Dagblaðið Vísir - DV - 13.08.1987, Blaðsíða 5

FIMMTUDAGUR 13. ÁGÚST 1987.
5
dv________________________________ Sljómmál
Alþýðubandalagið:
Formannsslagurinn hafinn
- þótt enn
Enn eru um það bil 3 mánuðir til
landsíundar Alþýðubandalagsins en
samt er slagurinn um hver verði næsti
formaður flokksins hafinn af fullum
krafti. Liður í þeim átökum eru þær
hugmyndir sem uppi eru um að víkja
Össuri Skarphéðinssyni, stjómmála-
ritstjóra Þjóðviljans, irá og ráða
þægari mann í staðinn. Svavar Gests-
son, formaður Alþýðubandalagsins,
hefur enn enga opinbera yfirlýsingu
gefið um það hvort hann gefur kost á
sér áfram sem formaður flokksins eða
hvort hann ætlar að draga sig í hlé.
Fréttaljós
Sigurdór Sigurdórsson
Sá eini sem vitað er fyrir víst að gefur
kost á sér er Ólafur Ragnar Grímsson.
Að vísu hefur Guðrún Helgadóttir lýst
því yfir að hún sé tilbúin að taka við
hvaða þvi starfi sem flokkurinn kýs
hana til. Þessa yfirlýsingu má taka
þannig að hún sé tilbúin til að fara í
formannsslaginn.
Leitað að manni gegn Ólafi
Ragnari
Hið svokallaða flokkseigendafélag
hefur allt frá miðstjómarfundinum í
júní verið að leita að manni til að fara
fram gegn Ólafi Ragnari sem það get-
ur ekki hugsað sér að verði næsti
formaður. Þeir sem DV hefur rætt
þessi mál við segja að flokkseigendafé-
lagið hafi enn ekki fundið þennan
mann. Miðað við hvað leitað hefur
verið er eins og flokkseigendafélagið
gangi út frá því sem vísu að Svavar
Gestsson gefi ekki kost á sér áfram.
Þessir sömu menn benda á að ef til
einvígis kemur milli þeirra Svavars
og plafs muni Svavar vinna nauman
sigur. Það sé hins vegar vont vega-
nesti fyrir sitjandi formann að vinna
nauman sigur á landsfundi og deilum-
ar í flokknum muni ekki minnka við
það.
Ólafur sættir ekki stríðandi öfl
Á það er einnig bent að Svavar hafi
reynt að koma fram sem sáttasemjari
í þeim hörðu deilum sem ríkja innan
flokksins en ekki tekist að sætta stríð-
andi öfl. Þess gjaldi hann nú. Hann
hefði frekar átt að taka af skarið en
reyna að vera í hlutverki sáttasemj-
ara. Nú sé kominn tími til að komi
formaður sem taki á þessum málum.
En sá maður er ekki auðfundinn.
Nái Ólafur Ragnar kjöri munu deil-
ur innan flokksins magnast en ekki
setja niður. Ólafur er ákaflegá um-
deildur maður innan flokksins - einn
af þessum mönnum sem fólk er annað-
hvort með eða á móti. Ekkert þar í
milli.
Einn af þingmönnum flokksins sagði
Ragnar Arnalds - er hann maðurinn
sem leysir deilurnar um formann-
inn?
í samtali við DV: „Þá springur allt ef
Ólafur verður formaður." Þessi sami
þingmaður sagði að hann sæi engan
mann sem gæti tekið við flokknum
nú nema Ragnar Amalds. Sagði hann
að margir þingmenn flokksins væru
þessarar sömu skoðunar. Ragnar væri
sá maðurinn sem stríðandi öfl innan
flokksins gætu frekast sæst á.
Ragnar lítið spenntur
Vitað er að reynt hefur verið að fá
Ragnar til að gefa kost á sér til for-
manns. Ragnar mun ekki hafa gefið
afsvar en er heldur ekkert ginnkeypt-
ur fyrir því að taka aftur að sér
formennsku. Menn segja það ósköp
eðlilegt. Ragnar sé búinn að vera form-
aður flokksins, þingmaður og ráð-
herra. Nú sitji hann við að skrifa
annað leikrit eftir að hafa slegið í gegn
sem leikritahöfundur í fyrra.
