Þjóðviljinn - 21.01.1984, Blaðsíða 19

Helgin 21.-22. janúar 1984' ÞJÓÐVILJINN - SÍÐA 19
„Hvers vegna rœðst
Þjóðviljinn á mig?“
Athugasemd frá Tómasi Árnasyni forstjóra
Þjóðviljinn ræðst af offorsi á
mig vegna bflamála og vil ég í
tilefni af því senda blaðinu þessar
línur, sem ég vona að verði birtar
þar.
Raunar hefir verið sagt frá því í
Morgunblaðinu fyrir mörgum
vikum, að ég væri einn af sex ráð-
herrum úr fyrrverandi stjórn sem
ætlaði að nýta þessa heimild um
niðurfellingu gjalda af bifreið,
svo uppgötvun Þjóðviljans er
ekki ný af nálinni.
Bflamál ráðherra hafa lengi
veríð til umræðu. Tvær reglur
gilda í þeim efnum. Sú fyrri, að
ríkið leggi ráðherrum til embætt-
isbfla. Hin síðari að ráðherrar
leggi til eigin bfl, sem ríkið rekur
síðan. Lengi vel giltu engin lög
um þessi mál, en sú venja mynd-
aðist að ráðherrar, sem létu af
embætti, fengju niðurfelld að-
flutningsgjöld af nýjum bfl. Arið
1970 var aflað lagaheimildar til
eftirgjafar gjalda af bifreiðum
ráðherra.
Það, sem eðlilegt er að deila
um eru reglurnar. Hvernig eiga
þær að vera? Að deila á suma
menn, sem fara að réttum lögum
og reglum, en ekki aðra er
auðvitað hlutdrægni. Þegar ég
var fjármálaráðherra 1979 lagði
ég fram frumvarp um að afnema
eftirgjöf gjalda af ráðherrabflum.
Frumvarpið var lagt fram 8. fe-
brúar 1979 en dagaði samt upp í
þinginu. Ég lét af starfi fjármála-
ráðherra haustið á eftir, þegar
ríkisstjórn Ólafs Jóhannessonar
fór skyndilega frá. Þeir, sem hafa
verið fjármálaráðherrar stðan
hafa ekki endurflutt frumvarpið.
Vorið 1979 keypti ég
Chevrolet-bfl og greiddi hann að
öllu leyti úr eigin vasa og lagði
hann til sem ráðherrabíl í fjögur
ár. Hann myndi nú kosta 11-1200
þús. kr. Áreiðanlega hefði verið
ábatasamara fyrir mig að leggja
það sem ég greiddi fyrir bflinn
árið 1979 inn á vaxtaaukar-
eikning og láta ríkið leggja mér til
bfl eins og sumir ráðherrarnir
gerðu. Þessir bílar eru mjög
mikið notaðir í þágu embættanna
og nú gæti ég sennilega selt hann
árúmar200þús. kr. Ef frumvarp-
ið hefði verið samþykkt hefðu all-
ir ráðherrarnir sjálfsagt látið rík-
ið leggja sér bfl. Það er þó áreið-
anlega dýrara fyrir ríkið.
En frumvarpið var ekki sam-
þykkt, svo að ég og margir fleiri
eiga þann rétt að eignast nýjan bíl
með þessum kjörum og standa
svipað að vígi í bflamálum eins og
við upphaf ráðherradóms. Ég
þarf því ekki að gera neinum
grein fyrir því, þótt ég nýti þenn-
an rétt meðan hann er til.
En hvers vegna ræðst Þjóðvilj-
inná mig fyrir þetta? Tugir ráð-
herra og fyrrverandi ráðherra
hafa nýtt sér þennan rétt. Hvers
vegna ræðst Þjóðviljinn ekki á
Lúðvík Jósefsson, sem nýtti sér
þennan rétt í tvígang? Lúðvík lét
af ráðherrastörfum í ágúst 1974,
en fékk niðurfellingu gjalda ári
seinna eða 2. ágúst 1975. Já það
er sitt hvað Jón eða séra Jón hjá
Þjóðviljanum.
Minning:
Herbert Jóhann
Sveinbjömsson
Fœddur 9. júlí 1927
Dáinn 12. janúar 1984
Þitt föðurland, þín fagra Heimaey
mun fagna þér.
Hve voídug ertu vetrardísin
bjarta,
hún vefur þig að sínu
móðurhjarta.
Kveðja frá systur
Sœli bróðir sefur þú við söngsins óma.
Kirkjan öll í Ijósum Ijómar.
Ljúfir heyrast orgelhljómar.
Hingað mamma bar bjarta barnið til skírnar,
mjúkt á sinnar móðurörmum.
Mild þá léku bros á hvörmum.
Síðan árin áfram liðu, æskan bjarta
indæl var til enda gengin.
