Dagblaðið Vísir - DV - 19.11.1990, Blaðsíða 4

Fréttir
MÁNUDAGUR 19. NÓVEMBER 1990.
I :: 1/' ". ■ rj
Ágreiningur um framboöslista í Reykjavík ræddur á flokksþingi framsóknarmanna:
Sprengiframboð yrði
mikill óvinaf agnaður
- segir Páll Pétursson um hugsanlegt sérframboö Guðmundar G. Þórarinssonar
Ágreiningur um framboðslista Framsóknarflokksins í Reykjavík barst inn á
flokksþing framsóknarmanna um helgina. Samkvæmt skoðanakönnun er
Finnur Ingólfsson, t.h., í fyrsta sæti en Guðmundur G. Þórarinsson í öðru.
Þeirri niðurstöðu unir Guðmundur ekki. DV-mynd Brynjar Gauti
„Þaö er mjög hörmulegt aö þessi
ágreiningur kom hér upp. Finnur og
Guðmundur eru báðir mætir menn
og kepptu um forystu í Reykjavík.
Fulltrúaráöið skar úr með eðlilegum
hætti og annar þeirra vann. Það er
ekki annað að gera en fylgja þeirri
niðurstöðu. Guðmundur á að taka
annað sætið á listanum og snúa sér
að kosningabaráttu í stað þess að
fljúgast á við Finn Ingólfsson innan
flokksins. Hann hefur verið allt of
stórorður í þessu máli. Þó Guðmund-
ur sé gamall vinur minn og sam-
starfsmaður ber ég hið mesta traust
til Finns Ingólfssonar. Framsóknaí-
menn í Reykjavík eru alls ekki á
flæðiskeri staddir með Finn í stafni,“
sagði Páll Pétursson við DV vegna
þeirrar umræðu sem varð á flokks-
þinginu um skipan listans í Reykja-
vík og deilur í framhaldi þess.
- Hvað finnst þér um hugmyndir um
sérframboð Guðmundar?
„Sprengiframboö yrði mikill
óvinafagnaður, hvort sem það yrði
kallað BB eða eitthvað annað. Það
er mikill misskilningur að atkvæði
sem greidd væru BB-lista gætu nýst
B-lista. Þetta yrði mómtælaaðgerð
sem skilaði ekki hagnýtum árangri
þar sem atkvæðin féllu dauð niður.
Nýting atkvæða Framsóknarflokks-
ins er betri en annarra flokka, það
er að færri kjósendur eru á bak viö
hvern þingmann flokksins en ann-
arra flokka. Því eigum við ekki til-
kall til neinna jöfnunarþingsæta.
Deilur fæla alltaf atkvæði frá stjórn-
málaflokkum, sagði Páll.
Það var Jónás Hallgrímsson frá
Seyðisfirði sem opnaði umræðuna
um framboðslistann í Reykjavík.
Lýsti hann yfir óánægju með þær
deilur sem spruttu í kjölfar skoðana-
könnunar fulltrúaráðs Framsóknar-
floksins i Reykjavík. Hefur Guð-
mundur G. Þórarinsson ekki farið
leynt með óánægju sína þar sem
hann lenti í öðru sæti þeirrar könn-
unar, á eftir Finni Ingólfssyni. Krafð-
ist Jónas þess að framsóknarmenn í
Reykjavík „færu að haga sér eins og
menn.“
Áskorun frá Steingrími
Steingrímur Hermannsson sagði
að listinn ætti að vera í samræmi við
niðurstöður skoðanakönnunarinnar
og skoraði á Guðmund. G. Þórarins-
son að taka annað sæti listans og
„vinna það sæti“. Finnur Ingólfsson
sagði DV að hann tæki eindregið
undir þessa áskorun formannsins.
Guðmundur G. Þóarinsson vitnaði
til samkomulags sem hann sagði að
þeir Finnur hefðu gert sín á milli um
listann í Reykjavík. Sagði hann að
það samkomulag hefði verið svikið
og því þröngt um hann á listanum
þar sem orð stæðu ekki. Ef fulltrúa-
ráð flokksins ógilti ekki skoðana-
könnunina um framboðslistann
mundi hann íhuga vandlega hvað
hann gerði í framhaldinu. Kosning
Guðmundar í annað sæti er ekki
bindandi. Finnur sagðist ekki kann-
ast samkomulag það sem Guðmund-
ur vitnaði til.
„Ég harma það mjög að þessi um-
ræða skyldi vera flutt inn á flokks-
þingið. Það var alveg ástæðulaust.
