Dagblaðið Vísir - DV - 13.08.1987, Blaðsíða 12
12
Neytendur
Tölvusala minnkar
Við höfðum samband við nokkra
tölvusala til að heyra í þeim hljóðið
en eins og kunnugt er var settur 25%
söluskattur á tölvur nýverið.
Ljóst er að vélbúnaður hækkar
ekki allur um 25%. Umboðsmenn
hafa lagt hart að framleiðendum að
lækka verð og þannig hefur mörgum
aðilum tekist að gera betri innkaup.
Er ekki óalgengt að vélbúnaður
hækki um 15%.
Sölumaður Bókabúðar Braga taldi
þó að salan ætti eftir að minnka eitt-
hvað, áhrif söluskatts væru ekki enn
komin fram. Hann taldi að sölu-
skatturinn kæmi þó kannski ekki
svo mikið niður á sölu vélbúnaðar,
það væri erlendur hugbúnaður sem
mest yrði fyrir barðinu á skattinum.
Hjá tölvudeild Pennans í Hallar-
múla eru menn þegar famir að
merkja hækkunina í minnkandi sölu
á tölvum en ýmis aukabúnaður, s.s.
prentarar, er farinn að seljast aftur.
Sölumaður þar sagði að áhrifa
skattsins væri kannski ekki enn far-
ið að gæta, þetta væri kannski ekki
sá árstími sem menn huguðu að
tölvukaupum. Hann taldi þó að
skatturinn kæmi tvímælalaust til
með að hafa neikvæð áhrif fyrir
tölvuvæðingu í landinu því erlendur
hugbúnaður hefði alveg hætt að selj-
ast. Þar á meðal em ýmis algeng
forrit, s.s. Turbo Pascal og Sidekick.
Hjá Einari J. Skúlasyni töldu
menn að áhrifin væm ekki að fullu
komin fram enda sá árstími sem
menn notuðu til sumarleyfa, ekki
hvað síst þeir sem tækju ákvarðanir
hjá fyrirtækjum. Tölvusala hjá fyrir-
tækinu hefur þó engan veginn
stöðvast en þó hefur mikið dregið
úr enda keyptu menn tölvur af mikl-
Tölvusala hefur ekki minnkað jafnmikið og sumir spáðu
FIMMTUDAGUR 13. ÁGLJST 1987.
ekki
um móð síðustu dagana áður en
skatturinn kom til framkvæmda.
Hugbúnaður hefur hins vegar eng-
an veginn selst í samræmi við þá
miklu sölu sem var í vor. Ástæðan
gæti verið sú að menn hafi flýtt sér
að festa kaup á vélbúnaði en ekki
gert sér grein fyrir því að h^gbúnað-
ur myndi einnig hækka, eða þá bara
að menn nota síður sumarið til að
setja sig inn í notkun flókinna for-
rita. Þetta á sérstaklega við um
skrifstofuforrit eins og Open access.
Þannig bitnar hækkunin kannski
mest á skólum og stærri fyrirtækj-
um. Einkanotendur skiptast kannski
frekar á disklingum og afrita. Það
er hins vegar ólöglegt og er stofnun-
um, fyrirtækjum, og skólum ekki
stætt á því að fremja slík lögbrot þó
að menn úti í bæ geti kannski gert
þetta óáreittir. -PLP
Risarnir örvæntingarfullir
Vegna mikilla undirboða japanskra
og kóreskra tölvuframleiðenda hefur
sala á tölvum risanna Apple og IBM
hraðminnkað hin síðari ár. Áður stóð
slagurinn svo til eingöngu á milli þess-
ara tveggja aðila og kostaði það IBM
mikið auglýsingastríð að ná fótfestu
með PC vél sína.
Fyrstu einkatölvurnar
Þetta hefúr verið mjög hröð þróun.
Apple var fyrsta fyrirtækið sem áttaði
sig á því að tölvur mætti framleiða og
selja til einkanota. Þetta hafði engum
dottið í hug.
Apple lagði á það mikla áherslu í
auglýsingum sínum að skapa tölvum
fyrirtækisins vingjamlega og hálf-
hlægilega ímynd. Þannig er merki
fyrtækisins epli sem búið er að bíta
af stykki en það var u.þ.b. það síðasta
sem fólk hefði sett í samband við tölv-
ur. Með þessu var fyrirtækið að eyða
hræðslu almennings við hina nýju
tækni en flestir báru óttablandna virð-
ingu fyrir tölvum. Þetta gerði það að
verkum að alls kyns fólk, sem að öðr-
um kosti hefði fussað við tölvum, tók
nú að hafa fyrir þeim áhuga.
Róið á önnur mið
Er IBM setti PC vél sína á markað
reri það á önnur mið. I auglýsingum
var rík áhersla lögð á gildi hennar
fyrir fyrirtæki og viðskipti. Þannig
voru það menn í gráum jakkafötum
með stresstöskur sem sáust í auglýs-
ingum og var höfðað til þess hóps sem
varð útundan hjá Apple. IBM gleymdi
heldur ekki að létta ímynd tölvunnar
og var Chaplin notaður til þess.
I auglýsingastríðinu, sem síðan kom,
skerptust andstæðurnar enn frekar.
Apple kom með mús og PC varð enn
skrifstofulegri og praktískari. Þetta
endaði með því að Apple var komið í
öngstræti. Sá hópur, sem höfðað var
til i auglýsingum fyrirtækisins, voru
blankir menntamenn sem gátu ekki
borið uppi samkeppni við allt það fjár-
magn sem streymdi um hendur IBM.
