Dagblaðið Vísir - DV - 27.10.1988, Blaðsíða 18

18
FIMMTUDAGUR 27. OKTÓBER 1988.
Sviðsljós
Ólyginn
sagði...
Florence -
Grifflth
Joyner
stjarnan frá ólympíuleikunum í
Seoul, sem ekki tók hormónalyf,
mun væntanlega á næstunni fá
hlutverk í þáttum Bill Cosbys um
fyrirmyndarfóðurinn. Bill vill al-
veg ólmur fá hana og er tilbúinn
að borga nær tvo og hálfan millj-
arð króna fyrir aö fá hana í þætt-
ina sína. Það er greinilegt að það
getur borgað sig að vera áhuga-
manneskja í íþróttum þegar upp
er staðið.
Elizabeth
Taylor
veldur nú mörgum vinum sínum
miklum áhyggjum. Hún þjáist
orðið af þunglyndi vegna bak-
verkja og annars ófagnaðar og er
farin að halla sér æ meira að pill-
um og flöskunni. Þeir sem til
þekkja hafa miklar áhyggjur af
því að hún muni fyrirfara sér
fyrr eða síðar. Þaö sem gerði út-
slagið er að sögn það að henni
finnst hún vera orðin gömul og
ljót og ekki víst að hún hafi nokk-
urn áhuga á lífinu þegar fegurðin
er farin að fölna.
Shari
Belafonte
Harper
dóttir Harry, er sem kunnugt er
skilinn við manninn sinn Robert.
Nú er hún aftur orðin brosmild
vegna þess að hún er búin að finn
þann eina rétta. Sá heitir Sam
Behrens og leikur í einni spítal-
asápunni vestra. Vinir hennar
segja að hún hreinlega geish af
hamingju og hlakki mikið til að
geta breytt nafninu sínu í Be-
hrens.
Síðastliðinn sunnudag var opið
hús í Smjörlíki/Sól hf. Gestum var
kynnt starfsemi fyrirtækjanna sem
er mjög margvísleg.
Það var blíðskaparveður á sunnu-
daginn og hefur það sennilega haft
góð áhrif á aösóknina en forráða-
menn fyrirtækisins telja að á milli
tvö þúsund og fimm hundruð og þrjú
þúsund manns hafi komið aö skoða
og smakka á framleiðslunni.
Fólk gekk um húsakynni fyrirtæk-
isins og fékk að sjá framleiðsluvél-
arnar í fullum gangi. Einnig var fólki
gefið að smakka á afurðum fyrirtæk-
isins en á því sviði er af nógu að taka.
Ferðin í gegn tók hálftíma og það sem
mesta lukku vakti var vélmennið
Golíat sem sér algerlega um að raða
inn og út af lager, án þess að manns-
höndin komi þar nálægt.
Gestir voru síðan leystir út með
gosi frá fyrirtækinu og var ekki að
sjá að nokkur maður færi óánægöur
út.
Gestum á opnu húsi gafst meðal annars kostur á að smakka nýjar tegundir
af grautum sem ekki eru enn komnir á markaðinn.
Það var vélmennið Golíat sem vakti mesta athygli. Eins og sjá má þá fylgd-
ist fóik vel-með hverri hreyfingu hans.
Gosverksmiðjan vakti mikla tukku hjá yngri kynslóðinni.
Fólk var leyst út með gosdrykkjum frá fyrirtækinu.
Davið Sch. Thorsteinsson, forstjóri fyrirtækisins, er hér ásamt ungum sjálf-
boðaliða sem aðstoðaði hann við að taka á móti gestum á opnu húsi.
Kanntu brauð
að baka?
Róbert Jörgensen, DV, Stykkishólmi:
Nýlega var haldið í hinu nýja og
glæsilega Brauðgerðarhúsi Stykkis-
hólms aldeilis frábært brauðgerð-
amámskeið fyrir bakara á Vestur-
landi. Þátttakendur voru sjö talsins
en vegna veðurs komust ekki fleiri.
Að sögn Guðmundar Teitssonar,
eiganda Brauðgerðarhúss Stykkis-
hólms, var námskeiðið haldið að til-
stuðlan Bakaramiðstöðvarinnar í
Reykjavík og var fenginn bakari frá
fyrirtækinu Frederik Kristiansen.
Þessi hressi bakari heitir Heinz G.
Matthes. Hann kenndi námsfúsum
bökurum aö baka hin gimilegustu
brauð og ekki bar á öðm en að við-
skiptavinir í bænum kynnu vel að
meta nýjungarnar.
Eigandi Brauðgerðarhúss Stykkishólms, Guðmundur Teitsson, ásamt bak-
ara sínum, Ásgeiri Þór Tómassyni, i hinu glæsilega bakaríi í Stykkishólmi.
DV-mynd Róbert