Dagblaðið Vísir - DV - 06.09.1994, Blaðsíða 14
14
ÞRIÐJUDAGUR 6. SEPTEMBER 1994
Útgáfufélag: FRJALS FJÖLMIÐLUN HF
Stjórnarformaður og útgáfustjóri: SVEINN R. EVJÓLFSSON
Framkvæmdastjóri og útgáfustjóri: HÖRÐUR EINARSSON
Ritstjórar: JÓNAS KRISTJÁNSSON og ELLERT B. SCHRAM
Aöstoðarritstjóri: ELlAS SNÆLAND JÖNSSON
Fréttastjórar: JÖNAS HARALDSSON og GUÐMUNDUR MAGNÚSSON
Auglýsingastjórar: PÁLL STEFÁNSSON og INGÓLFUR P. STEINSSON
Ritstjórn, skrifstofur, auglýsingar, smáauglýsingar: ÞVERHOLTI 11,
blaðaafgreiðsla, áskrift: ÞVERHOLTI 14, 105 RVlK, SlMI (91)63 27 00
FAX: Auglýsingar: (91 )63 27 27 - aðrar deildir: (91 )63 29 99
GRÆN NÚMER: Auglýsingar: 99-6272 Askrift: 99-6270
AKUREYRI: STRANDG. 25. SlMI: (96)25013. BLAÐAM.: (96)26613.
FAX: (96)11605
Setning, umbrot, mynda- og plötugerð:
PRENTSMIÐJA FRjALSRAR FJÖLMIÐLUNAR HF„ ÞVERHOLTI 11
Prentun: ÁRVAKUR HF. - Áskriftarverð á mánuði 1400 kr. m/vsk.
Verð I lausasölu virka daga 140 kr. m/vsk. - Helgarblað 180 kr. m/vsk.
Kjarkmikil spilling
Guðmundur Árni Stefánsson vakti snemma athygli,
þegar hann varð heilbrigðisráðherra fyrir rúmu ári.
Mannaráðningar hans og embættaveitingar þóttu verri
en annarra ráðherra og er þá mikið sagt. Síðan hafa hlað-
izt upp tilvik, sem hljóta að teljast umdeilanleg.
Þegar hann skildi við ráðuneytið eftir eitt ár í starfi,
mátti heita að flest væri þar í rúst. Sparnaður, sem for-
veri hans hafði náð fram með ærinni hörku, hafði rokið
út í veður og vind á einu stjórnlausu ári og ráðuneytið
hafði farið milljarð króna fram úr ráðgerðum útgjöldum.
Embættislega er heilbrigðisráðuneytið með slakari
ráðuneytum. Ráðherrar þurfa að halda þar vel á spöðun-
um til að halda utan um mál. Guðmundur Ámi kom
með ættingja sína og vini inn í ráðuneytið og þeir reynd-
ust auðvitað engir bógar til að hjálpa honum og vernda.
Hann virðist hafa vanizt því 1 bæjarstjórasessi Hafnar-
fjarðar að þurfa ekki að setja sig sjálfur inn í mál. Þetta
leiddi meðal annars til, að hann úrskurðaði, að alþjóð-
lega viðurkenndur arfgengissjúkdómur væri sjálfskapar-
víti, sem ætti að vega léttar hjá ríkinu en aðrir.
Hafnarfjörður hefur sérstöðu meðal sveitarfélaga.
Hann hefur lengi haft mjólkurkú í álverinu. Þess vegna
ætti fjárhagur bæjarins að vera betri en hinna, sem ekki
hafa slíka kú. Þvert á móti er að koma í ljós, að Guðmund-
ur Árni kom bænum í tveggja milljarða skuldasúpu.
Eitt dæmið um sukkið í Hafnarfirði var formaður
húsnæðisnefndar bæjarins, sem varð að fara frá, þegar
íjármál hennar voru gerð upp. Síðan gerði ráðherrann
formann nefndarinnar að formanni Hollustuvemdar rík-
isins. Sukkarinn var fluttur frá bæ til ríkis.
í ljós kom eftir vistaskipti ráðherrans, að hann hafði
sem bæjarstjóri látið greiða sér og vildarmönnum sínum
miklar greiðslur umfram umsamin laun. Þessi iðja hélt
síðan áfram í ráðuneytinu, þar sem ráðherrann lét greiða
fylgdarsveini sínum 600.000 króna mánaðarlaun.
Fræg em milljónabiðlaunin, sem hann lét Hafnarfjarð-
arbæ greiða sér, enda þótt hann væri þegar kominn í
ráðherrastarf. Ummæli ráðherrans um þetta bentu til,
að hann hefði ekki hefðbundin viðhorf í siðferðismálum
og ætlaði sér ekki að láta neitt fé úr hendi sleppa.