Apple skipti um aðferð og setti á mark-
að Macintosh, tölvu með mun alvar-
legra yfirbragði.
„Samhæfðar“ tölvur
Þessi fyrirtæki þurftu að leggja í
mikinn hönnunar- og auglýsinga-
kostnað, sem svo undirboðsfyrirtækin
njóta góðs af en þau framleiða eftirlík-
ingar. Þetta hefur þeim tekist vegna
þess að tölvumar eru samsettar úr
hlutum sem fást á almennum markaði
og eru ekki bundnir einkaleyfum.
Þetta er sérstaklega áberandi með
tölvur IBM en PC vél þeirra hefur
verið stæld af ótal framleiðendum og
hefur markaðshlutdeild risans hraðm-
innkað en „pésum“ annarra framleið-
enda hefur fjölgað svo ört að engin
leið er að átta sig á öllum þeim fjölda.
Apple á ekki við sama vandamál að
stríða. Tölvur þess eru mun lokaðri,
þ.e.a.s. hlutar úr þeirn eru eigin hönn-
un Apple og því þundnir einkaleyfum.
Nokkrum framleiðendum hefur þó te-
kist að komast framhjá þessu, eins og
t.d. Laser fyrirtækinu í Hong Kong
en það framleiðir eftirlíkingu sem þyk-
ir mjög góð en er mun ódýrari.
Það sem er þó verra fyrir Apple er
að allir „pésamir" sem framleiddir eru
gera það að verkum að sú tegund tölva
er nánast ráðandi á markaðnum,
Apple kerfið er æ minna notað.
Ný kerfi
I ár hafa svo báðir risamir komið
Nýju einvalatölvurnar frá IBM ollu
vonbrigðum vegna þess að búist hafði
verið við byltingu með tilkomu þeirra.
IBM notaði litla flakkarann hans
Chaplins til að létta ímynd PC i aug-
lýsingum.
með ný kerfi. Apple varð fyrra til og
setti á markað Macintosh II, tölvu
með mun alvarlegra yfirbragði en áður
hafði tíðkast hjá fyrirtækinu.
Ekkert gerðist svo þar til IBM setti
á markað Personal System, einmenn-
ingstölvur, mánuði síðar. Yfir hönnun
þessa kerfis hafði hvílt gífúrleg leynd.
Heimurinn stóð á öndinni, allir héldu
að nú myndi IBM hella á markaðinn
næstu kynslóð af tölvum. En menn
urðu fyrir vonbrigðum. Ekki var um
nýju „súpertölvumar", sem allir vom
að bíða eftir, að ræða heldur aðeins
mjög endurbætta útfærslu af PC tölv-
um, nýtt kerfi, byggt á hinu gamla en
nú þrælvarið einkaleyfum. Víst var
um tækniundur að ræða, aldrei áður
hafði sést þvílík upplausn á skjá en
þetta var ekki það sem beðið var eft-
ir. Verðbréf IBM féllu í verði sama dag
og tölvan var kynnt en Apple hækk-
aði.
John Sculley, stjórnarformaður Apple fyrirtækisins, með nýja tölvu, Macintosh
II. Meira að segja músin er orðin alvarleg.
Fjöldi tölva
Er rætt var við tölvusala vegna
greinarinnar hér á síðunni kom í ljós
að síðustu þrjú árin hefur selst gífúr-
legurfjöldi einkatölva. Nefiidu menn
þúsundir í þessu sambandi. Ástæða
þessa er vafalaust sú að verð hefur
lækkað gífurlega á tímabilinu og
kemur þar til mikil samkeppni en
japanskir og kóreskir framleiðendur
hafa mðst inn á markaðinn með
ódýrtm eftirlíkingar af vélbúnaði
bæði Apple og IBM fyrirtækjanna.
Þessar eftirlíkingar em oftast ekkert
síðri og mun ódýrari. Hefur því verð-
ið lækkað til muna og á eflaust eftir
að lækka meir. Sem dæmi um þessa
þróun má nefna að Victor tölvur
fást nú á lægra verði heldur en í
október og það þó settur hafi ver-
ið á þær 25% söluskattur á tímabil-
inu.
Við ákváðum að kanna hver íjöld-
inn raunvemlega væri. Hjá Einari
J. Skúlasyni töluðu menn um að
reiknað væri með þetta 3.000 vélum
á ári. Þannig er talið að í fyrra hafi
selst 2.500-2.900 vélar en í ár stefni
salan í að vera 3.500 vélar. Þessar
tölur em þó ekki annað en líklegar
tölur en þær eru fyrst og fremst
byggðar á sölu hugbúnaðar. Svo er
fundinn upp stuðull þeirra tölvueig-
enda sem ekki hafa keypt neinn
hugbúnað heldur fá hann að „láni“
frá öðrum.
Ef við gefum okkur þá forsendu
að þessar tölur nálgist það að vera
réttar þá er einkatölvueign lands-
manna ekki undir 10 þúsund tölvur
og er þá aðeins verið að tala um
tölvukaup síðustu þriggja ára.
Tölvuvæðingin virðist því vel á veg
komin en flestir sem rætt var við
vom mjög eindregið á þeirri skoðun
að söluskatturinn væri tilræði yið
þessa þróun jafnvel þó hann drægi
kannski ekki svo mjög úr sölu.
-PLP
Tolvusala hefur aukist gífurlega síöustu þjú ár. Ein helsta ástæða þessa er að mikil verðsamkeppni hefur ríkt á
markaðnum og hafa stöðugt fleiri gerðir litið dagsins Ijós. Á myndinni sést sending af Amstrad PC en þessi tölva
hefur selst mjög vel.