Þetta er mál okkar Reykvíkinga sem
við eigum að leysa. Ég trúi að við
munum geta það. Það hefur áður
komið upp ágreiningur um fram-
boðslista í flokknum og það utan
Reykjavíkur,“ sagði Finnur Ingólfs-
son. -hlh
Aðild að EB kemur ekki til greina segir flokksþing Framsoknarflokksins:
Skattur af nýju álveri til Byggðastof nunar
„EB- og EFTA-málin standa upp
úr á þesu þingi þar sem flokkurinn
markar mjög skýra afstöðu. Það er
reyndar áréttun á þeirri stefnu sem
við höfum fylgt undanfarið að aðild
íslendinga að EB komi ekki til
greina," sagði Páll Pétursson, for-
maður þingflokks Framsóknar-
flokksins, við DV á flokksþingi
Framsóknar.
Á flokksþinginu var samþykkt
ályktun þar sem segir að brýnt sé
að láta reyna á til þrautar hvort niö-
urstaða fæst í viðræðum EFTA og
EB um evrópskt efnahagssvæði.
Takist það ekki beri að hefja án tafar
viðræður við EB um tvíhliða samn-
ing. Segir að aðildarríki EB fái ekki
vikist undan Rómarsáttmálanum um
rétt allra þegna EB til sameiginlegrar
nýtingar á auðlindum. Sem aðildar-
þjóð að EB yrðu íslendingar að veita
öðrum aðgang að fiskimiðum okkar
og orkulindum. Slíkt sé ekki hægt
að samþykkja og komi aðild að EB
því ekki til greina.
Stóriðjuskattar til Byggða-
stofnunar
í ályktun um byggðamál er lögð
áhersla á stöðvun fólksflótta frá
landsbyggðinni. Segir meöal annars
að stórefla beri Byggðastofnun til að
hún fái sinnt betur þróunar- og upp-
byggingarstarfi. Segir orðrétt:
„Skattar af stóriðju renni til þessarar
starfsemi."
„Þetta verður baráttumál hjá okk-
ur og við munum taka það upp í þing-
inu. Það hefur ekki verið ákveðið
hvernig þessari skattheimtu verður
nákvæmlega háttað en hugmyndin
um að nýta skatta frá nýju álveri í
byggðamál hefur komið upp innan
ríkisstjórnarinnar,“ sagði Páll.
Almannatryggingar
endurskoðaðar
Þá var lögð fram ályktun þar sem
lögða er áhersla á að endurskoðun á
skipulagi almannatrygginga fari
fram hið fyrsta. Þar segir að al-
mannatryggingar verði að tryggja
lágmarksafkomu þegnanna en eigi
ekki að vera uppbót á góðar tekjur.
Er meðal annars lögð áhersla á að
lífeyrisréttur allra landsmanna verði
samræmdur, að lífeyris- og trygg-
ingakerfið verði gert einfaldara og
réttlátara, að lífeyrir lífeyrissjóð-
anna skerði ekki lífeyri almanna-
trygginga og loks að tryggingabæt-
ur veröi aldrei lægri en lágmarks-
laun.
Loks ályktaði flokksþingið að rétt
væri að húsnæöiskerfið frá 1986 yrði
látið gilda fyrir þá sem eru að eign-
ast sína fyrstu íbúð en húsbréfakerf-
ið fyrir þá sem eiga íbúð til aö selja,
svo og til viðbygginga og endurbóta
á húsnæði. Þessi ályktun gengur
þvert á yfirlýsingar flokksformanns-
ins um lokun kerfisins frá 1986.
-hlh
í dag mælir Dagfari___________
Framsóknarrannsókn
Fulltrúaráði Framsóknarflokksins
hefur borist kærubréf frá Guð-
mundi G. Þórarinssyni varðandi
meint svik og skítatrikk í nýlegri
skoðanakönnun ráðsins um fram-
boðsmál. Guömundur féll niður í
annaö sæti í þessari könnun og
hefur allt frá þeirri stundu sakað
flokksbræður sína í kjördæminu
um margvísleg brögö í tafli og er
það allt tíundað í bréfmu til stjórn-
ar fulltrúaráðsins.