Ráðherrann réð þekktan flokksbróður sinn sem for-
stjóra Tryggingastofnunar ríkisins og lét áfram greiða
forveranum full forstjóralaun, enda var hann líka flokks-
bróðir. Þetta er svo sem ekki önnur spilling en sú, sem
tíðkast í gerspilltum Alþýðuflokki, en spilhng samt.
Smám saman hafa verið að birtast fréttir af sérkenni-
legum embættisverkum hans og ættrækni sem bæjar-
stjóra í Hafnarfirði. Hann réð tengdafóður sinn sem
skólahúsvörð, án þess að staðan væri auglýst. Hann lét
náfrænku sína hafa nánast leigufría íbúð hjá bænum.
Ennfremur hefur komið í ljós, að hann heimilaði fram-
kvæmdastjóra Alþýðublaðsins sjálfdæmi í birtingu aug-
lýsinga frá Hafnarfj arðarbæ. Mátti framkvæmdastj órinn
klippa auglýsingar úr öðrum blöðum og birta hjá sér.
Reikningar, sem hann sendi, voru orðalaust greiddir.
Meðan slík atriði hafa verið að koma í dagsins ljós,
hefur Alþýðuflokkurinn verðlaunað ráðherrann með því
að gera hann að varaformanni í stað þeirrar konu, sem
áður hélt uppi siðferðisímynd flokksins. Má nú segja að
skel hæfi kjafti í þeirri valdastöðu flokksins.
Póhtískur frami Guðmundar Árna er dæmi um, hve
langt menn geta komizt á kjaftavaðh, kunnáttuleysi og
kjarklegri spillingu, ef kjósendur eru nógu heimskir.
Jónas Kristjánsson
Loftbrú frá hægri til vinstri? - Brúarsmiðirnir sem greinarhöfundur kallar svo: Björn Bjarnason og Ólafur
Ragnar Grímsson alþingismenn.
Brú íhalds
og komma
Þegar forsætisráðherra var bú-
inn að ákveða með sjálfum sér og
þröngum hóp í Sjálfstæðisflokkn-
um að boða til kosninga í haust
birtist í Morgunblaðinu grein undir
fyrirsögninni Loftbrú frá hægri til
vinstri. Inntak greinarinnar var að
kalda stríðinu væri lokið og tíma-
bært að kalda stríðinu í íslenskum
stjórnmálum lyki. Morgunblaðið
lýsir þannig yfir að þaö hafi hug á
að draga saman í ríkisstjórn allt
mesta afturhaldið í íslenskum
stjórnmálum. íhaldið í Sjálfstæðis-
flokknum sem kallar sig frjáls-
hyggjumenn og gömlu Sovét-
kommana í Alþýðubandalaginu.
Brúarsmiðirnir eru Björn Bjarna-
son og Ólafur Ragnar Grímsson.
Brú úr þessum efnivið yrði fúin
innan frá og því hættuleg þeim sem
hana fara.
Af hverju þessar blekkingar?
Á sama tíma og Ólafur Ragnar
er í brúarvinnu hjá Birni Bjama-
syni talar hann um nauðsyn á sam-
fylkingu félagshyggjufólks. Hve-
nær varð Sjálfstæðisflokkurinn
þessi félagshyggjuflokkur og Björn
Bjarnason ímynd félagshyggjunn-
ar? Hver er tilgangurinn? Áf hverju
þessar blekkingar? Félagshyggju-
fólkið í landinu, Röskvu-kynslóðin
í Háskólanum og unga fólkið sem
upplifði að sjá íhaldið í Reykjavík
kolfellt í borgarstjórnarkosningum
í vor er ekki að leita að brú yfir til
íhaldsins. Þetta fólk er ekki að leita
að svona foringja, það er heldur-
ekki að leita að fyrrverandi félags-
málaráðherra ríkisstjómar Sjálf-
stæðisflokks og Alþýðuflokks sem
foringja. Jóhanna Sigurðardóttir
hefur ávallt veriö dyggur stuðn-
ingsmaður ríkisstjómarinnar og
staðið að öllum hennar verstu
verkum, atvinnuleysinu, sjúkl-
ingasköttum, skerðingu á lífeyrir
elli- og örorkulífeyrisþega, lyfla-
bandalags og Sjálfstæðisflokks geti
cddrei orðið að veruleika ættu að
hafa í huga að í kjördæmi Ólafs
Ragnars, Reykjaneskjördæmi, kom
Alþýðubandalagið Sjálfstæðis-
flokknum til valda í Hafnarflrði og
Alþýðubandalagið endurreisti fall-
inn meirihluta íhaldsins í Bessa-
staðahreppi. Það skyldi þó ekki
vera að þetta ættu að vera staðirn-
ir, þangað sem fyrirmyndir að
næstu ríkisstjórn verða sóttar.
