Dagblaðið Vísir - DV - 16.09.1995, Blaðsíða 32

LAUGARDAGUR 16. SEPTEMBER 1995
40
imm
Hjólreiðamenn treysti engum í umferðinni
Nú er sumarið að mestu að
baki og flestir lesendur Trimm-
síðunnar orðnir steinþreyttir á
endalausum hlaupaæfingum
sumarins. Þessvegna er hollt að
skipta um takt og draga fram
gamla hjólhestinn því enn eru
götur auðar og auðvelt að ferðast
á hjóli og hjólreiðar eru holl og
þægileg þjálfun. Þeir líkamshlut-
ar sem njóta góðs af hjólreiðum
eru fyrst og fremst hjartað, æða-
kerfið og fæturnir.
Hjólreiðar reyna sérstaklega á
stóra vöðvann á framanverðum
lærum en aðrir vöðvar og vöðva-
hópar í fótum og lærum fá einnig
þjálfun. Hjólreiðar leiða til stinn-
ari fóta og formfegurri og það
sama á við um læri og þjóhnappa.
Hjólreiðar eru vægt átak á fótlim-
ina og því eru meiðsli við hjól-
reiðarnar sjálfar fremur sjaldgæf
þó auðvitað geti allir dottið og
meitt sig. Hjólreiðamaður, sem
hjólar 16 kílómetra á hálfum
klukkutíma, brennir 400 hitaein-
ingum sem er talsvert mikil
brennsla enda umtalsverður
hraði. Lengri og hægari hjólatúr-
ar hafa áhrif á þol manna fremur
en snerpu og er almennt mun
hollara fyrir byrjendur að fara
hægar og vera heldur lengur.
Best er að hjóla í lágum gír og
Umsjón
Páll Ásgeir Ásgeirsson
stíga hjólið ótt og títt eða um
80-90 sinnum á hverri mínútu og
reyna að halda taktinum sem
jöfnustum með þvi að nota gírana
og stíga þannig hjólið alltaf jafn-
hratt, hvort sem hjólað er undan
brekku, á sléttu eða upp í móti.
Breyttu reglulega um steliingar á
hjólinu með því að hagræða þér í
hnakknum eða standa upp á fót-
stigunum og hjóla þannig um
stund.
Þetta dregur úr álagi á sitjand-
ann en hann er sá líkamshluti
sem einkum verður fyrir álagi
hjá óvönum hjólreiðamönnum.
Treystu engum. Láttu vita af þér.
Bílstjórar aka ekki viljandi á eða
yfir hjólreiðamenn en þeir verða
að vita af þér. Vertu sérstaklega á
varðbergi við gatnamót og gættu
að því að gangandi vegfarendur
víkja ekki sjálfkrafa fyrir þér.
Þegar hjólað er eftir göngustíg-
um, þar sem von er á skokkurum,
er rétt að gefa hljóðmerki með
bjöflunni áður en farið er fram úr
þeim.
Hjólaðu ekki með vasadiskó.
Það er stórhættulegt og enginn
ætti að vera úti að hjóla eða
skokka með slíkt apparat á
hausnum. Það sem á að vera á
höfði hjólreiðamanna er hjálmur.
Hjálmur er ódýrt öryggistæki
sem getur bjargað mannslífum.
Á undanförnum árum hafa
verið gerðar nokkrar endurbætur
í Reykjavík til hagsbóta fyrir
hjólreiðamenn. Stígum fjölgar og
eftir því sem hjólandi fólki fjölgar
minnkar sofandaháttur öku-
manna gagnvart þeim einnig.
Rétt er þó að hafa huga að nú á
haustdögum vex umferð mjög á
götum borgarinnar og hjólreiða-
menn eru eðli málsins sam-
kvæmt berskjaldaðir gegn um-
ferðinni.
Besta ráðið er að treysta því
aldrei að bílstjórar hegði sér við
hjólreiðamenn eins og umferðar-
lögin segja til um. Klæddu þig
vel. Þó mörgum finnist ef til vill
óþarfi að fata sig sérstaklega upp
til þess að fara út að hjóla er rétt
að muna að vindurinn kælir
snarpt og hraðinn, sem auðvelt er
að ná á góðu reiðhjóli, er slíkur
að vindkælingar gætir langt fram
yfir lofthita. Þess vegna er rétt að
hugsa um klæðnaðinn og vera í
hlýjum fatnaði og vindþéttum
galla utan yfir.