Alþingismaðurinn sem fyrr er vitnað
til sagði þetta ekki rétt. Hann benti á
að þegar deilumar risu sem hæst á
Varmalandsfundinum í vor hefði
Ragnar ekki ’tekið til máls. Hans
skýrsla á miðstjómarfúndinum í júní
hefði líka verið eina skýrslan sem
sáttabragur hefði verið á. Þetta sagði
hann merki þess að Ragnar væri ekki
afhuga því að taka við flokknum.
Reyna samningaleiðina
Nokkrir Alþýðubandalagsmenn,
sem DV ræddi við, sögðu að ef flokks-
eigendafélagið fyndi ekki mann til að
fara fram á móti Ólafi myndi það að
öllum líkindum reyna einhvers konar
samninga við Ólaf Ragnar og hans
menn um hugsanlega valddreifingu.
Ef Ólafur yrði formaður fengi flokk-
seigendafélagið einhverjar ábyrgðar-
stöður í staðinn, svo sem formann
framkvæmdastjómar og varaformann.
Margir af stuðningsmönnum Ólafs
munu ekki hlynntir því að fara út í
Lvfeyrissjóðirnir
vilja 7,5% vexti
Á fundi fulltrúa lífeyrissjóðanna og
Húsnæðisstofiiunar ríkisins um
skuldabréfakaup lífeyrissjóðanna,
sem haldinn var í gær, bauðst stjóm
Landssambands lífeyrissjóða til að
mæla með því við sjóðina að þeir
keyptu skuldabréf Húsnæðisstofh-
unar gegn því skilyrði að vextir af
bréfunum yrðu 7,5% umfram verð-
tryggingu bæði árið 1988 og 1989.
Þá lögðu þeir til að lánstíminn
yrði sá sami og í síðustu samningum
sem er fijálst val lífeyrissjóðanna
um 20 ára, 25 ára eða 30 ára skulda-
bréf. Þá vilja lífeyrissjóðimir að
skuldabréfin verði samin í samráði
við sjóðina og beri með sér einfalda
ríkisábyrgð, uppsagnai'ákvæði frá
hendi lífeyrissjóðs ef ráðstöfunarfé
hans verður neikvætt einhvem tím-
ann á lánstímanum, að verðtrygging
haldist ef lífeyrissjóður kýs að fram-
selja bréfið. Þá vilja lífeyrissjóðimir
að öll atriði síðasta samkomulags
verði komin í framkvæmd þegar nýi
samningurinn verður undirritaður.
Sigurður E. Guðmundsson, fram-
kvæmdastjóri Húsnæðisstofnunar
ríkisins, sagði í samtali við DV að
fúlltrúar Húsnæðisstofnunar hefðu
tekið sér frest til að skoða þetta til-
boð og gera gagntilboð en annar
fúndur er ákveðinn á mánudaginn
kemur. -S.dór
séu þrír mánuðir tíl landsfundar
Svavar Gestsson, formaður flokks-
ins, hefur enn ekki gefið opinbera
yfirlýsingu um hvort hann ætlar að
vera formaður áfram eða hætta.
Ólafur Ragnar er ákveðinn i að gefa
kost á sér sem formaður flokksins á
landsfundi í haust en flokkseigenda-
félagið getur ekki hugsað sér hann
sem formann.
slíka samninga við flokkseigendafé-
lagið, þeir vilji einfaldlega láta reyna
á styrkleikann.
Annar alþingismaður Alþýðubanda-
lagsins, sem DV ræddi við, sagði að
svo slæm reynsla væri af samninga-
makkinu varðandi valddreifingu
innan flokksins frá landsfundinum
1985 að hann tryði því ekki að slíkt
yrði aftur reynt. Hann sagði það vera
lífsspursmál í orðsins fyllstu merkingu
fyrir flokkinn að finna formannsefni
sem allir armar innan hans gætu sætt
sig við. Það væri bara til að kljúfa
hann að láta sverfa til stáls í form-
annskjörinu milli stríðandi afla.
Þótt ekki hafi farið mikið fyrir þess-
um málum innan flokksins í fjölmiðl-
um að undanfomu og sumarfrí hafi
staðið yfir hefur verið unnið af krafti
á bak við tjöldin. Búist er við að mál-
efni Alþýðubandalagsins komist meira
í sviðsljósið strax í byrjun næsta mán-
aðar.
-S.dór