Dagblaðið Vísir - DV - 01.12.1987, Blaðsíða 4
4
ÞRIÐJUDAGUR 1. DESEMBER 1987.
FRETTIR
Frumvaipsdrög að fiskveiðistefnu:
Margar hugmyndir
I nefnd þeirri sem unnið hefur að
undirbúningi frumvarps til fiskveiði-
stefnu og stjórnmálaflokkarnir og
hagsmunasamtök eiga fulltrúa í hafa
komið fram mjög fáar breytingatil-
lögur við frumvarpsdrög þau sem
sjávarútvegsráðuneytið lagði fram
til umræðu. Hins vegar var ijölmörg-
um hugmyndum varpað fram á
fundum nefndarinnar án þess að þar
væri urti formlegar tillögur að ræða.
Meðal breytingatilrauna sem lagð-
ar voru fram skriflega á fundum
nefndarinnar var ein frá Sölumið-
stöð hraðfrystihúsanna þar sem lagt
er til jafnrétti veiða og vinnslu varð-
andi úthlutun aflakvóta. Önnur kom
fram um sama efni frá samtökum
rækjuvinnslustöðva. Þá kom fram
tillaga um að hafa allt óbreytt frá því
sem verið hefur varðandi veiðar
smábáta og loks má nefna bréfið frá
alþingismönnunum 32 til nefndar-
innar um jöfnun þorskkvóta milli
togara af suður- og norðursvæðinu.
Mjög mörgum hugmyndum hefur
verið velt upp á fundum nefndarinn-
ar og eins hafa verið samþykktar
ýmsar ábendingar á þingum og fund-
um hagsmunaaðila innan sjávarút-
vegsins. Mest hefur þar verið um að
ræða minni háttar atriði, svo sem
tímalengd laganna um fiskiveiði-
stefnu og tillögu sem samþykkt var
á þingi Landssambands íslenskra
útvegsmanna um flutning á kvóta
milli ára hjá fiskiskipunum. Þá hafa
bæði útvegsmenn og Farmanna- og
flskimannasambandið lagst gegn
hugmyndinni um aukna skerðingu
hjá þeim fiskiskipum sem selja afla
sinn á erlendan markaö.
Lagt hefur verið til að framsal á
aflamarki verði ekki háð því aö skip-
in hafi sams konar veiðileyfi, að ef
kvóti ér seldur 3 ár í röð skuli sá
kvóti sem seldur er á 3. ári skerðast
um 50%. Þau 50% skuli leggjast inn
hjá ráðuneytinu sem úthluti honum
til skipa sem stunda tilraunaveiðar.
Farmannasambandiö lagði til að
heimilt yrði aö veiða 7% umfram
úthlutað aflamark af tiltekinni fisk-
tegund af heildarverðmæti aflaút-
hlutunar, enda skerðist aflamark á
öðrum tegundum sem því nemur.
Þessar ábendingar hafa aftur á
móti ekki verið lagðar fram á fund-
um nefndarinnar og hefur hún litlar
sem engar breytingar gert á frum-
varpsdrögum sjávarútvegsráðuneyt-
isins. Búist er við að margar
breytingatillögur komi fram á Al-
þingi þegar frumvarpið verður tekið
fyrir þar.
-S.dór
Halldór Ásgrímsson sjávarútvegsráðherra og Þorsteinn Pálsson forsætisráðherra voru svipþungir á þinginu i gær
enda mörg vandamálin i stjórnarsamstarfinu. DV-mynd Brynjar Gauti
Lögtakstilkynning vegna afnotagjalds:
Skuldin er
átta aurar
„Hér með tilkynnist yður að
sjónvarpstæki, tegund Ferguson,
sem þér teljist eiga, verður eftir
kröfu Lögfræðiskrifstofunnar,
Klapparstig 27, Reykjavík, sími 1
83 66, selt á opinberu uppboði sem
haldið verður í uppboðssal Toll-
hússins við Tryggvagötu laugar-
daginn 5. desember nk. kl. 13.30“.
