Dagblaðið Vísir - DV - 15.02.1990, Blaðsíða 13

FIMMTUDAGUR 15. í'EBRÚAR 1990.
13
Lesendur
Lífsbók Laufeyjar:
Lítum í eigin barm
Jóhanna Guðmundsdóttir skrifar:
Ég fékk merka bók í jólagjöf um
sl. jól. Þetta er Lífsbók Laufeyjar.
Miöað viö alla þá lífsreynslu og
hreinskilni sem þessi kona hefur
yfir aö ráða finnst mér sjálfsagt að
hún fái viðurkenningu fyrir allt
það starf sem hún hefur af hendi
innt ásamt hennar ástkæra eigin-
manni og allan þann stuðning sem
hún hefur veitt unglingum sem eru
oft komnir í þrot og vita ekki sitt
rjúkandi ráð.
Oft drekka unglingar meira en
góðu hófi gegnir. - En hvar læra
þeir þetta ef ekki hjá okkur sem
eigum að heita fullorðin og hafa vit
fyrir afkvæmum okkar? Okkur
veitir ekki af að líta í eigin barm
áður en við förum að dæma alla
þessa unglinga upp til hópa.
Við sáum og margir því miður
allt of fljótt - enda verður uppsker-
an eftir því - enginn tími fyrir ein-
staklinginn sem fæðist og honum
er því hent á milli dagheimila og
leikskóla. Síðan tekur við tímabil
þegar fullorðna fólkið fer út að
skemmta sér og þá tekur við enn
ein barnapían.
Maður heyrir mikið talað um
tímaleysi alls staðar en mín skoðun
er sú að fólk á ekki að eignast börn
fyrr en það er tilbúið að hafa það
hjá sér öllum stundum, sjá það
þroskast og dafna og veita því alla
þá hlýju sem það býr yfir. Við full-
orðna fólkið þurfum að standa okk-
ur miklu betur en raun ber vitni.
En það er ekki eingöngu við for-
eldrana að sakast þótt þau eigi stór-
an hluta af þessu öllu. Hér er einn-
ig við ráðamenn þjóðfélagsins að
sakast, þeir sjá ekki sóma sinn í
því að mæta þörfinni, t.d. með því
að láta byggja sómasamlegar félag-
smiðstöðvar fyrir alla þá starfsemi
sem unglingar þurfa á að halda,
einnig til skemmtunar. Ég tala nú
ekki um athvarf fyrir þessi svoköll-
uð utangarðsbörn, sem eiga um
sárt að binda vegna vandamála á
heimilum þeirra, þau sem þurfa
jafnvel að flýja undan ofbeldi, and-
legu og líkamlegu. Að ekki sé
minnst á sifjaspell sem er eitt al-
varlegasta afbrotið gagnvart börn-
um.
Við skulum ekki láta eins og okk-
ur komi þetta allt ekki við. Það
skarar hver eld að sinni köku, bítur
í, og annað hvort er hún súr eða
sæt. Sjálf er ég þriggja barna móðir
og tek af heilum hug undir það sem
fram kemur í Lífsbók Laufeyjar
sem tekin er saman af Ragnheiði
Davíðsdóttur. Ráðamenn þjóðar-
innar ættu að gefa þessum málum
meiri gaum. Alhr hafa einhvern
tíma verið börn og líti hver í eigin
barm.
>.f
Orkuútflutningur eða ekki orkuútflutningur. - „Það eru sértrúarhóparnir sem ráða en ekki ráðherra.“ - Frá Sigöldu.
Orkunýting á íslandi
Magnús Halldórsson hringdi:
„Ekki langsóttar hugmyndir," segir
iðnaðarráðherra um orkuútflutning
um sæstreng til Bretlands. Ráðherr-
ann segir líka að hann hafi fundið
mikinn áhuga innan Evrópubanda-
lagsins. Ekki skal það rengt. Það er
alltaf áhugi hjá tæknivæddum þjóð-
um á nýmælum sem geta sparað fé
og framkvæmdir. En það gildir bara
ekki um okkar þjóð. Hér eru alltaf
einhverjir sem eru á móti nýjum
hugmyndum og síðan koma stjórn-
mál fjögurra stjórnmálaflokka inn í
myndina og að lokum lognast málin
út af.
Við höfum verið að ræða við út-
lendinga um stóriðju og álver. Allir
eru tilbúnir að leggja eitthvað til
málanna og karpa um hvar eigi að
staðsetja verksmiðjur. Þegar máhð
er svo komið á lokastig og allt í ein-
daga þá rísa upp einhverjir stjórn-
málamenn eða áhangendur þeirra
(t.d. bændur, náttúruverndarsinnar
eða aðrir) og segja „hingað og ekki
lengra". „Útlendingar eiga ekki að fá
að ráða neinu hér, það erum viö sem
erum að gera þeim greiða.“ - Og þar
við situr.
Þetta á að sjálfsögðu einnig við um
hugmyndirnar um orkuútflutning
með sæstreng. Það ber því allt að
sama brunni um orkunýtingu hér á
landi. Það eru sértrúarhóparnir sem
ráða ferðinni í orkumálum, en ekki
ráðherrar eða stjórnvöld í landinu.
