Þjóðviljinn - 05.03.1983, Blaðsíða 18
18 SÍÐA — ÞJÓÐVILJINN Helgin 5. - 6. mars 1983
dægurmal (sígiid?)
Lítið hefur heyrst í Þursaflokk-
num síðustu mánuði, enda inn-
limaður í Stuðmenn með húð og
hári. Mig langaði til að forvitnast
hvort ekki væri að færast lífsmark
í hljómsveitina og sló því á
þráðinn til Egils og spurði hvort
hann væri ekki fáanlegur í stutt
viðtal. Hann var til í það en
sagðist ekki hafa mikið að segja
en sagði að ég gæti komið á mið-
vikudaginn ef ég héldi að
eitthvað væri á því að græða. Ég
þakkaði kærlega fyrir og dratt-
aðist niður í Grettisgat í hádeginu
seinasta miðvikudag og afrakstur
þeirrar heimsóknar fer hér á eftir.
Hljómplata í maí
Blm.: Er Þursaflokkurinn að
vakna til lífsins á ný?
EgiII: Já, við erum að skríða út
úr Stuðmannaberkinum. Það
hefur mikill tími farið í myndina.
Þórður er fjármálastjóri fyrirtæk-
isins og hefur haft í nægu að snú-
ast. Ég hef séð um dreifingu og
svo hefur tími farið í lagfæringar á
stúdíóinu, við erum að einangra
okkur betur frá nágrönnunum.
Skilaðu bestu kveðju til þeirra.
Um miðjan þennan mánuð för-
um við í 5. eða 6. landsreisu okk-
ar og er verið að vinna að henni
þessa dagana.
Blm.: Er von á nýrri breiðskífu
með ykkur á næstunni?
Egill: Það er stefnt að því að
koma út plötu í maí.
Blm.: Nú eigið þið mikið af
gömlum upptökum, stendur til
að gefa þær út?
Rœtt
við
Egil
Ólafsson
Þurs
og
Stuðmann
EgiII: Hvað er menning? Ljósm.: Sævar.
„Menn eru alltof uppteknir
af því að vera meðvitaðir”
Egill: Satt er það að við eigum
mikið af gömlum upptökum, allt
frá 1979. Upptökur frá hljóm-
leikaför okkar um Norðurlönd og
Holland og upptökur frá ferðum
okkar hér heima. Þessi mál hafa
lítið verið rædd en það er aldrei
að vita hvað við gerum.
Blm.: Hvers vegna eru þessar
hvíldir teknar í hljómsveitinni?
Egill: Það er ekki grundvöllur
til að starfrækja hana allan ársins
hring. Hún er hálfgert aukastarf
hjá okkur. Ég hef starfað og
starfa töluvert í ieiklistinni,
Þórður hefur séð um rekstur-
hljómsveitarinnar, og Þursabits
um árin, Júlli haft umsjón með
stúdíóinu, Tómas starfað sem
upptökustjóri og Ásgeir spilað
mikíð inn á hljómplötur sem
„session“-maður. Við störfum
aðeins hluta úr ári en þegar við
erum í þessu kemst ekkert annað
að. Núna erum við að undirbúa
hljómleikaferð og æfum því stöð-
ugt og mikið. Vinnan skilar sér
svo á hljómleikum, við fáum pen-
inga í skömmtum. Við kvörtum
ekki undan peningaleysi, ekki
svo að skilja að við syndum í pen-
ingum heldur hitt að við kvörtum
ekki meðan við getum unnið við
músík og haft til hnífs og
skeiðar. Við erum lukkunnar
pamfílar.
Sólóplata
Blm.: Það heyrast alltaf annað_
slagið sögusagnir um að þú sért
að fara að vinna að sólóplötu, er
eitthvað til í því?
Egill: Það er ábyggilega gaman1
að eiga fýrsta og seinasta orðið
við gerð einhverrar plötu en mig
langar aðeins til að vinna með
Þursum í bili, hitt kemur seinna.
Að vísu er Tommi alltaf að hvetja
mig að fara sóló og gera barna-
plötu.