Guömundur segir í bréfinu að
það hafi alls ekki verið framsókn-
armenn sem kusu í skoðanakönn-
uninni. Hann segir að fólki sem
hafi haft það eitt til brunns að bera
aö vera í vinskap við Finn Ingólfs-
son hafi veriö smalað gegndarlaust
inn í fulltrúaráðið. Guðmundur
heldur þvi og fram að aörir hafi
kosið en þeir sem voru á kjörskrá
og kjósendur hafi villt á sér heim-
ildir. Þirigmaðurinn líkir flokks-
mönnum við bófagengi frá
Chicago. Alvarlegasta ásökunin er
þó sú að Finnur hafi brotið „gentle-
mans agreement" við sig um röðun
listans. Þeir tveir hafi veriö búnir
að ganga frá því sín í milli að Guð-
mundur hlyti efsta sætið og Finnur
annað. Þessi varð ekki raunin í
kosningunni eins og frægt er orðið.
Guðmundur dregur þessar ásakan-
ir allar saman og kallar þær skítat-
rikk.
Á fundi fulltrúaráðsstjórnar fyrir
helgi var afgreiðslu bréfsins fre-
stað. Framsóknarmenn í Reykjavík
máttu ekki vera aö því að mæta á
fund til að kanna hvort þeir væru
samsekir um svikin. Þeir virðast
ekki hafa teljanlegar áhyggjur af
fullyrðingum þingmannsins og
bera fyrir sig annir. Á meðan
standa ásakanir Guömundar
óhraktar og meðan Guðmundur
G. Þórarinsson situr á Alþingi fyrir
þetta fólk hlýtur það að vera rök-
rétt ályktun að fyrsti þingmaöur
bófaflokksins frá Chicago hafi rétt
fyrir sér.
Það er auðvitað fróðlegt fyrir
hinn almenna kjósenda að fá þann-
ig að skyggnast inn á bak tjöldin í
stjórnmálaflokkunum og heyra
hvaða álit þingmennirnir hafa á
kjósendum sínum og hvaða álit
kjósendur hafa á þingmönnum sín-
um. Meðan alþingismaður Fram-
sóknarflokksins í Reykjavík líkir
kjósendum sínum við bófa samein-
ast kjósendurnir um að fella þing-
manninn. Þetta er félegur andskoti.
Það sem vekur þó mesta athygli
í öllu þessu máli er samkomulagið
sem Guðmundur G. vitnar í milli
sín og Finns Ingólfssonar. Guö-
mundur segir að þeir hafl verið
búnir að takast í hendur um það
að Guömundur yröi í fyrsta sæti
og Finnur í ööru sæti. Enda þótt
reykvískir framsóknarmenn séu
bófar upp til hópa verður ekki
framhjá þeirri staðreynd gengið að
skoðanakönnunin náði til fimm,
sex hundruð manns sem greiddu
leynilega atkvæði. Fólkið átti sem
sagt að krossa við þann sem það
vildi í fyrsta sæti og krossa við
þann sem það vildi í annað sæti og
svo koll af kolli. Þannig fara kosn-
ingar venjulega fram.
En í Framsóknarflokknum gilda
aðrar reglur. Þar koma frambjóð-
endur sér saman um það fyrirfram
hvernig úrshtin eiga að verða og
atkvæðagreiðsla flokksmanna á að
fara samkvæmt því. Guðmundur
er einmitt með böggum hildar
vegna þess að úrslitin urðu öðru-
vísi en hann hafði ákveðið og gert
samkomulag um. Það voru sem
sagt ekki kjósendurnir sém réðu
niðurstöðunni heldur Finnur Ing-
ólfsson sem sveik samkomulagið.
Fyrir utan skammirnar og
vammirnar í garð flokksmanna og
væntanlegs þingmannsefnis
flokksins, er Guðmundur G. Þórar-
insson sárastur yflr því að kosning-
in fór ekki eins og hún átti að fara.
Þess vegna er hún ómark. Þess
vegna kærir hann. Þegar flokks-
broddarnir og aðalframbjóðend-
urnir eru búnir að gera samkomu-
lag um röðun hstans hafa kjósend-
ur alls ekkert leyfi til að breyta
þeirri röðun. Það er móðgun við
Guðmund, það er storkun við lýð-
ræðið og það er í blóra við sam-
komulag Guðmundar og Finns um
það hvernig kosningin skyldi fara.
Þaö er sjálfsagt þetta lykilatriði
sem þvælist fyrir stjórn fulltrúar-
áðsins. Hún vill ekki upplýsa Guð-
mund og aöra landsmenn um þá
ósvífni kjósendanna að greiða at-
kvæði öðruvísi en búið var aö
ákveða fyrirfram. Það kallast skít-
atrikk í Framsóknarflokknum þeg-
ar kjósendur gera annað en þeim
er sagt að gera.
Dagfari