Þjóðviljinn - 20.11.1982, Blaðsíða 6

6 SIÐA — ÞJÓÐVIL'JINN ' Helgin 20. - 21. nóvember 1982
DJOÐVIUINN
'Málgagn sósíalisma, verkalýös-
hreyfingar og þjóðfrelsis.
Útgefandi: Útgáfufélag Þjóöviljans.
Framkvæmdastjóri: Eiöur Bergmann.
Ritstjórar: Árni Bergmann, Einar Karl Haraldsson, Kjartan Ólafsson.
ritstjórnargrein
Aðhaldsstefna
Framsóknarflokksins
Umsjónarmaður Sunnudagsblaðs: Guðjón Friöriksson.
Auglýsingastjóri: Svanhildur Bjarnadóttir.
Afgreiðslustjóri: Baldur Jónasson.
Blaðamenn: .Álfheiöur Ingadóttir,, Helgi Ólafsson, LúðvíkGeirsson, Magnús
H. Gíslason, Ólafur Gislason, Óskar Guömundsson, Sigurdór Sigurdórsson,
Þórunn Sigurðardóttir, Valþór Hlööversson.
Iþróttafréttaritari: Víðir Sigurösson.
Útlit og hönnun: Andrea Jónsdóttir, Guðjón Sveinbjörnsson.
Ljósmyndir: Einar Karlsson, Gunnar Elísson.
Handrita- og prófarkalestur: Elías Mar, Gísli Sigurösson, Guömundur Andri
Thorsson.
Auglýsingar: Ásiaug Jóhannesdóttir, Sigríöur H. Sigurójörnsdóttir.
Skrifstofa: Guörún Guövaröardóttir, Jóhannes Haröarson.
Afgreiðsia: Bára Siguröardóttir, Kristín Pétursdóttir.
Símavarsla: Sigríður Kristjánsdóttir, Sæunn Óladóttir.
Húsmóðir: Bergljót Guöjónsdóttir.
Bílstjóri: Sigrún Bárðardóttir.
Innheimtumenn: Brynjólfur Vilhjálmsson, Gunnar Sigurmundsson.
Pökkun: Anney B. Sveinsdóttir, Halla Pálsdóttir, Karen Jónsdóttir. •
Útkeyrsla, afgreiðsla og auglýsingar: Síðumúla 6 Reykjavík, sími 8 13 33
Umbrot og setning: Prent.
Prentun: Blaöaprent h.f.
• Á þingi Framsóknarflokksins um síðustu helgi
var allmörgum spjótalögum beint að ráðherrum
flokksins og fylgdi með gagnrýni á að þeir hefðu
lítt dugað til þess að tryggja framgang niðurtaln-
ingar og aðhaldsstefnu í núverandi ríkisstjórn.
Af fréttum að dæma brugðust ráðherrar Fram-
sóknar við á þann veg að skjóta Alþýðubanda-
laginu fyrir sig sem skildi. Það átti að hafa verið
íhaldssamt í efnahagsmálum og tregt til aðgerða
gegn verðbólgu.
• Hermt er að þessi vörn ráðherranna hafi þótt
trúverðug og þingfulltrúar hafi annað tveggja
fyllst vorkunnsemi í garð þeirra eða sakað þá um
linkind gagnvart Alþýðubandalaginu. Ef hins
vegar er litið yfir stjórnartímabilið má sannfær-
ast um að það hefur verið frumkvæði Alþýðu-
bandalagsins sem komið hefur efnahags-
aðgerðum í höfn. Framsóknarráðherrarnir hafa
að vísu talað mikið, en minna aðhafst þegar til
kastanna hefur komið.
• í tali hafa það verið ær og kýr ráðherra Fram-
sóknarflokksins að halda aftur af verðbólgu og
þenslu. En merkin sýna verkin, eins og Olafur
Jóhannesson, orðaði það réftilega. Ráðherrar
hafa mikið sjálfstætt vald til þess að hafa áhrif á
framkvæmd mála og við skulum taka eitt dæmi
um það hvernig bankamálaráðherra Framsókn-
arflokksins hefur fylgt eftir ákvæðum í stjórnar-
sáttmála og efnahagsmálayfirlýsingum stjórnar-
innar um aðhald í ríkiskerfinu.
