Dagblaðið Vísir - DV - 17.09.1988, Qupperneq 45

LAUGARDAGUR 17. SEPTEMBER 1988.
61
Ferðalög
Steindrangarnir við Stonehenge eru tilkomumiklir og næsta ótrúlegt hvernig fornaldarmenn gátu rogast með þá tugi kílómetra ofan úr fjöllum niður á Salisburysiéttuna.
Down. Þar er jafnframt hægt að sjá
sögu Bandaríkjanna endurskapaða
og fá sér gott síðdegiste. í annan stað
býður loftbelgsklúbbur Bath upp á
klukkustundar langar ílugferðir yfir
borgina. Þátttakendur fá kampavín
sér til hressingar þegar lent er og
flugmaðurinn áritar sérstakt flug-
skírteini fyrir hvern farþega.
Kertaljós á ánni
Bath er með rómantískari borgum
og ferðamenn, sem þannig eru þenkj-
andi, geta brugðið sér í þriggja tíma
langa siglingu á Avon um nærbggj-
andi sveitir. Á sigbngunni er borinn
fram kvöldverður og snætt er við
kertaljós.
AUt í kringum borgina er landslag
eins og það gerist fegurst, skógi vaxn-
ar hæðir og hólar og lítil þorp með
gömlum knæpum og steinkirkjum
frá miðöldum. í Bathampton Uggur
Kennet- og Avon-skurðurinn við
bakdyrnar á Georgskrá. Handan göt-
unnar er svo kirkja heUags Nikulás-
ar sem byggð var á 13. öld og endur-
byggð um miðja þá 18.
Waterloo í Valhöll
Áhugamenn um söfn af ýmsu tagi
þurfa ekki að láta sér leiðast í Bath.
Áður er getið rómversku baðhús-
anna og Ameríska safnsins en þau
eru mörg fleiri.
Klæðasafnið í Assembly Rooms er
eitt hið stærsta og besta sinnar teg-
undar á Bretlandi. Þar er saga tísk-
unnar rakin frá síðari hluta 16. aldar
fram á okkar daga. Þar gefur m.a.
að líta skartgripi, nærfatnað, barna-
föt og hátíðafot aðalsins.
Vagnasafnið í Circus Mews geymir
40 hestvagna frá liðnum öldum og
stöku sinnum má sjá einhverja
þeirra aka um götur Bath. Þar sem
safnið er nú voru á 18. öldinni vagna-
geymslur og hesthús íbúa Sirkuss-
ins.
í Valhöll, bústað hetjanna, eru
sýndar orrusturnar við Waterloo og
Rorkes Drift. Waterlooorrustan er
endursköpuð með nær tuttugu þús-
und líkönum og með ljós- og hljóð-
hrifum er sagt frá öllum atburðum
hins örlagaríka dags, 18. júní 1815,
þegar Napóleon beið endanlegan
ósigur fyrir Wellington.
Gisti- og veitingastaðir eru fjöl-
margir í borginni og þar ætti hver
að flnna eitthvað við sitt hæfi, hvort
sem leitaö er að íburði eða einföldum
Bed og Breakfast-stöðum. Meðal þess
matar, sem upprunninn er á staðn-
um, má nefna Bathbollur, Bath
Chaps, sem eru soðnar svínakinnar
í brauðmylsnu, og Sally Lunn kökur.
Steinarnir á sléttunni
Það getur verið erfitt að yfirgefa
Bath eftir nokkurra daga dvöl því á
fallegum sumardegi er hún hreinasta
paradís. En einhvem tíma verður
allt að taka enda. Um þetta hérað
Englands getur þó enginn farið án
þess að koma við í Stonehenge, þeirri
fornu steinaþyrpingu á Salisbury-
sléttunni, aðeins um 50 kílómetra
suðaustur af Bath. Þangað er tilvalið
að fara á leiðinni aftur til London.
Stonehenge er frægasta forsögu-
lega hofið í Evrópu og þangaö leggur
nær ein milljón ferðamanna leið sína
á ári hverju. Staðurinn kemst gjarn-
an í fréttir um jafndægur á vori þeg-
ar lögregla er kvödd til að fjarlægja
fjöldann allan af hippum sem þangað
flykkjast um það leyti árs til hátíða-
halda.
Hring eftir hring
Stonehenge er byggt í hring. Yst
er lágur garður og síðan skurður og
loks annar garður, aðeins lægri hin-
um fyrri. Inni í miðjum þessum hring
eru risastórir steinar sem einnig hef-
ur verið raöað upp í hring þó sá
hringur sé nú rofinn. Steinarnir
standa tveir og tveir saman og ofan
á þeim og milli þeirra liggur sá þriðji
þannig að til samans mynda þeir eins
konar dyraumbúnað. Innan þess
hrings standa enn aðrir steinar eins
og drangar upp í loftið og upphaflega
mynduðu þeir skeifu. Á norðaustur-
hlið ytri garðsins er inngangurinn í
Stonehenge og þar er steinn sem
kallaður er Hælsteinninn.
Flestir eru sammála um að Ston-
henge hafi verið notað til trúariðk-
ana en ekki er vitað hvaða guði hin-
ir fornu byggingarmeistarar og af-
komendur þeirra tilbáðu né' hvers
eðhs þær voru, trúarathafnirnar sem
þar fóru fram. Sumir halda því fram
aö staðurinn hafi verið hof sóldýrk-
enda og enn aðrir telja að þar hafi
menn skráð ris og hnig sólar og mána
og spáð fyrir um tunglmyrkva.
Grettistök
Hvað svo sem líður tilgangi Stone-
henge er ekki laust við að ferðamaö-
urinn finni til dálítiö óttablandinnar
virðingar fyrir steinsmiðunum, sér-
staklega þegar þess er gætt að hvergi
er stóran stein að sjá í öhu landslag-
inú nema þar. Jarðfræðingar hafa
komist að því að mikið af steinunum
var flutt frá Wales að byggingarstað,
rúmlega tvö hundruð kílómetra leiö.
Aðrir steinar voru fluttir um 20-30
kílómetra leið. Þegar haft er í huga
að Stonehenge var byggt á tímabilinu
2800-1100 fyrir Krist og að þyngstu
steinarnir vega um 50 tonn má öllum
ljóst vera hvíhkt þrekvirki þetta hef-
ur verið.
Hér hefur aöeins verið fjallað um
tvo staði í sveitunum vestur af Lon-
don. Þeir eru þó miklu fleiri sem
vert er aö skoða, bæði náttúrufyrir-
bæri og lítil, faUeg þorp. Þeir sem
hyggja á Lundúnaferð á næstunni
ættu að taka frá 3-4 daga og huga
að enskri sveitasælu. Af sUkri ferð
verður enginn svikinn.
-gb