Dagblaðið Vísir - DV - 15.02.1990, Blaðsíða 9

Modrow óánægður
- Pólverjar vilja hlutdeild 1 sameiningarviðræðum
Embættismenn í þýsku ríkjun-
um eru ekki á eitt sáttir varöandi
viðræöur um sameiningu gjald-
miðla og hagkerfis þjóðanna og
hversu hratt slík sameining skuli
ganga fyrir sig. Tveggja daga heim-
sókn Hans Modrow, forsætisráð-
herra A-Þýskalands, til Vestur-
Þýskalands lauk í gær og það eina
sem vannst með viðræðum emb-
ættismanna þjóðanna beggja var
samkomulag um að sett yrði á lag-
girnar nefnd til að kanna samein-
ingarhugmyndir. Sú nefnd tekur til
starfa í næstu viku.
Modrow með tóma vasa
Modrow, sem er kommúnisti,
leyndi þvi ekki að hann varð fyrir
vonbrigðum þegar Kohl, kanslari
V-Þýskalands, vildi ekki losa um
niu milljarða dollara „samstöðu-
hjálp“ til að rétta við austur-þýska
efnahaginn. Austur-þýski forsætis-
ráðherrann hefur sóst eftir slíkri
aðstoð frá Vestur-Þjóðverjum til að
halda efnahagslífmu á floti á með-
an sameiningarviðræður fara
fram. Sameining efnahags ríkjanna
yrði fyrsta skrefið í átt að sameigin-
legu Þýskalandi.
Efnahagsráðherra Austur-
Þýskalands, Christa Luft, kvaðst
óánægð meö ferðina til Vestur-
Þýskalands. Hún sakaði vestur-
þýska ráðamenn um að koma til
viðræðnanna óundirbúnir og að
þeir hefðu ekki enn lagt fram gagn-
gerar tillögur að efnahagslegri
sameiningu. Fulltrúar í austur-
þýsku sendinefndinni, sem hefur
átt í viðræðum viö vestur-þýska
embættismenn, kvörtuðu yfir því
aö embættismennirnir hafi sýnt
þeim lítisvirðingu og í Austur-
Þýskalandi voru dagblöð og stjórn-
málamenn hvassyrtir í garð vest-
ur-þýskra stjórnvalda. Það er ljóst
hvemig sameiningu ríkjanna verð-
ur háttað, sögðu talsmenn Græn-
ingja, Austur-Þýskaland verður
„innlimað" í Vestur-Þýskaland.
Sjö-þjóða nefnd?
Pólverjar vilja aðild að samn-
ingaviðræðum um sameiningu
Þýskalands að því er Mazowiecki,
Hans Modrow, forsætisráðherra Austur-Þýskalands, ásamt Willy Brandt,
fyrrum kanslara Vestur-Þýskalands. Símamynd Reuter
pólski forsætisráðherrann, skýrði
frá í gær. Mazowiecki, sem nú er í
Bretlandi, sagði að til aö tryggja
öryggi Póllands þyrftu fulltrúar
þess að vera með í samningaviö-
ræðum um sameiningu Þýska-
lands. Ekki er ljóst hvort Pólverjar
eru með þessu að krefjast þess að
vera aðili að sex-þjóða nefndinni
sem utanríkisráðherrar austurs og
vesturs komu sér saman um að
setja á laggirnar til að hafa yfirum-
sjón með sameiningu þýsku ríkj-
anna. í þeirri nefnd eiga sæti fjór-
veldin og þýsku ríkin tvö. Forsætis-
ráðherrann sagði að aukaaðild að
umræðunum myndi ekki nægja
Pólverjum.
Vestur-Þjóðverjar eru ekki hrifn-
ir af þeirri hugmynd að Pólland
taki þátt í sameiningarviðræðum
að því er heimildarmenn í Bonn
segja og hafa embættismenn í Vest-
ur-Þýskalandi allt aö vísað öllum
slíkum vangaveltum á bug. Þeir
segja að þýsku ríkin muni ekki
leggja fram kröfu til pólsks land-
svæðis en innan landamæra Pól-
lands er fyrrum þýskt yfirráða-
svæði.
Hlutlaust eður ei?
Sovéski utanríkisráðherrann,
Eduard Sévardnadze, sagði í gær
að Sovétmenn vildu einna helst að
sameinað Þýskaland yrði hlutlaus
þjóð en kvaðst jafnvel geta séð fyr-
ir sér að bæöi hernaðarbandalögin,
Atlantshafsbandalagiö og Varsjár-
bandalagið, heföu einhverju hlut-
verki að gegna þegar þýsku ríkin
verða eitt.
Hvort Þýskaland verður aðili að
Nato eður ei, þegar sameiningu er
lokið, hefur reynst helsta hindrun
í vegi sameiningar. Sovétmenn
hafa verið mjög andvígir því að
sameinað Þýskaland verði aðili að
Nato á þeim forsendum að slíkt
myndi ógna öryggi þeirra.
Reuter, Ritzau
Barnasnjógallar m/Iausrí hettu,
stærð 8-16. Verð áður kr. 8.990,
nú kr. 5.990.
Stakar úlpur m/hettu,
stærð 115-160. Áður kr. 7.200,
Sendum í póstkröfu. nú kf. 4.990.
»humfiiél
SPORTBÚÐIN
ÁRMÚLA 40, REYKJAVÍK, SÍMI 83555 - 83655
EIÐISTORGI 11, 2. HÆÐ, SELTJ. SÍMI 611055
FÍMMTÚDÁGUR 15. FEBRÚAR 1990.
Útlönd
Sameining þýsku ríkjanna:
Pess vegna eigum við landsins mesta úrval af fataskápum,
sem eru ódýrir, fallegir og auðveldir í uppsetningu.