Dagblaðið Vísir - DV - 19.11.1990, Blaðsíða 28

36
MÁNUDAGUR 19. NÓVEMBÉR 1990.
Merming
Svörtu börnin hennar Evu
Sinfóníuhljómsveit íslands hélt tónleika í Háskóla-
bíói síðastliðinn laugardag. Stjórnandi var pólski
hljómsveitarstjórinn Jan Krenz en á efnisskránni voru
verk eftir Guðmund Hafsteinsson, Arnold Schönberg
og Witold Lutoslavski.
Allar hljómsveitir á borð við Sinfóníuna þurfa að
marka sér stefnu um verkefnaval. Endurnýjun og af-
staðan til tónlistar tuttugustu aldar eru þar aðalat-
riði, einkum nú á tímum þegar öllum er loksins orðið
ljóst að starfsemi hljómsveita af þessu tagi verður
ekki byggð á Beethoven og Mozart einum saman. Ef
menn gætu orðið sammála um að velja einfaldlega það
besta af yngri tónlist til að flytja, ásamt því besta af
gamalli, væri málið einfalt. Það verður hins vegar flók-
ið þegar menn treystast ekki til að horfast í augu við
samtíma sinn og reyna að leiða hjá sér gang sögunnar.
Svo virðist sem Sinfóníuhljómsveitin hafi markaö
þá stefnu að endurnýja verkefnalistann með tónlist
tónskálda sem að vísu lifðu á tuttugustu öld en sömdu
í anda þeirrar nítjándu. Þannig á að plata söguna en
þó ekki alveg því að til sálubótar eru haldnir á af-
brigðilegum tímum og til hliðar sérstakir tónleikar
með bestu nútímahöfundum. Er þeim sem vilja lifa í
fortíðinni þannig forðað frá því að truflast af samtím-
anum. Á þessu eru tveir gallar. Yngri kynslóðir hlust-
enda, sem almennt hafa notið mun betri menntunar
í tónlist en áður hefur þekkst á íslaridi, munu aldrei
sætta sig viö að þeir félagar Rachmaninoff og Sibelius
verði meginuppistaðan í tónlistarneyslunni. Eldri
hlustendur kæra sig heldur ekkert um þessa tillitssemi
við fordóma um nýja tónlist og sést það best á ööru
tónleikahaldi hér í borginni þar sem iðulega er bland-
aö saman nútímatónlist, innlendri sem erlendri, við
trausta klassík og veröur aldrei vart við neina erf-
iðleika í því sambandi. Þetta fólk mun heldur ekki
þegar fram í sækir sætta sig við annars flokks tónlist
sem aðalrétt. Hvort tveggja er líklegt til að draga úr
heildaraðsókn hjá hljómsveitinni þegar til lengdar
lætur.
Tónleikarnir á laugardag voru upp á það besta sem
Sinfónían býður. Fyrsta verkið „Ljóðskap" var eftir
Guðmund Hafsteinsson, kennara í Tónlistarskólanum
í Reykjavík, sem virðist hafa alla burði til að láta mik-
ið að sér kveða í tónlistarlífi hér. Verkið er í seríalísk-
um anda og skýrt í bygginu og framsetningu. Margir
Tónlist
Finnur Torfi Stefánsson
gullfallegir staöir eru í verkinu einkum þar sem
áherslan er lögö á hið hreint vefræna viðhorf og virö-
ist sú leið njóta sín best í þessum stíl. Fimm hljóm-
sveitarstykkjum op. 16 eftir Schönberg má allt eins
lýsa sem dramatískri sinfóníu í fimm stuttum þáttum
svo marksækið er þetta verk og tjáningarþrungið.
Þetta er róttæk tónlist og svo hugmyndarík að af ber
og eitt þeirra lykilverka frá fyrri hluta aldarinnar sem
hvaö mest áhrif hafa haft. Má þar t.d. nefna kaflann
„Litir“ sem einnig er nefndur „Sumarmorgunn viö
vatn“ þar sem tónskáldið notar liti hljóðfæranna sem
meginbygginarefni. Hafa fjölmargir gert þetta að fyrir-
mynd sinni og þar á meðal Lutoslawski í „Livre“ fyr-
ir hljómsveit þótt aðferðir séu þar að öðru leyti ólík-
ar. Hér er þaö vefnaðurinn sem er í fyrirrúmi, litir
hans og gerð. í síðari hluta verksins verður tilviljunar-
tækni áberandi og nýtur hún sín mjög vel hjá þessum
snjalla höfundi.
Það var sérlega gaman að fylgjast með stjórnandan-
um Jan Krenz á þessum tónleikum. Hann virtist vera
fullkomlega í essinu sínu í þessari erfiðu tónlist og
sýndi bæði nákvæmni og innlifun. Hljómsveitin tók
vel á móti og spilaði upp á sitt besta og var eins og
menn legðu metnað sinn í takast vel á við þessi spenn-
andi verkefni. Ýmsir einstakir hljómfæraleikarar
sýndu góð tilþrif í sólóköflum. Venjulegast eru þaö
blásarar sem fá slík tækifæri. Nú komust strengjaleik-
arar einnig að. Þannig sýndu t.d. þær Guðný Guð-
mundsdóttir konsertmeistari og Helga Þórarinsdóttir,
leiðari í lágfiðlu, glæsilega spretti í verki Guðmundar.
