Þjóðviljinn - 29.07.1988, Blaðsíða 7
25 miljónir-sektir 50 miljónir
starfsheiti hinna nýbökuðu borgarstarfsmanna, en nokkr-
ir eldri menn héldu starfsheitum sínum. Sem væri sök sér
ef ekki skildu sex launaflokkar störfin að, mönnunum í
óhag. Lögmannsstofa sú sem sér um innheimtuaðgerðir
og uppboð á bifreiðum borgarbúa, borgi þeir ekki á réttum
tíma, hefur hins vegar þurft að bæta við sig mannskap.
Magnús Óskarsson borgarlögmaður samdi við lögmanns-
stofuna, en ekki var leitað tilboða. En á þó eftir að ganga
frá öllum samningum milli borgarinnar og lögmannssto-
funnar, að öðru leyti en því að lögmannsstofunni eru
tryggð þessi viðskipti við borgarbúa.
nni“ við rukkanir, en síðan hafi
verið ráðnir 15 nýir stöðuverðir.
Stöðuverðir á götunni nú eru 35
og hefur því fjöldi þeirra í starfi
aukist mjög. Nánar er fjallað um
ráðningar og launamál stöðu-
mælavarða og stöðuvarða hér til
hliðar í blaðinu.
10 miljónir í sektir
Samkvæmt upplýsingum Ás-
geirs Þórs Ásgeirssonar, yfir-
manns stöðuvarða hjá Reykja-
víkurborg, má áætla að um 900
seðlar vegna aukastöðugjalda
hafi komið inn að meðaltali á
undangengnum mánuðum. Áður
en borgaryfirvöld lækkuðu sektir
vegna þrýstings frá borgurum,
sem margir hverjir hafa verið
mjög ósáttir við nýskipan þessara
mála, má slá á að innkoma í bíla-
stæðasjóð í júní sl. vegna „sekta“
hafi verið um 11 miljónir og 700
þúsund. Júlí mun sennilega hafa
gefið um tíu og hálfa miljón,
vegna lækkana á sektum. Tekjur
bílastæðasjóðs hafa því, sam-
kvæmt áðurgefnum forsendum,
verið um 15 miljónir á mánuði,
frá 1. mars eða um 75 miljónir til
loka júlí. Sagði Ingi Ú. Magnús-
son gatnamálastjóri í viðtali við
Þjóðviljann að þær upphæðir sem
runnið hefðu í ríkissjóð fyrir
þessar breytingar, hefðu aðeins
verið brot af því sem nú kemur
inn.
Uppboðsbeiðnir
á leiðinni
Sá aðili sem sér um innheimtu á
aukastöðugjöldum er Lögmanns-
stofan sf. sem lögmennirnir Gísli
Gíslason, Sigurður A. Þórodds-
son og Gunnar Jóhann Birgisson
reka. Var Magnúsi Óskarssyni
borgarlögmanni falið af borgar-
stjóra Davíð Oddssyni að finna
heppilega lögmannsstofu til
verksins, þar sem borgaryfirvöld
töldu slíka skipan heppilegri en
að sjá um innheimtu sjálf. Mun
Magnús hafa haft samband við
nokkrar lögmannsstofur, en síð-
an varð Lögmannsstofan sf. fyrir
valinu. Borgaryfirvöld auglýstu
ekki opinberlega eftir umsækj-
endum um verkefnið og ekki var
efnt til útboða. „Verkið þótti
þess eðlis að ekki væri heppilegt
að bjóða það út,“ sagði Gunnar
Eydal, skrifstofustjóri Reykja-
víkurborgar. Aðspurður um hver
hefði tekið þá ákvörðun að velja
þessa stofu út, benti Gunnar á að
borgarstjóri væri æðsti embættis-
maður borgarinnar, en honum
væri ekki kunnugt um hvaða um-
ræða hefði farið fram um málið.