• í stjórnarsáttmála segir að tryggt verði að
fjárfesting ríkisstofnana m.a. ríkisbanka, verði í
samræmi við samþykkta fjárfestingaráætlun og
stefnuna í lánamálum. í yfirlýsingu ríkisstjórnar-
innar frá því í ágúst s.l. segir m.a. að aukin
áhersla verði lögð á sparnað og spornað við út-
þenslu í opinberum rekstri.
• Bankamálaráðherra Framsóknarflokksins
hefur þegar í ár veitt leyfi til reksturs sjö nýrra
bankaútibúa og leyfði stofnun átta útibúa á s.l.
ári. Á minna en tveimur árum hefur ráðherra
Framsóknarflokksins veitt leyfi fyrir 15 nýjum
bankaútibúum. Til samanburðar má geta þess að
meðan Svavar Gestsson var bankamálaráðherra
leyfði hann aðeins stofnun eins útibús. Svona er
framkvæmdin á því aðhaldi sem Framsóknarráð-
herrar prédika.
• Oftlega hefur verið á því bryddað af hálfu
Alþýðubandalagsins að tryggja þyrfti hagkvæm-
ari rekstur bankakerfisins með sameiningu
banka, og í viðskiptaráðherratíð Svavars Gests-
sonar var undirbúið frumvarp þar um. Fram-
sóknarflokkurinn settist á þær breytingar eins og
annað sem snúið hefur að breytingum og hag-
ræðingu í opinberum rekstri. Bankakostnaður er
til muna hærri hér á lándi en í grannlöndum
okkar. Aðhaldssemi Framsóknarflokksins á því
sviði er fólgin í því að stofna sem flest bankaúti-
bú. Og þetta er aðeins eitt dæmi af mörgum
áþekkum.
- ekh
Eittlítið hanastél
Þeir félagarnir Jón og Pétur á-
kváðu að gera sér glaðan dag, eins
og það heitir á máli fagmanna. Þeir
ætluðu sem sé að detta í það. Hitt-
ust þeir heima hjá Pétri. Hann
hafði þegar rennt í glösin er Jón bar
að garði. og rétti Jóni hans glas er
hann steig innfyrir dyrnar, og Jón
lyfti því þegar og sagði: „Skál“.
Pétur svaraði snúðugt: „Erti kom-
inn hingað til að tala eða drekka?
Ef þú ert kominn til að tala skaltu
bara koma þér út!“
Því nefni ég þetta hér, að um
þessar mundir eiga tvö merkis-
félög sem ég hef haft þá ánægju af
að kynnast, afmæli. Annað er SÁÁ,
sem er fimm ára um þessar mundir.
Hitt er Blaðamannafélag íslands
sem er áttatíu árum betur.
Hvert er maðurinn nú að fara?
kynni einhver að spyrja. Er hann
orðinn snar ruglaður?
Sjálfsagt er ég það. En'kveikjan
að þessari hugleiðingu er sú sem fer
hér á eftir:
Öllum sem vita vilja, ætti að vera
ljóst hvílíkri byltingu SÁÁ hefur
valdið í áfengismálum hér á landi
þann skamma tíma sem félagsskap-
urinn hefur starfað. Opin umræða
um áfengisvandamálið, hefur brot-
ið á bak aftur heilan bunka af for-
dómum sem hér hafa ríkt gagnvart
sjúkdómi þeim er veldur meiri
skaða og tjóni hér á landi en nokk-
ur annar, þ.e. alkóhólisma. Og
þeir eru ótaldir einstaklingarnir
sem hafa í gegnum meðferð þá,
sem SÁÁ stendur fyrir, öðlast
heilbrigði á ný, öðlast framtíð í stað
vonleysis, bjartsýni í stað örvænt-
ingar.
Einstakur dugnaður hefur ein-
kennt allt starf þessara samtaka frá
upphafi. Ekki er látið sitja við
orðin tóm. Mér varð hugsað til þess
um daginn er ég, vinnu minnar
vegna, var að kynna mér fram-
kvæmdir við B-álmu Borgarspítal-
ans, að ólíkt hefðust þeir að hið
opinbera og samtök eins og SÁÁ.