Áheyrendur sýndu þakklæti sitt fyrir þetta allt of
sjaldgæfa framtak með langvinnu lófataki og var
hljómsveitarstjórinn margsinnis kallaður fram á svið-
iö. Með þessum tónleikum hefur Jan Krenz breytt
heimsókn sinni til íslands úr því að vera venjuleg í
það að vera sérstök og er vonandi að hann komi aftur
síðar til að stjórna hér.
VERKSMIÐJAN VÍFILFELL
VILL VEKJA ATHYGLI VIDSKIPTAVINA
SINNA Á AÐ VK> HÖFUM FENGIÐ
NÝ SÍMANÚMER:
PÖNIUNARSÍMI
GOSDRYKKJA
ÞJÓNUSTUSÍMI
KÆUVÉLADEILDAR
INNHEIMTUDEILD
«0 75 17
VINSAMLEGAST GEYMK) AUGLÝSINGUNA
EÐA SKRÁID NÝJU NÚMERIN HJÁ YKKUR.
Verksmiðjan VÍFILFELL
Andlát
Unnur Guðnadóttir frá Stardal,
Stokkseyri, til heimihs á Álfaskeiði
99, Hafnarfirði, lést á St. Jósefsspít-
ala, Hafnarfirði, að morgni 15. nóv-
ember.
Þorsteinn Kristinsson, Armadale,
V-Ástralíu, lést 16. nóvember.
Jarðarfarir
Karl Vilhjálmsson, Bólstaðarhlíð 41,
verður jarðsunginn frá Laugarnes-
kirkju í dag, 19. nóvember, kl. 15.
Jónína Sigurlaug Þórarinsdóttir,
Æsufelh 2, Reykjavík, sem lést í
Landakotsspítala 8. nóvember, verð-
ur jarðsungin frá Fossvogskirkju í
dag, 19. nóvember, kl. 13.30.
Haraldur L. Bjarnason lést 11. nóv-
ember. Hann fæddist í Helgu-
hvammi, Kirkjuhvammshreppi, V-
Húnavatnssýslu, 19. september 1909.
Foreldrar hans voru Ágústa Andrés-
dóttir og Bjarni Bjamhéðinsson.
Haraldur útskrifaðist úr Samvinnu-
skólanum og starfaði um árabil eða
í 46 ár hjá Olíuverslun íslands, en lét
af störfum fyrir aldurs sakir 1976 og
kom þá á laggirnar fornbókaverslun
sem hann rak á tveimur stöðum um
nokkurra ára bh. Haraldur giftist
Jennýju Þuríði Lúðvíksdóttur og
eignuöust þau þrjú börn, auk þess
sem þau ólu upp systurdóttur
Jennýjar. Útfor Harald verður gerð
frá Fossvogskirkju í dag kl. 15.
Ása S. Stefánsdóttir lést 11. nóvemb-
er. Hún fæddist 21. júni 1905 í Reykja-
vík. Foreldrar hennar voru Olína
Þórey Ólafsdóttir og Stefán Jónsson
Loðmfjörð. Ása giftist Tómasi Al-
bertssyni, en hann lést árið 1955. Þau
hjónin eignuðust níu börn. Útför Ásu
verður gerð frá Áskirkju í dag kl.
13.30.
Ti3kyrmingar
Aðalfundur skíða-
deildar Fram
veröur haldinn mánudaginn 26. nóvem-
ber kl. 20 í félagsheimili Fram við Safa-
mýri. Dagskrá: venjuleg aðalfundarstörf.
Skíðadeildarmenn hvattir til að mæta.
Kvenfélag Seljasóknar
Jólafundur verður 4. desember kl. 20 í
Kirkjumiðstöðinni. Konur vinsamlegast
tilkynni þátttöku th stjómar.
Mígrensamtökin
halda fræðslufund í Hlaðvarpanum,
Vesturgötu 3, í kvöld kl. 20.30. Fyrirlesari
er Davíð Gíslason ofnæmislæknir og tal-
ar hann um migren og mataræði. Allir
velkomnir.
Gronn-kynning á ísafirði
Þriðjudagskvöldið 20. nóv. kl. 20.30 (hálf-
tima áður e'n Grann-fyrirlestur byrjar)
verður kynning á Grann-vörum frá Oðni
bakara á Hótel ísafirði. Grann-vörumar
eru sniðar sérstaklega að þörfum þeirra
sem eiga við matarfíkn að ræða. Að-
gangseyrir að Gronn-kynningunni er 200
kr. fyrir manninn og fær fólk þá kaffí eða
te og meðlæti að vild. Kl. 21 hefst opinn
Gronn-fyrirlestur um matarfíkn og
áhrifaríkar leiðir til bata. Aðgangur að
fyrirlestrinum er ókeypis og öllum opinn
sem vilja kynna sér nýjar og árangurs-
ríkar hugmyndir um heilbrigt mataræði.
