafi hann getað svar-
að öllu nema hvað hann klikkaði í
spurningum í líffræðiprófi þar sem
spurt var um kynfæri. Þegar Guðni
var spurður hvort hann væri ekki
til í að taka þátt í sumarleiknum
sagðist hann vera til í allt nema
sjálfsmorð.
Hafsteinn Stefánsson
Hafsteinn Stefánsson er skóla-
stjóri Fjölbrautaskólans í Ármúla.
Hafsteinn er þekktur af visku sinni
og vilja sumir nemenda hans álíta
að hann viti fullmikið.
Kristján Bersi Olafsson
Kristján Bersi Ólafsson er skóla-
stjóri Flensborgarskólans. Hafn-
firðingar vilja sumir halda þvi fram
að Flensborgarar. og kannski fyrst
og fremst Kristján Bersi, hafi af-
sannað kenninguna um að Hafn-
firðingar séu eitthvað grunnhyggn-
ari en aðrir. Enginn dómur skal á
þá staðhæfingu lagður en svo mikið
er víst að Kristján Bersi er marg-
fróður maður og auk þess þrau-
trevndur í spurningaleikjum.
Smári Geirsson
Smári Geirsson er skólastjóri
Verkmenntaskólans á Neskaup-
stað. Smári hefur gert mikið fvrir
verkmenntakennsluna á Austurl-
andi enda vel að sér í þeim fræðum.
En þekking Smára nær langt út
fyrir það svið sem hann vinnur
við.
Vilhjálmur Einarsson
Vilhjálmur Einarsson er skóla-
meistari Menntaskólans á Egils-
stöðum. Fyrir utan að vera fróður
maður er hann kannski þekktari
fvrir frækileg þrístökk og að hafa
getið af sér öflugan spjótkast-
ara.
Þorgeir Ibsen
Þorgeir Ibsen er fyrrverandi
skólastjóri Barnaskóla Hafnar-
fjarðar. Hann er ákaflega vinsæll
maður. bæði i bæjarfélaginu og af
nemendum sinum. Auk þess er Þor-
geir skemmtilegur maður og
margfróður.
Þorsteinn Þorsteinsson
Þorsteinn Þorsteinsson er skóla-
stjóri Fjölbrautaskólans i
Garðabæ. Þorsteinr. var forseti
Skáksambands íslands og snjall
skákmaður og þar af leiðandi fljót-
ur að hugsa rökrétt.