Gunnar Jóhann Birgisson hjá
Lögmannsstofunni sf. sagði að
enn væru allir samningar milli
stofunnar og borgarinnar, hvað
varðar þqknun til handa stof-
unni, ófrágengnir. Hver hlutur
hennar af aukastöðugjöldum
verður, er því enn óljóst. „Hvað
við munum fá í okkar hlut af inn-
heimtukostnaði af sektum, á enn
eftir að semja um við Reykjavík-
urborg. í raun tökum við ekki
innheimtuþóknun fyrir hverja
sekt, heldur hvert bréf sem sent
er út, þannig að innheimtuk-
ostnaður getur verið misjafn hjá
mönnum. í raun fara menn vel út
úr þessu þar til bíllinn fer á upp-
boð. Við sendum reikning fyrir
uppboðsbeiðni sem er 1970 kr. og
tökum aftur sömu upphæð fyrir
að mæta á uppboð. Við þurfum
að semja mjög bráðlega, því
þessu hefur fylgt mikill
stofnkostnaður fyrir okkur, en
við erum ekkert farnir að fá í va-
sann enn þá,“ sagði Gunnar Jó-
hann.
Sagðist Gunnar Jóhann búast
við að borgarfógeta yrðu sendar
fyrstu uppboðsbeiðnirnar í næstu
viku. „Það verður erfitt að segja
nákvæmlega hversu margar þær
verða, en þær verða þó nokkrir
tugir. En ég á ekki von á að það
komi til margra vörslusviptinga,
því fólk borgar þegar það sér al-
vöruna í malinu,“ sagði Gunnar
Jóhann. -phh
Haukur Sveinsson hefur starfað í 52 ár hjá borginni, þar af rúm 8 ár sem stöðumælavörður. Hann er samt 6
launaflokkum undir þeim sem eru nýráðnir sem stöðuverðir.
Stöðuvörðum mismunað í launum
Geðþóttaákvörðun gatnamálastjóra? Námskeiðahald í ólestri
Stöðuverðir þeir sem nú
keppast um í sem mestum
móð að hengja „aukaleigu-
gjöld“ á bíla borgarbúa, eru
sennilega með óvinsælli
mönnum þessa dagana,
alla vega hjá þeim sem oft
verða fyrir barðinu á þeim.
Eins og vill verða, hefur al-
þýða manna uppnefnt þá
miður vinsamlegum
nöfnum og tengt þá borg-
arstjóranum sjálfum. Stor-
msveitir Davíðs. Á undan-
förnum mánuðum hafa
stöðuverðir náð inn tvöfalt
meiri tekjum með „sekt-
um“, en borgarbúar hafa
náð að borga með greiðslu í
stöðumæla. Stöðuverðir
sem ganga á milli bifreiða
eru í dag um 35. Fyrir 1.
mars þegar stöðumæla-
verðir voru enn við lýði, sáu
12-13 manns um þetta starf.
En sú breyting sem átti sér stað
þann 1. mars hefur ekki aðeins
haft óheppileg áhrif fyrir pyngju
margra borgarabúa, heldur hefur
skapað deilur og særindi meðal
fýrrverandi stöðumælavarða.
Ollum stöðumælavörðum var
sagt upp þann 1. desember á síð-
asta ári og var gefinn kostur á
endurráðningu sem stöðuverðir
þann 1. mars, að því tilskyldu að
þeir hefðu lokið 1. mánaðar
námskeiði. Að sögn Péturs Pét-
urssonar, starfsmannastjóra
Reykjavíkurborgar var það gert
„til að hafa alla möguleika opna,
til þess að skapa svigrúm.“ Sagði
Pétur að ekki hefði á þetta svig-
rúm reynt og allir hefðu verið
endurrráðnir. En hér stendur
hnífurinn í kúnni. Hluti stöðu-
mælavarða var endurráðinn sem
stöðuverðir, en 5 aðrir fengu að-
eins endurráðningu sem stöðu-
mælaverðir. Stöðumælaverðir
voru í launaflokki 226 með byrj-
unarlaun um 33 þúsund krónur
og laun eftir 18 ára starfsaldur
43.076 krónur. Stöðuverðir aftur
á móti, og í þeim hópi er allt
unga, afkastamikla og nýráðna
fólkið er í launaflokki 233 og hef-
ur rúm 40 þúsund í byrjunarlaun
og 52 þúsund eftir 18 ár. Nýráðna
fólkið er sem sagt 6 launaflokk-
um ofar en þeir sem störfuðu
áður sem stöðumælaverðir.
Mismunun eftir
geðþóttaákvörðun
Svo virðist sem geðþóttaák-
vörðun gatnamálastjóra hafi
ráðið því hverjir voru hækkaðir
upp um launaflokka og hverjir
sátu eftir. Það fer a.m.k. ekki
eftir aldurdreifingu hverjir voru
færðir til, því margir þeirra sen
upp voru færðir eru jafngamlir
eða eldri en þeir sem eftir voru
látnir sitja. Mikael Bajic var t.d.
ekki forframaður í starf stöðu-
varðar, en hann er 55 ára.