Öll við munum glaða drenginn.
Uppi munu orðtök þín í okkar hópi.
Ei þau voru á allra vörum,
oftast glettni í þínum svörum.
Allt þér lék í höndum högum hljómlist unnir.
Alltaf var hún gleðigjafinn
góð mun hvíldin, hljómum vafin.
Veit ég horfinn vinahópur verður glaður.
Heilsar þér með opnum örmúm.
Aftur leika bros á hvörmum.
Jóhanna Herdís
Það eru liðnir áratugir síðan við
Hebbi vorum nágrannar á Breka-
stígnum, en þó man ég greinilega
hlýja einlæga svipinn hans, ljósa
hárið og brosið sem ljómaði á litla
andlitinu, hann mun hafa verið um
fjögurra ára gamall. Ég man líka að
ég kallaði þig stundum litla kærast-
ann minn.
Já það voru góðir nágrannar á
Brekastígnum bæði ungir og aldn-
ir, og glaðir drengir og meyjar sem
léku sér þar, og ekki þurfti að ótt-
ast bflana eða slys af þeirra völdum
í þá daga.
Þið í Núpsdal voruð næstir mér
við götuna að austanverðu, dreng-
imir í Heiðarhól, Sveinbjörn
bróðir minn, Dunni, Tommi og
ótal fleiri sem of langt yrði upp að
telja, en búa þó í huga mínum og
vekja ljúfar minningar. Og árin
líða, eftir þrjá áratugi flutti ég til
landsins, eins og sagt var í
Vestmannaeyjum. Vegir skiljast
og hver býr við sitt og ennþá eru
liðnir þrír áratugir sem ég bý hér í
Reykjavík.
Én þrátt fyrir öll þessi ár, þegar
ég í gær sá hann í sínu síðasta hvfl-
urútni, fannst mér eins og bregða
fyrir þessu brosi, sem ég kannaðist
svo vel við frá löngu liðinni tíð.
Lifðu heill í þínum nýja heimi.
Ég fel þig Guði, friðarsól
þér skín.
Hans föðurhöndin blíða gœti þín.
GuSríður Guðmundsdóttir
Ungur íslenskur
tónlistarmaður
Á frama-
braut
í USA
Pétur H. Pétursson hélt til Bandaríkjanna haustið 1976 og hóf tónlistarnám við Berklee-háskólann í
Boston Mass. Vorið 1980 iauk Pétur prófi við skólann fyrstur íslendinga. Síðan hefur Pétur verið í
einkatímum hjá John Bavicchi, sem var aðalkennari hans í Berklee. Tónsmíðar hafa verið aðalgrein Péturs í
Bandaríkjunum. Áður en hann hélt utan hafði hann numið við Tónlistarskólann í Reykjavík í mörg ár,
starfað hjá sjónvarpinu og ennfremur leikið í popphljómsveitum.
I Boston starfar merk blásarasveit- MIT Concert Band - sem fyrir stuttu hélt upp á 35 ára afmæli sitt. Frá
árinu 1954 hefur sveitin einungis leikið verk sem upprunaiega eru samin fyrir blásara. MIT Concert Band
leikur eingöngu nútímatónlist og hefur á efnisskrá sinni verk eftir Hindcmith, Copland og Schönberg.
Stjórnandi sveitarinnar, John Corley, hóf feril sinn á íslandi þegar hann gegndi herþjónustu. Hann kynntist
þá m.a. Sigurði heitnum Þórðarsyni. Corley fór fram á það við Pétur að hann nýtti íslensk þjóðlög í verki
sínu. Pétur H. Pétursson lagði síðan fram verkið - Dýrin, börnin og dagarnir koma - og það var leikið á
afmælistónleikum blásarasveitarinnar ásamt fimm öðrum nútímaverkum. MIT Concert Band hyggur nú á
tónleikaferðalag í tilefni 35 ára afmælisins og verk Péturs verður þá á efnisskránni.
Pétur H. Pétursson vinnur nú að tónverki fyrir kór og hljómsveit fyrir Fflharmoníufélagið í Arlington
Mass. Arlington Philharmonic Orchestra mun frumflytja þetta verk á komandi vori.
Þorrablót
Arshátíöir
VEISLUSALUR
Viö bjóöum ykkur upp á stor-
glæsileg salakynni fyrir hvers-
konar veislur og fundarhöld.
SJÁUM UM ALLAR VEITINGAR
PANTIÐ TÍMANLEGA
r
stttnar!
listí!
Játakk! Vinsamlega
sendiö mér nýja FREEMANS
pöntunarlistann í póstkröfu.
Nafn:
Heimili:
Sendist til:
FREEMANS
of London
c/o BALCO hf.
Reykjavíkurvegi 66,
220 Hafnarfirði,
simi 5 39 00