Ekki gleyma góðri húfu og
hentugum vettlingum. Mikill
hluti hitatapsins fer um höfuð og
hendur sem, dofna fljótt upp í
miklum kulda. Þeim sem eiga
ekkert hjól skal hér með bent á
sérverslanir með reiðhjól og
fylgihluti og fatnað og búnað fyr-
ir hjólreiðamenn. íslenski fjalla-
hjólaklúbburinn býður svo þeim
félagsskap sem vilja gera hjól-
reiðar að meira en tóm-
stundagamni því hjólreiðar eru
auðvitað lífstífl þess sem hafnar
einkabílnum og kýs að fara ferða
sinna á hollan og mengunarlaus-
an hátt.
Hjá íslenska fjallahjólaklúbbn-
um fá menn og hagnýtar upplýs-
ingar um búnað, hópferðir og
hvað eina sem byrjendur kann að
varða um. Símanúmer klúbbsins
er 562 0099 og hann á pósthólf nr.
5193 125 Reykjavík.
Nú er rétti tíminn til þess að draga fram hjólhestinn og spretta úr spori um þurrar og auðar götur, að minnsta kosti
sunnanlands. Hjólreiðar eru hollur og umhverfisvænn ferðamáti sem hentar nútímamönnum vel. DV-mynd ÞÖK
hundar
Sumir hundaeigendur hafa sagt í
áheyrn Trimmsíðu að þeir megi
hvergi vera með hundinn sinn í
bandi úti að ganga eða skokka.
Þannig verði bæði þeir og aðrir að
skáskjóta sér inn á Miklatúnið
framhjá öflum skiltunum sem gefa
til kynna að þar sé umferð hunda
óæskileg. Hvort sem þessir kvein-
stafir hundaeigenda eru hinn rétti
tónn eður ei er algengt að mæta
göngufólki og skokkurum með
hunda á almennum útivistarsvæð-
um innan og utan borgarmarka
Reykjavíkur. Margir hafa hunda
sína í bandi eins og lög munu gera
ráð fyrir og engar athugasemdir
hægt að gera við það. Hitt er annað
mál að á þessu verður misbrestur
og það hendir að grandalaus skokk-
ari mætir fríhlaupandi hundi sem
er kominn langt fram úr eiganda
sínum sem silast á eftir. Við þessu
er ekkert að segja enda 1 eðli hunda
að kanna og rannsaka nánasta um-
hverfi sitt. En sannast sagna bregð-
ur mörgum trimmara harkalega
þegar hann stendur andspænis 10 til
40 kílóum af hundi af óþekktri teg-
und einum síns liðs á afskekktum
slóðum. Víki hundurinn sér að
skokkaranum til þess að taka nán-
ara þefsýni verður skelfdum skokk-
ara það oftast fyrir að stökkva yfir
hundinn því þetta skeður oftast á
augabragði á fullri ferð og lítill tími
til yfirvegaðra viðbragða. Ef við
viljum horfa á björtu hliðarnar þá
er það ágætis æfing í sjálfu sér að
stökkva yfir hunda. Slíkt þjálfar
snerpu og hreysti og alveg sérstakt
vöðvasett í fótunum sem er varla
notað í annað. Það mætti jafnvel
hugsa sér að gera þetta að sérstakri
keppnisgrein sem væri skipt í
flokka eftir stærðum hunda frá
púðulflokki upp í sankti bernharðs-
flokk. En mörgum þætti best ef þeir
þyrftu aldrei að stökkva yfir hund
og mættu þeim ekki nema í bandi
þar sem eigandinn er á hinum end-
anum.
Trimmarar og
Mörgum trimmurum er illa við að mæta hundum
ann á hinum endanum.
nema í bandi með eigand-
Heilsu-
hlaup
í heilsu-
bæjum
Næsta laugardag verða haid-
in sérstök heilsuhlaup fyrir
alla fjölskylduna í Hafnar-
firði og Hveragerði og á
Hornafirði og Húsavík en
þessir staðir hafa hlotið
nafnbótina heilsubæir og
þar hefur í sumar verið
reynt að snúa lífi íbúanna til
heilbrigðari lífshátta í sam-
ræmi við það. Hlaupið hefst
á hverjum staö klukkan 14.00
og verða hiaupnir 3 kíló-
metrar. Ekki verður tekinn
tími á keppendum og ekki
veitt verðlaun önnur en út-
dráttarverðlaun. Nánari
upplýsingar gefa íþróttafufl-
trúar í hverjum þessara
heilsubæja.