Dagblaðið Vísir - DV - 04.07.1989, Page 3

ÞRIÐJUDAGUR 4. JÚLÍ 1989.
Fréttir
Sigurður Árnason.
Úr landhelg-
isgæslu í lax-
veiðieftirlit
Jóhannes Sigmjánsson, DV, Húsavík:
Sigurður Ámason, fyrrverandi
skipherra á Tý, sem starfað hefur í
Landhelgisgæslunni allt frá árinu
1947 þar til hann lét af störfum fyrir
aldurs sakir í maí sl., er nú kominn
norður í Þingeyjarsýslur og mun þar
halda áfram gæslustörfum, þó ann-
ars eðlis séu en þau er hann hefur
áður haft á hendi.
Sigurður hefur verið ráðinn til þess
að vera eftirlitsmaður með laxveið-
um í sjó í Öxarfirði og Skjálfanda og
mun fýlgjast með netalögnum þar til
15. ágúst. Þaö eru veiðifélög Laxár
og Isno í Kelduhverfi sem sameinuð-
ust um ráðningu Sigurðar til þessara
starfa. Grunur leikur á að töluvert
af laxi fari í net sjómanna á þessu
svæöi og að sögn Sigurðar vilja þess-
ir aðilar ganga úr skugga um hver
staðan er raunverulega í þessum efn-
um.
Sigurður mun hafa aðsetur hjá
ísno við Lónin í Kelduhverfi og verð-
ur á ferðinni „á bílum, bátum og
hestum ef svo ber undir“, eins og
hann orðaði það. Hann kvaðst vinna
þetta starf í nánu samstarfi við sýslu-
mann og lögreglu á svæðinu, en þess-
ir aðilar hafa sinnt slíku eftirliti eins
og kostur hefur verið, en fjárskortur
og skortur á mannafla oftar en ekki
hamlað.
Sigurður kvaðst ekki vita til þess
að áöur hefði starfað hér á landi sér-
stakur eftirlitsmaður með netalögn-
um í sjó til að koma í veg fyrir ólög-
lega laxveiði. Hann sagðist ekki
kvíða samskiptum við sjómenn því
kynni sín af íslenskum sjómönnum
hefðu kennt sér að þeir væru upp til
hópa löghlýðnir menn og þau brot,
sem hann hefði þurft að færa til dóm-
ara í störfum sínum hjá gæslunni,
hefði yfirleitt mátt rekja til mistaka
ffemur en ásetnings.
Atvinnusýmngin:
Gestir á sjötta
þúsundið
- auk bama innan 12 ára
Sigiún Björgvinsdóttir, DV, Egilsstödum:
Atvinnusýningunni á Egilsstöðum
lauk á sunnudagskvöld með glimr-
andi uppboði á vörum úr sýningar-
básunum. Lokadaginn voru fjölmörg
skemmtiatriði. Danshópurinn Fiðr-
ildin sýndi þjóðdansa, hestaleiga og
skáta-tívoh voru á staðnum og selur
og hreindýr komu í heimsókn.
Alls seldust nær fimm þúsund mið-
ar á sýninguna en með boðsgestum
og bömum innan 12 ára aldurs mætti
Mklega tvöfalda þessa tölu. Gestir
gátu tekið þátt í alls konar getraun-
um og þrautum á meðan á sýning-
unni stóð og vísnasamkeppni var í
gangi. Má hiklaust segja aö sýningin
hafi verið mjög vel heppnuð. Fram-
kvæmdastjóri hennar var Anna Ing-
ólfsdóttir á Egilsstöðum.
Til þess að kynnast landi og þjóð er nauðsynlegt að leita út fyrir borgirnar.
Á bílaleigubíl, með lestum eða rútum, siglandi eftir skurðum og síkjum
eða jafnvel gangandi.
Norður-England og þjóðgarðarnir Lake District, North York Moors,
Yorkshire Dales og Peak District búa yfir heillandi ósnortinni
náttúmfegurð ásamt fjölskrúðugu jurta- og dýraríki sem löngum hafa heillað
göngugarpa og náttúruunnendur.
Cornwall. Að aka milli litlu fiskiþorpanna á Cornwallskaganum er eins
og að skjótast aftur í aldir. Myndræn fegurð t.d. Cloveliy, Lynton og
Lynmouth er ógleymanleg og Jamaica-kráin á Bodmin Moor er jafn
dulúðug og í samnefndri sögu Daphne de Maurier.
Suður-England hefur sannarlega margt að bjóða þeim sem njóta vilja
sólar og skemmtunar. Einkar milt loftslag, ljós strandlengja, pálmatré og
annar suðrænn gróður hafa gert suðurströndina að einum vinsælasta
sumarbaðstað í norðanverðri Evrópu.
Wales. Óvíða er að frnna jafnmarga sögufræga kastala og kastalarústir og
í Wales. I grasi grónum hlíðunum, innan um sauðfé á beit eða sitjandi við
\ lítið vatn með stöng, gætirðu haldið að þú værir eina manneskjan í
\ heiminum.
Skotland. Skosku hálöndin hafa árum saman dregið að ferðamenn, með
hinu dularfulla Loch Ness, undurfagra Loch Lomond og hinu sérstæða
Great Glen, ekki síður en hinir heimsþekktu skosku golfvellir.
Leitaðu ekki langt yfir skammt. Fáðu nánari upplýsingar hjá
söluskrifstofum Flugleiða, Lækjargötu 2, Hótel Esju og Kringlunni,
eða hjá ferðaskrifstofum og umboðsmönnum um land allt.
FLUGLEIÐIR
BRESKA FERÐAMÁLARÁÐIÐ