Ingi Ú. Magnússon gatnamála-
stjóri sagði í samtali við Þjóðvilj-
ann að ástæða þess að menn voru
ekki gerðir að stöðuvörðum og
hafi þar af leiðandi ekki fengið
launahækkun, hafi verið sú að
þeir hafi neitað að fara á nám-
skeið. Þessu neita stöðumæla-
verðirnir fimm alfarið. Haukur
Sveinsson, sem starfað hefur 52
ár hjá borginni og þar af rúm 8 ár
sem stöðumælavörður, sagði að
hann hefði mætt á fyrsta nám-
skeiðið, en verið gerður brott-
rækur. „Okkur hafa engar skýr-
ingar verði gefnar á þessari fram-
komu. Auðvitað vitum við meira
um starfið en þetta fólk sem er
verið að ráða núna. Við vitum að
það byggist ekki síst á tillitssemi
og kurteisi. Auðvitað getum við
sinnt stöðubrotum, ekki síst ef
Ýið fengjum að mæta á námskeið.
En það er alrangt að við höfum
neitað að mæta á námskeið,"
sagði Haukur. Vildi Haukur að
fram kæmi að með harðfylgi og
íhlutun Starfsmannfélags
Reykjavíkurborgar hefði tekist
að hækka þá sem eftir sátu um
þrjá launaflokka, úr 226 í 229 nú í
júlí. Enn skilja þó 4 launaflokkar
samstarfsfólkið að.
Námskeiö í ólestri
Hvað þessi námskeið varðar að
öðru leiti, að þá eru allir sammála
um að þau hafi ekki gengið eins
og til var ætlast. Ætlast var til að
stöðumælaverðir og aðrir sem
kæmu til greina í starf stöðu-
varða, lykju mánaðarnámskeiði
hjá lögreglunni. í uppsagnarbréfi
sem gatnamálastjóri sendi starfs-
mönnum sínum l.desember
segir: „Jafnframt er yður gefinn
kostur á endurráðningu miðað
við nýtt starfsskipulag með því
skilyrði að þér standist próf úr um
1. mánaðar námskeiði í lögregl-
uskólanum, sem haldið verður í
febrúarmánuði. Miðað er við að
þeir sem útskrifaðir verða geti
hafið störf í marsmánuði." Ekk-
ert slíkt námsskeið hefur verið
haldið, heldur aðeins kvöldnáms-
skeið þrjú kvöld. Ef farið hefði
verið eftir innihaldi þessa upp-
sagnarbréfs ætti enginn stöðu-
vörður vera starfandi í dag. En
kvöldnámskeiðin dugðu nýliðun-
um og þeim stöðumælavörðum
sem á þau fengu að fara til stöðu
og launahækkunar. Síðan er ætl-
unin, samkvæmt því sem Pétur
Pétursson, starfsmannastjóri
sagði að þegar þessir aðilar hafi
lokið sínu mánaðarnámsskeiði að
þeir hækki enn um launaflokk.
Eftir sitja hinir með sárt ennið og
rýra pyngju.
Ónotaálag
Þó svo enginn verði feitur af
rúmum 4o þúsundum í mánaðar-
laun, viðurkenndi Pétur Péturs-
son að þessi launaflokkur, 233
væri óvanalega hár fyrir byrjend-
ur. „En það ber líka að líta á það
að þetta fólk er í mjög nánum
tengslum við borgarann og þá oft
undir dáh'tið leiðinlegum aðstæð-
um. Starfsfólkið verður dálítið
fyrir barðinu á þeim sem brot-
legir eru.“ Stöðuverðir fá m.ö.o.
nokkurs konar „ónotaáiag“
v ;gna þess að Reykvíkingar hafa
ekki viljað taka þessari auknu
skattheimtu þegjandi. En séu
þessi rök lögð til grundvallar ættu
þau auðvitað að gilda um þá
stöðumælaverði sem ekki fengu
hækkun. Nema þá að yfirmenn
þeirra hafi séð út hversu kurteisir
opg prúðir starfsmenn þeir væru
og að þeir væru ekki líklegir til að
áreita borgarann með starfi sínu.
Því þurfi þeir ekki á neinu
„ónotaálagi" upp á 6 launaflokka
að halda!
-phh
NÝTT HELGARBLAÐ - ÞJÓÐVILJINN - SÍÐA 7