Byrjað var á undirstöðum undir B-
álmuna árið 1974. Það hús er ekki
tilbúið undir tréverk. SÁÁ var
stofnað haustið 1977, og hefur á
þeim tíma komið á fót þremur
meðferðarstofnunum, auk ráðgjaf-
arþjónustu sem rekin er í eigin
húsnæði, og unnið er af fullum
krafti að byggingu stórrar sjúkra-
stöðvar sem er hornsteinn starf-
seminnar.
Þar með er ég búinn að blanda ■
þriðja aðilanum inn í þessa hug-
leiðingu, sem í upphafi átti að fjalla
um tvo aðra félagsskapi. En mér er
spurn: Er hægt að hugsa eitthvað,
eða framkvæma eitthvað, án þess
að inn í myndina komi ávallt þessi
sami aðili: hið opinbera?
Gunnar
Elísson
skrifar
En hvað er hið opinbera? Hið
opinbera er til dæmis Ingvar Gísla-
son. Hver er hann? spyr þú. Hann
er núverandi menntamálaráð-
herra. Sá er maðurinn.
Nú er farið að slá út í fyrir mann-
inum, heyri ég einhvern segja, en
áður en þú hættir að lesa langar mig
aðeins til að koma einu á framfæri
við þig.
Takk fyrir.
Blaðamannafélag íslands á
undir högg að sækja að einu leyti.
Félagsmenn eiga þess ekki kost að
njóta menntunar í sínu fagi hér á
landi; þess vegna eru þeir ekki
löggildir fagmenn. Inn í þetta fag
getur hver sem er gengið. Reyndar
getur hver sem er kallað sig
blaðamann, meira að segja Vil-
mundur. Og vegna þess að þetta er
ekki löggilt fag er ekki veitt mennt-
un í því, og þar sem ekki er veitt
menntun í greininni, er hún ekki
löggild. Kannast þú við þessa rök-
semd? Einmitt. Dæmigert fyrir
þennan merka aðila, hið opinbera.
Nú, Blaðamannafélagið hefur af
veikum mætti reynt að bjóða sínum
félagsmönnum upp á menntun er-
lendis, og reynt hefur verið að fá til
landsins menn til að halda fyrir-
lestra og námskeið tengd þessari
grein, til að þeir sem þess óska geti
fylgst með því sem er að gerast, og
þannig haldið sér við efnið. Samt
sem áður er flóttinn úr faginu mik-
ill, og þeir eru fáir hérlendis sem
gert hafa þetta að sínu ævistarfi.
Menn á pólitískri framabraut, eða
öðrum persónulegum upphefðar-
leiðum, eru enn allt of fjölmennir í
stéttinni, enda er þetta leið sem
hefur gefist mörgum vel til met-
orða, og enn fleirum er það dýrmæt
reynsla, er hefur komið sér vel er
sótt er um annað starf.
Sl. vor sótti Blaðamannafélagið
um styrk til menntamálaráðherra
til að fá hingað til landsins mjög
færan mann frá Noregi til að flytja
erindi á stefnuþingi er félagð hélt.
Ingvar kvaðst ekki geta það. Væri
of dýrt.
Hins vegar reyndist það ekkert
mál nú í haust að bjóða öllum
blaðamönnum á íslandi í hanastél í
tilefni afmælisins!!!!
Hvort skyldi nú hafa verið ódýr-
ara er upp var staðið? Ingvar, hvað
kostaði þessi hanastélsveisla?
Um sömu helgi stóð hið opin-
bera að ráðstefnu um áfengismál.
Um leiðir til að koma auga á, og
hefta alkóhólisma á vinnustöðum
hins opinbera. Þar var SÁÁ m.a.
með kynningu á starfsemi sinni.
Synd að menntamálaráðherrann
skyldi ekki sitja þá ráðstefnu.
Um það atriði hvernig á því stóð
að Blaðamannafélagið þáði þenn-
an kokteil, ætla ég ekki að ræða
hér. Gæti verið að það tengdist
baráttumálum SÁÁ einnig.
Þar með er komin skýringin á inn-
gangi þessarar hugleiðingar. Það
hefur nefnilega verið þannig í gegn
um aldirnar, að annað hvort hafa
menn viljað drekka þessar ljúfu
veigar eða bara tala um þær, og er
það vel.
Með þessum orðum ætla ég að
kveðja þig, lesandi góður, og
hugga þig með því að þetta er í
síðasta sinn sem ruglið í mér birtist
í þessum dálki. Þakka ég innilega
fyrir mig. Við sjáumst.
- gel -