Blm.: Hvernig hefur starf-
semin á Grettisgati, stúdíói ykk-
ar, gengið?
Egill: Það hefur gengið þokka-
lega, það er rekið meira af hlýju
hjartalagi til tónlistarmanna en
einhverjum peningasjónarmiðum.
Við þykjumst vera búnir að finna
hina íslensku leið þ.e. hvernig
eigi að fara að þessu og viljum
hjálpa starfsbræðrum okkar og
miðla þeim reynslu okkar. Hér
hefur engin plata verið tekin upp
sem ekki hefur staðið undir sér.
Hér er ódýirt að taka upp og þarf
að selja fá eintök til að útgáfan
beri sig þ.e. að útlagður kostn-
aður skili sér en það verður að
segja að vinnulaun eru þar ekki
meðtalin. Annars er „Gatið“
fyrst og fremst staður fyrir okkur
og hér er heimili hljómsveitarinn-
ar og Kvikmyndafélagsins
Bjarmalands.
Framtíð Stuðmanna
á huldu *
Blm.: Verða Stuðmenn endur-
lífgaðir á ný?
Egill: Það er allt á huldu, við
erum með vangaveltur um að
starfa saman á ný og langar til að
spila í útlöndum. Þetta er ekki
draumurinn um að „meika“ það
heldur fyrst og fremst þörfin fyrir
að spila tónlist fyrir nýja
áheyrendur, prófa hana í öðru
samhengi, annarri menningu.
Eftirminnilegustu minningar
mínar tengdar Þursunum er þeg-
ar við fórum í hljómleikaferðina
sem ég minntist á hér áðan. Hún
var ógleymanleg, það er ólýsan-
legt að vera í hljómsveit sem
orðin er það samstillt og farin að
spila svo vel saman að manni
finnst að einstaklingarnir renni
saman í eitt og hugsi eins og einn
maður.
Blm.: Nú hefur aðsókin að Allt
á hreinu verið mjög góð, bjugg-
ust þið við einhverju í líkingu við
þetta?
Egill: Nei.., en velgengnin er
góð. Samt getur verið jafn erfitt
að höndla hana og andstreymið.
(Hér skaut Tommi inn í vitalið):
Það skeikaði 500, Egill. Við
álitum það gott ef við slyppum
fyrir horn. Það eru sjö ár liðin frá
því Stuðmenn hættu og við
renndum blint í sjóinn með þetta
fyrirtæki. Tvær tónlistarkyn-
slóðir hafa gengið um garð frá
árum Stuðmanna, diskó- og
pönk-kynslóðin, þannig að við
höfðum lítla hugmynd um hvað
við vorum að fara út í.
Blm.: Hvað hafa margir séð
myndina?
Egill: Mér er illa við að gefa
upp tölur því þær eru oftast rang-
túlkaðar. Ef ég gæfi upp ein-
hverja tölu núna þá væru margir
fljótir að grípa hana á lofti og
segja: „Djöfull hafa þeir grætt á
þessu.“ En málið er ekki svona
einfalt, ýmis kostnaður kemur til
eftir að ein kvikmynd er komin á
koppinn. Við erum sloppnir fyrir
horn núna og höfum getað greitt
þeim laun sem unnu kauplaust að
þessu í 5-6 mánuði, kaup með
einhverjum bónus því að við bú-
um við mikla verðbólgu. Núna
höfum við peninga til að setja inn
á kvikmyndina enskt tal og texta
og við það opnast fleiri mögu-
leikar.
Blm.: Nú fór myndin á sýningu
í Finnlandi. Hvaða viðtökur fékk
hún þar?
Egill: Hún kom töluvert á
óvart í Finnlandi og erlendir
gagnrýnendur, sem voru á þess-
ari hátíð, fóru lofsamlegum
orðum um hana sem og nýju
myndina hans Lárusar Ýmis
„Ándra dansen“ og mynd Hrafns.
„Okkar á milli“.
Blm.: Nú fóru sumir gagnrýn-
endur hér heima hörðum orðum
um myndina. Kom það ykkur á
óvart?