Þau hræðast sértrúarhópana og
öfgamennina. Það er því sama hvort
tæknin er tiltæk eða ekki, hér verður
ekki stigið framfaraspor í náinni
framtíð í þessum efnum. Það þarf
sterka persónuleika sem þora að taka
ákvarðanir í blóra við vilja minni-
hlutahópanna. Ráðherrar núverandi
ríkisstjórnar hafa.ekki þá persónu
til að bera.
Villandi umfjöllun DV
um niðurgreiðslur
Jens P. Kristinsson skrifar:
„Fréttaflutningur" DV um niður-
greiðslur á landbúnaðarvörum í
blaðinu 7. febr. sl. var fáránlegur að
mínu mati. - Fréttamaður heldur því
fram að með því að greiða neytend-
um beint niðurgreiðslurnar mætti
bjóða þjóðinni allri í hádegismat á
hverjum degi. Þetta er meira að segja
á forsíðu.
Þegar svo greinin er lesin kemur í
ljós að þessi hádegismatur mætti
aðeins kosta 85 kr.! Ég er einn af
þeim sem lifa á sjoppufæði í hádeg-
inu. Sá skammtur, sem ég kaupi
mér, kostar 345 krónur. - Innihaldið
(blaðamanni til fróðleiks) er: lang-
loka með túnfiski, kókómjólk og
hvaö haldið þið; eitt eintak af DV! -
en blaðið kostar 95 kr.
Grein DV umræddan dag um nið-
urgreiðslur ber þess merki að höf-
undur viti lítið sem ekkert um þessi
mál. - DV þarf að fara að athuga sinn
gang í þessum efnum, ef það á áfram
að teljast ábyrgt blað, því ekki dugir
Tíminn einn.
Vegna skrifa Jens P. Kristinssonar
vill blaðamaður DV taka fram eftir-
farandi:
„í frétt DV var það haft eftir Hilm-
ari B. Jónssyni, einum virtasta mat-
reiðslumanni landsins, að auðvelt
væri að matbúa máltíð fyrir fulltíða
einstakling fyrir 50 til 100 krónur.
Slíkar máltíðir gætu sinnt orku- og
næringarefnaþörf manna og væru
engu minni veislumatur en túnfisks-
amlokan, kókómjólkin og DV sem
Jens fær sér í hádeginu. Eflaust nær
DV að uppfylla allar andlegar þarfir
Jens fyrir 95 krónur og samkvæmt
mati Hilmars B. Jónssonar getur
hann uppfyllt magaþarfir sínar fyrir
færri krónur að meðaltah. En þá
verður hann að hætta að stunda
sjoppuna í hádeginu og matbúa sér
þess í stað heilnæma pasta-, bauna-
eða hrísgrjónarétti."
Gunnar Smári Egilsson
SENDLAR ÓSKAST
hálfan daginn strax. Hafið samband við af-
greiðslu DV í síma 27022.
MENNTAMÁLARÁÐUNEYTIÐ
Kennarastaða í íslenskum
fræðum við Lundúnaháskóla
Með samningi milli íslenskra stjórnvalda og Lundúnaháskóla
(University College London) hefur verið stofnuð kennarastaða i
islenskum fræöum við norrænudeild Lundúnaháskóla. Staðan er
kennd við Halldór Laxness rithöfund og nefnist á ensku „The
Halldór Laxness lectureship in lcelandic language and litera-
ture". Ráðið verður I stöðuna til þriggja ára í senn að öðru jöfnu,
í fyrsta skipti frá 1. september 1990.
Staðan hefur nú verið auglýst laus til umsóknar. Umsóknir skulu
sendar til: Professor M.P. Barnes, Department of Scandinavian
Studies, UCL, Gower Street, London WC1 E 6BT (sími: 01-387
7050), fyrir 1. mars nk.
Menntamálaráðuneytið,
13. febrúar 1990
STYRKUR ÚR JÓLAGJAFASJÓDI
GUÐMUNDAR ANDRÉSSONAR GULLSMIÐS
Ákveðið hefur verið að auglýsa til umsóknar styrk
úr ofangreindum sjóði. Samkvæmt skipulagsskrá
sjóðsins er tilgangur hans að veita styrki til þeirra
verkefna sem stofnað er til í því augnamiði að bæta
umönnun barna og aldraðra sem langtímum dvelja
á stofnunum hér á landi, svo sem;
a. styrkja samtök eða stofnanir sem annast aðhlynn-
ingu barna og aldraðra.
b. veita námsstyrki til heilbrigðisstétta er gegna þessu
hlutverki.
c. veita rannsóknastyrki til viðfangsefna sem þjóna
þessum tilgangi.
Ráðstöfunarfé sjóðsins í ár er allt að kr. 800.000,00.
Umsóknum, ásamt ítarlegri greinargerð, skal skilað
til Skrifstofu landlæknis, Laugavegi 116, 150 Reykja-
vík, fyrir 25. mars næstkomandi.
Úthlutunarnefndin
SNJÓHJÓLBARÐAR í SÉRFLOKKI
NORÐ
DEKK
•smmnmmm
Réttarháls 2 S.8A008 «5 84009 Skipholt 35 s. 31055