Þjóðviljinn - 17.03.1989, Blaðsíða 2

SKAÐI SKRIFAR
0
Eins og þið vitið öll stendur ættarfé mitt, Skaða, víða fótum. Ég á
nána ættingja í öllum flokkum og það er náttúrlega mikill húskross
þegar maður er í vondu skapi en búhnykkur ef maður er í skapi til að
skemmta sér og stríða þessum aumingjum sem ekki eiga alminni-
legan Sjálfstæðisflokk á bak við sig eins og ég, sem var alltaf velkom-
inn heim til Ólafs Thors bæði fyrir og eftir mat
Einn frændinn er nú hann Kalli, sem heitir í höfuðið á Karli Marx og
hefur mar^a hildi háð og stenst ekki reiðari en þegar hann er kallaður
allaballi. Eg er sósíalisti, segir hann eins og það sé eitthvað merkilegt.
Syndum vér fiskarnir, sögðu hornsílin.
Ég hitti Kalla á dögunum og spurði hann hvort honum liði ekki vel í
stjórnarsamstarfinu.
Nei, sagði hann. Mér verður ekki um sel í stjórnarsamstarfi. Mér
finnst það svo ónáttúrlegt eitthvað að vera í stjórn.
Af hverju? spurði ég sisona.
Af því ég vil fá að vera á móti þessu andskotans þjóðfélagi í friði.
Ekki get ég tekið trú á þennan andskotans rlkiskassa eins og Ólafur
Ragnar. Hvað varðar mig um þennan þjóðarhag ukkar?
Mér finnst nú, sagði ég og gerði mig Ijúfan og umburðarlyndan í
framan, að þið kommarnir hafið þokast töluvert til nokkurs manndóms
upp á síðkastið. Þið þorið að minnsta kosti að vera með í að stjórna
kreppunni eins og ábyrgir menn.
Ég kalla það ekki að þora, sagði Kalli, að álpast út í lífsháska. Að
sitja í svona stjórn það er eins og að vera í þessum fræga bát í vísunni:
Eitt sinn flutt var yfir á
úlfur lamb og heypokinn
ekkert granda öðru má
eitt og mann tók báturinn
Þú manst þetta Skaði, þá má ekki skilja eftir úlf og lamb saman án
eftirlits og ekki lamb og heyþoka og þetta er feiknahnútur, pólitískur og
siðferðilegur
Og hver er þá hvað, Kalli minn? spurði ég. Hlýtur Steingrímur ekki
að vera heypokinn svo sem í anda hinnar hvanngrænu sögu Fram-
sóknarflokksins?
Nei þvíernú verr, sagði Kalli. Steingrímur hefurskiptum ham. Hann
er í rauninni úlfur í sauðargæru, sem mun háma í sig lambið eftir að
það hefur étið heypokann.
Þú ætlar þó ekki að fara að kalla Ólaf þinn Ragnar heypoka?
Nei, ég veit það passar ekki, og ekki fyrir Jón Baldvin heldur og
einhver guðs blessuð lömb eru þeir ekki heldur. Kannski þeim takist
að slá sig saman og verði úr þeim sameinaður alþýðlegur lambhrútur,
sem stangar mann og annan svo jafnvel úlfurinn má fara að vara sig.
Já, en þá gengur gátan ekki upp Kalli, sagði ég. Hver er þá heypok-
inn?
Já komdu þar, sagði Kalli þungt hugsi. Kannski er heypokinn bar-
asta þessi alþýða sem stundum er verið að minnast á og er svo
formlaus og skoðanalaus sem skraufþurrt hey og verður áreiðanlega
étin fyrr en síðar, hver sem það gerir.
Já, sagði ég, en hver er þá maðurinn í bátnum, þessi sem er að flytja
úlf og lamb og heypoka yfir lífsins fljót?
Það er líka mjög flókið mál Skaði, sagði Kalli. Sumir halda að þetta
sé Stefán Valgeirsson. En þeir sem leggjast dýpra segja að maðurinn
sé Jóhannes Nordal eða eitthvert annað vaxtatröll og þá skipti farþeg-
arnir í bátnum í rauninni litlu máli eða hvort þeir éti hver annan eða
ekki. En ef svo er, er þá ekki allt fútt farið úr gátunni?
Við þögðum stundarkorn frændurnir og hvor hugsaði sitt. Svo segir
Kalli:
Og svo er það þessi spurning: Til hvers er verið að fara yfir ána? Gat
þetta lið ekki verið kyrrt? Veit nokkur hvað bíður hinum megin á
bakkanum?
Það liggur í augum uppi, sagði ég. Þegar þessir þrírskipta með sér
hlutverkum á báti, þá er förinni heitið beint í ófrelsið. Hið íslenska
Gúlag. Svo hefur Hannes sagt.
Nei Skaði, sagði Kalli og hristi hausinn. Þú gleymir manninum í
bátnum. Ég hefi pælt mikið í honum og mig grunar sterklega að hann
sé enginn annar en Auövaldið sjálft. Auðvaldið sem hefur komið öllu
svo haganlega fyrir, að farþegarnir vita varla af því, heldur fara barasta
eftir þess reglum eins og aldrei hefði annað komið til greina undir
sólunni. Og þegar yfir kemur mun þessi auðvaldsstýrimaður selja
heyiö, slátra lambinu og loka úlfinn inni á Ssedýrasafninu.
í RÓSA-
GARÐINUM
Hvar er í heimi
hæli tryggt?
Fylgifiskar bjórsins eru margir
og sumir óvæntir. Þannig hefur
bjórinn komið óorði á gangandi
vegfarendur.
Víkurblaóið
Andi yöar skelfist
eigi
Alþýðuflokksmenn þurfa ekki
að hafa áhyggjur af ræðu minni í
dag, sagði Steingrímur Her-
mannsson forsætisráðherra í
morgun.
DV
Laun heimsins
Og nú er mér sagt og les það
jafnvel í blöðunum að ég, þetta
blessað Ijós, sé alversta karl-
skepnan í bænum og æði um rýt-
andi og rymjandi eins og svín í
svaðinu.
Tónlistarrýni í DV
Heimskingi, í nótt
veröur þetta allt frá
þértekiö
Það er kannski von að maður
sem á góða konu, fimm börn og
hundrað miljónir dollara óttist að
tapa því öllu í baráttuni við
krabbamein.
Tíminn
Til dæmis aö safna
ekki óþörfu fylgi
Sjálfstæðisflokkurinn hefur því
margt að læra af Alþýðuflokkn-
um.
Alþýðublaðið
Oft er Ijótur
draumur fyrir litlu
efni
Hinn gamli draumurforystu-
manna Sjálfstæðisflokksins um
Alþýðuflokkinn sem margnota
hækju er nú að breytast í mar-
tröð.
Alþýðublaðið
Nei, hann heföi
náttúrlega ritstýrt
Tímanum
Þess vegna er eiginlega eng-
inn kominn til með að segja að
Þórbergur hefði endilega orðið
sami sósíalistinn og hann varð ef
hann hefði verið í blóma ritferils
síns á öðrum tíma og við aðrar
aðstæður.
Tíminn
Aldrei er f riöur fyrir
karlinum
Ludwig van Beethoven leikur á
rafgítar.
Morgunblaðið
Svo lengi lærir sem
lifir
Níræður maður, Adolfo Fiam-
ma, og sjötug kona hans, Gius-
eppina Scandurra, sem hlupust á
brott fyrir einu ári síðan til þess að
giftast, eru nú skilin að skiptum.
Morgunblaðið
2 SÍÐA - NÝTT HELGARBLAÐ Föstudagur 17. mars 1989