Svo hljóðar tilkynning sem kona
nokkur hér í bæ fékk vegna 8 aura
skuldar en auk þess er henni gert
að borga kostnað. Tildrög málsins
voru þau að konan hafði skuldað
afnotagjald útvarps og sjónvarps
fyrir árin 1984,1985 og 1986 og nam
skuldin orðið krónum 29.286,08.
Hún borgaði inn á skuldina 29.286
krónur þann 7. október síðastlið-
inn. Eftirstöðvarnar voru átta
aurar sem hún bjóst við að myndu
falla niður. En nú fyrir helgina fékk
hún lögtakshótun vegna átta au-
ranna.
Theodor Georgsson hjá inn-
heimtudeild Ríkisútvarpsins hafði
þetta að segja þegar DV bar málið
undir hann. „Þetta er svo fjar-
stæðukennt að ég kannast ekki við
að það geti átt sér stað. Ég hef enga
trú á því að nokkur lögfræðingur
fari að rukka inn átta aura. Skýr-
ingin á þessu hlýtur að vera sú að
einhver mistök hafi átt sér stað.“
-J.Mar
Ríkissjónvarpið:
Biýnt fýrir Heimanni
að sýna fyllstu gætni
„Við höfum talað við Hermann
Gunnarsson og brýnt það fyrir hon-
um að sýna fyllstu gætni í svona
málum framvegis," sagði Pétur Guð-
finnsson, framkvæmdastjóri ríkis-
sjónvarpsins, í samtali við DV.
í sjónvarpsþættinum „Á tali með
Hemma" síðastliðið miðvikudags-
kvöld var kynntur söngvari og vakti
kynningin athygli fyrir þær sakir að
líta mátti svo á að um auglýsingu
hafi verið aö ræða en söngvarinn var
síðan auglýstur í Morgunblaðinu
daginn eftir sjónvarpsþáttinn og þar
sagt aö hann hefði slegið í gegn í sjón-
varpinu kvöldið áður.
„Það er mjög varhugavert að tengja
svona saman efni og blaðaauglýsing-
ar en Hermann Gunnarsson segist
ekki hafa vitað um blaðaauglýsing-
una,“ sagði Pétur.
Pétur sagði ennfremur aö Her-
mann hefði verið beðinn um það að
taka það fram við væntanlega gesti
sína í þáttunum að þeir töluöu ekki
um það fyrirfram að þeir kæmu þar
fram. „Gestirnir verða beönir um að
líta á það sem trúnaðarmál að þeir
komi fram í þáttunum," sagöi Pétur
Guðfinnsson. -ój
Akureyri:
Fyrsfa löndun í gáma
Gylfi Kristjánsson, DV, Akureyri:
Um helgina var í fyrsta skipti land-
að ísfiski í gáma á Akureyri en hann
fer á markað í Englandi.
Þetta var afli togarans Þorsteins
EA en hann var að koma úr sinni
fyrstu veiðiferð eftir að Samherji hf.
keypti skipið frá Siglufirði. Aflinn,
sem var 65 tonn af þorski, var ísaður
í 1150 kassa og settur í fimm gáma.
Mjög mikill gámaútflutningur hef-
ur verið frá Dalvík í haust.
Refskákin
Það sauö heldur betur upp í ríkis-
stjórninni um helgina þegar það
spurðist aö kratarnir vildu breyta
fiskveiðistefnunni. Þeir vilja af-
nema kvótann sem Halldór Ás-
grímsson vill að verði áfram.
Halldór brást auðvitað ókvæða við
og ungir framsóknarmenn urðu
svo reiðir aö þeir hóta stjórnarslit-
um. Enginn vissi að vísu að ungir
framsóknarmenn ættu aðild að rík-
isstjórninni en þeir hótuðu þessu
samt.
Þá hefur einnig soðið upp úr í
landbúnaöarmálunum. Sérstök
nefnd hefur verið skipuð til að
leysa vandann sem fjárlagafrum-
varpið skapaði með því að gera
ekki ráð fyrir áframhaldandi fjár-
streymi í niðurgreiðslur og
uppbætur í landbúnaðarfram-
leiðslu sem ekki gengur út og endar
á haugunum. Framsókn var óán-
ægð með fjárlagatillögumar hjá
Jóni Baldvin og nú hefur nefndin
gert tillögur um að þennan vanda
verði að leysa með því að setja
meira fé í landbúnaðinn svo bænd-
ur geti haldið áfram aö framleiða
fyrir öskuhaugana. Þetta finnst
Agli á Seljavöllum ekki nærri nóg
og skrifar sérstaka grein í Morgun-
blaðið til að veija haugastefnuna.