Ef næg þátttaka fæst verður síðan haldið
Gronn-námskeið kvöldin 21., 22. og 23.
nóvember kl. 20-23 ásamt laugardeginum
24. nóvember kl. 9-17. Skráning á nám-
skeiðið fer fram strax að fyrirlestrinum
loknum og er mikilvægt að væntanlegir
þátttakendur mæti þar. Á öllum Gronn-
námskeiðunum er nafnleynd sem þýðir
að þátttakendur segja ekki óviðkomandi
frá því hverjir aðrir eru á námskeiðinu
eða hvað þeir segja og gera. Leiðbeinandi
er Axel Guðmundsson.
ITC deildin
Ösp, Akranesi
heldur fund þriðjudaginn 20. nóvember
kl. 20.30 í Framsóknarhúsinu. Gestir vel-
komnir.
Miimingarkort
Minningarkort
Minningarsjóðs séra Páls Sigurðssonar
til styrktar Hólskirkju í Bolungarvík fást
hjá formanni Bolvíkingafélagsins í síma
52343.
Tónleikar í Listasafni
Sigurjóns Ólafssonar
Á þriðjudaginn, 20. nóvember, kl. 20.30
verða haldnir tónleikar í Listasafni Sig-
urjóns Ólafssonar. Þar koma fram Haf-
steinn Guðmundsson fagottleikari og Vil-
berg Viggósson píanóleikari. Auk þeirra
kemur Rúnar Vilbergsson fagottleikari
fram í einu verkanna. Á efhisskránni
verða verk fyrir fagott og píanó eftir Vi-
valdi, Bozza Elgar og Hurlstone. Þeir
Hafsteinn og Vilberg munu einnig halda
tónleika í Húsavíkurkirkju laugardaginn
24. nóvember kl. 17 og í sal Tónlistarskól-
ans á Akureyri sunnudaginn 25.-nóv. kl.
17.
Fjölmiðlar
Aræði og þor
Hinn þekkti kvikmyndaleikstjóri
David Lynch hefur með Tvídröng-
um afsannað þá formúlumeðferð
sem einkennt hefur bandar íska
framhaldsþætti. Það er ekki bara
það að Tvídrangar séu öðruvísi
sjónvarpseM, heldur ber hann það
mikla virðingu fyrir sjónvarpsá-
horfendum að hann telur réttilega
að þegar vel er farið með þá sé
myndaflokkur sem bæði hefur flók-
in texta og flókiö myndmál mun
vænlegri til vinnings heldur en inn-
antómt skrura á borð við Dallas og
Lagakróka svo dæmi séu nefnd.
í Tvídröngum er það eitt morð sem
tengir allar persónumar sem eru
fjölmargar. Morðiö er þemaö en líflð
hjá íbúum Tvídranga söguþráður-
inn. David Lynch sjálfur leikstýrir
ekki nema nokkmm þáttum. Hann
leikstýrði þriðja þættinum sem var
um helgína og eins og við var að
búast var sá þáttur um margt tor-
ráðinn og ólíkur öðram þætti að því
leytinu. Snílld Lynch sást best í
Draumatriðinu í lokin sem var ótrú-
lega vel gert og lifandi atriði. Það
þarf áræði og þor að bjóða almenn-
ingiuppáslíktatriði.
Það var ekki aðeins David Lynch
sem bauð upp á áræði í kvikmynda-
gerð um helgina. í gærkvöldi var
sýnd þýsk stuttmynd, Hættu þessu
voli, Hermann sem leikstýrð er af
Margréti Rún Guðmundsdóttur. Þar
fjallaði hún á áleitinn hátt um tor-
tímda sál Hermanns nokkurs sem
gengur í Hjálpræðisherinn í ör-
væntingu sinni. Margrét bauð upp
á nokkrar draumasenur i anda
Lynch. í heild fánnst mér ekki mik-
ið til um Hermann en myndin var
vel unnin og veröur forvitnilegt að
fylgjast með þessari ungu listakonu.
-HK
Nauðungaruppboð
Mánudaginn 26. nóv. 1990 kl. 11.00 fer fram að beiðni Steingríms Þor-
móðssonar hdl., f.h. Lífeyrissjóðs verkalýðsfélaga á Norðurlandi vestra,
nauðungaruppboð á jarðýtunni Komatsu D 155 A, árg. 1987, serialnr.
29200, eigin þyngd 35000 kg, eign Hagvirkis hf. Uppboðið fer fram á
vinnusvæði Hagvirkis hf. við Blönduvirkjun þar sem fyrrgreinda jarðýtu
er að finna.
Sýslumaðurinn i Húnavatnssýslu