Brúin mun verða svikul
Það eru ekki hugsjónir sem vaka
fyrir brúarsmiðunum heldur per-
sónulegur metnaður og óstjórnleg
löngun í ráðherrastóla. Persónu-
legur metnaður Björns Bjamason-
ar fyrir því að geta orðið utanríkis-
ráðherra því þar sem kalda stríð-
inu í íslenskum stjórnmálum er
ekki alveg lokið er útilokað að af-
„Þaö er full ástæða til fyrir þá sem vilja
sjá svipaða hluti gerast í komandi al-
þingiskosningum og gerðust 1 borgar-
stjórnarkosningunum að hafa varann
á þegar sjálfskipaðir leiðtogar þessa
hóps, þau Ólafur Ragnar Grímsson og
Jóhanna Sigurðardóttir, fara á kreik.“
KjaUarinn
Finnur ingólfsson
alþingismaður Framsóknar-
flokksins í Reykjavík
skattinum og skerðingunni á Lána-
sjóði íslenskra námsmanna.
Sjálfskipaðir leiðtogar
Þaö er full ástæða til fyrir þá sem
vilja sjá svipaða hluti gerast í kom-
andi alþingiskosningum og gerðust
í borgarstjórnarkosningunum að
hafa varann á þegar sjálfskipaðir
leiðtogar þessa hóps, þau Ólafur
Ragnar Grímsson og Jóhanna Sig-
urðardóttir, fara á kreik. Þeir sem
trúa að stjórnarsamstarf Alþýðu-
henda Alþýðubandalaginu utan-
ríkisráðuneytið. Sjúkleg löngun
Ólafs Ragnars Grímssonar í ráð-
herrastól er öllum kunn. Félags-
hyggjufólkið í landinu, Röskvu-
kynslóðin í Háskólanum, unga
fólkið sem sá vonina rætast með
sigri R-listans í Reykjavík má ekki
láta blekkjast og leiða sig út á
brúna hvað þá yflr því brúin mun
verða svikul og hrynja með alvar-
legum afleiðingum fyrir þjóðfélag-
ið. Finnur Ingólfsson
Skoðanir aimarra
Erlent f é eða íslenskt?
„Ef við meinum eitthvað meö því að við viljum
fá fé útlendinga inn í landið sem íjárfestingu, þá
verðum við að bjóða þeim þá fjárfestingu, sem gefur
bestan arð. Annað væri ekki heiðarlegt. Við verðum
að opna þeim þjónustufélög okkar eins og olíufélög,
tryggingarfélög, skipafélög, Bifreiðaskoðun íslands
o.fl„ o.fl.... Hin aðferðin, að bjóða útlendingum að-
eins það sem við viljum ekki sjálflr er klaufaleg
blekking.“
Jóhann Ólafsson stórkaupm. í Mbl. 2. sept.
Hallærisleg viðbrögð RÚV
„Ríkisútvarpið er vissulega gagnmerk stofnun
sem landsmenn eru flestir mjög ánægðir með og
þess vegna var það ekki síður hallærislegt að heyra
hvernig sú stofnun brást við SUS skýrslunni. Aö fá
fjármálastjóra RÚV í viðtal í RÚV til að spyrja hann
hvort RÚV væir nokkuð illa rekið, eru full „sovésk-
ir“ tilburðir til að hljóma sannfærandi á íslandi!
Sannleikurinn er auðvitað sá að það er löngu tíma-
bært að heija skynsamar umræður um hvar og
hvernig Ríkisútvarpið getur aflað sér tekna.“
Birgir Guðmundsson í Tímanum 3. sept.
Skattalegir hagsmunir ríkisins
„Byrjandi bati í þjóðarbúskapnum hefur þegar
sett mark sitt á tekjur ríkisins. Þannig reyndist
greiðsluhalli af A-hluta ríkissjóðs fyrstu sex mánuði
þessa árs 4,7 ma. kr. - eða einum miUjarði minni en
ætlað var... Það eru ótvíræðir skattalegir hagsmun-
ir hins opinbera að íslenzkt atvinnulíf nái að rétta
úr kútnum í vaxandi samkeppni við umheiminn,
skila auknum verðmætum í þjóðarbúið og mæta at-
vinnuþörf stækkandi þjóðar."
Úr forystugrein Mbl. 3. sept.