Enn er allt óleyst í sambandi við
húsnæðismálin eins og allir vita og
er þar hver höndin upp á móti ann-
arri í stjórnarherbúðunum. Auk
þess má minna á að Jón viöskipta-
ráðherra hefur komið flatt upp á
Sjálfstæðisflokkinn með því að
auka viðskiptafrelsi í útflutningi
en aukiö frelsi er hið mesta eitur í
beinum sjálfstæðismanna eins og
alþjóð er kunnugt um. Sérstaklega
ef það frelsi kemur sér illa fyrir þá
sem hafa notið frelsisins einir fram
að þessu.
Eyjólfur Konráð er algjörlega á
móti fj árlagafrum varpinu af því að
meiningin er að afgreiða það halla-
laust. Eyjólfur hefur það á stefnu-
skrá sinni að fjárlög eigi að
afgreiðast með halla og hefur þess
vegna fyrirvara um samþykki sitt
á þeirri óábyrgu stefnu ríkisstjórn-
arinnar og íjármálaráðherra að
láta enda ná saman. Ólafur G. Ein-
arsson, formaður þingflokksins,
segir að Eyjólfur meini ekkert með
þessu og hann muni örugglega
samþykkja íjárlagafrumyarpið og
verður þessi yfirlýsing Ólafs ekki
skilin ööruvísi en svo aö ekki eigi
að taka mark á Eyjólfi. Næsta
skrefið hjá þingflokksformannnum
verður sennilega að gefa út lista
yfir þá þingmenn í þingflokknum
sem má taka mark á og annan lista
yfir þá sem ekki má taka mark á.
Það er að minnsta kosti til hægðar-
auka fyrir hina þingflokkana sem
taka svona yfirlýsingar hjá Eyjólfi
alvarlega þangað til þingflokks-
formaðurinn er búinn að stinga
upp í þingmanninn. Allt mun þetta
þó hafa þann tilgang að skapa óróa
og óvissu í herbúðum samherjanna
í ríkisstjórninni, sem er liður í
stjórnarsamstarfinu.
Mörgum saklausum kjósandan-
um dettur í hug að allur þessi
ágreiningur endi með stjórnarslit-
um. Það er hins vegar mikill
misskilningur. Engum af stjórnar-
flokkunum dettur í hug aö slíta
stjórnarsamstarfinu á miðri aöven-
tunni. Þetta eru allt leikir í stöð-
unni, nokkurs konar mótleikir, til
að skapa sér betri sóknarmögu-
leika þegar hinir leika næst.
Kratarnir eru til að mynda ekki svo
ýkja harðir á því að afnema kvó-
tann. Þeir eru bara að svara fyrir
sig þegar Framsókn er á móti hús-
næðismálafrumvarpi Jóhönnu.
Krókur á móti bragði til að geta
samið um jafntefli. Þið samþykkið
húsnæðismálin, við samþykkjum
kvótann. Og svo er öllu skipt út af
og frumvörpin renna í gegn.
Hjá þeim Kasparov og Karpov
heita þetta enskir leikir, kóng-
indverskir eða Sikileyjarvörn en í
íslensku ríkisstjórninni heita
svona leikir að skáka hinum ref
fyrir rass. Má hins vegar ekki á
milli sjá hvaða leikir eru árangurs-
ríkari, sem sýnir að menn eru
fljótir að læra leiki í refskákum.
Mega þeir Karpov og Kasparov
ýmislegt læra af þeim refum sem
sitja viö taflborðiö hér upp á ís-
landi og ætti að vera næg ástæða
til að halda næsta heimsmeistara-
einvígi í Reykjavík.
Nei, stjórnarsamstarfið gengur
ágætlega. Rifrildið og ágreiningur-
inn er liður í stjórnarsamstarfmu
og ber vott um að allt sé í lukkunn-
ar velstandi.
Dagfari