Egill: Ég veit ekki hvað gagn-
rýnendur vildu sjá. Það er ekkert
grín að framleiða kvikmynd á ís-
landi. Sums staðar á Norðurlönd-
Umsjón
Sif
Jón Viöar
Andrea
um er ríkisstyrkur 90% af kostn-
aði (Noregur) en hér er hann
u.þ.b. 7%.
Textinn er til að
lita tónlistina
Blm.: Nú er mikið rætt um
texta. Heldur þú að textar fái
breytt einhverju í sambandi við
skoðanir manna?
Egill: Menn bjarga ekki
heiminum með einum texta eða
einu ljóði hvað þá einu lagi. Góð-
ur texti getur lifað eigin lífi án
lags og öfugt. Ljóð sem sungið er
með lagi lifir allt öðru lífi en þeg-
ar það stendur í bók. En þegar
rætt er um ljóð og lög kemur til
smekkvísi og um góðan smekk er
aldrei deilt. Ég hugsa mína texta
ekki sem ljóð heldur sem orð,
hugsanir, í besta falli eru þau
prósi. Dramatíkin er í músikinni
og hún er aðalatriðið. Textinn er
til að lita hana. Stundum gengur
stemmningin í texta þvert á lagið
og stundum hjálpar hún litrófi
lagsins - allt eftir efnum og að-
stæðum. Annars finnst mér það
ókostur að menn eru alltof upp-
teknir af því að vera meðvitaðir
og gleyma öllum þeim tilfinning-
um sem búa í manninum.
Blm.: Værirðu tilbúinn til að
sýna okkur svo sem einn texta
eða brot úr texta.
Það var auðfengið og því birt-
um við hér brot úr einum texta:
Eg stend upp
fer á klósettið
tek upp veskið
tel peningana
og held í mér.
Ef þeir eru nógir,
ef þeir duga í bili,
ef það er fullt af þeim,
þá breytið engu,
frystið það,
ástandið,
afjþví að óbreytt ástand
er mér í hag
á meðan held ég í mér.
Blm.: Heldur þú að hin
neikvæða afstaða sem ríkir gagn-
vart dægurtónlist eigi eftir að
hreytast á komandi árum?
EgiII: Já ég er nokkuð sann-
færður um það, en annars er enn
mikil hræsni í kringum þetta.
Tónlistarmönnum rokksins er
haldin Stjörnumessa. En „list-
amennirnir" fá menningarverð-
laun. Þetta er alveg makalaust.
Hvað er menning? Blaðsöludren-
gurinn á horninu?, músíkin í út-
varpinu)?, allt sem við hrærumst
í? Mér skilst að menningarverð-
launin séu veitt til þeirra sem iðka
hina svokölluðu „alvarlegu list“.
En hvað í andskotanum er nú
það?
Blm.: Svona að lokum. Held-
urðu að þú eigir eftir að láta
meira til þín taka á leiksviðinu og
í kvikmyndum á komandi árum?
Egilh Það er gaman að hafa
þetta í bland, en það er erfitt að
skipta sér. Ánnars hefur starf
mitt í leikhúsinu aðallega verið í
því fólgið að „músisera", búa til
músík. Það er gott fólk bæði í
tónlistinni og leikhúsinu og ég hef
ekki gert þetta upp við mig.
JVS
Kjöt af 24 völdum nautgripum frá Sláturfélagi Suðurlands verður kynnt á
1. hæð í húsakynnum Afurðasölu Sambands ísl. Samvinnufélaga á Kirkjusandi.
Kjötiðnaðarmenn sýna sundurtekningu á nautakjöti.
Hvernig vilja neytendur nautakjötið?Skoðanakönnun meðal sýningargesta.
Kjötiðnaðarstöð SIS kynnir framleiðsluvörur sínar á 2. hæð hússins.
Þar verða gefnar bragðprufur og vinnsluvörur seldar
í sérstökum kynningarpökkum á mjög hagstæðu verði.
Sýningin verður opin í dag (laugardag) kl. 15:00 til 18:00
og á morgun sunnudag kl. 13:00 til 18:00.