Þjóðviljinn - 17.03.1989, Blaðsíða 21

Eg læt sem ég sofi, en
samt mun eg vaka!
Tíu daga baráttuhátíð gegn her í landi. Herstöðvaandstæðingar minna þjóðina á að
30. marseru40 ár síðan við gengum í Nató
30. mars næstkomandi eru
fjörutíu ár liðin síðan íslend-
ingar urðu stofnaðilar að Atl-
antshafsbandalaginu þrátt
fyrir hörð mótmæli margra
góðra manna sem jafnvel
guldufyrirmeð
mannréttindum sínum.
Samtök herstöðvaandstæð-
inga efna af þessu tilefni til
Menningardaga í Listasafni
alþýðu, Grensásvegi 16, og
er setningarathöfnin strax 22.
mars, á miðvikudaginn kem-
„ ur. ÞáflyturSvavaJakobs-
dóttir ávarp og sönghópur
undir stjórn Arnar Magnús-
sonar flytur lög sem tengjast
friðar- og þjóðfrelsisbaráttu.
Þá verða einnig opnaðar tvær
myndlistarsýningar í listasafninu.
Á annarri verða sýnd verk eftir
um þrjátíu listamenn úr flestum
greinum myndlista, málara,
myndhöggvara, grafíklistamenn
og vefara. Á hinni sem verður í
kaffistofunni verður „Ræxna“
Sigurðar Thoroddsens til sýnis,
skopmyndir af þingmönnunum
sem samþykktu aðild íslands að
Nató. Myndlistarsýningarnar
verða eins konar rammi utan um
fjölbreytta dagskrá menningar-
daganna.
Mál og tónar
Herstöðvamálið er orðið gam-
alt baráttumál, en á menningar-
dögunum verður hleypt nýju
blóði í baráttuna með frumflutt-
um listaverkum í máli, myndum
og tónum. Á skírdag verður fyrsti
viðburðurinn af því tagi þegar
jasssveit skipuð Tómasi R. Ein-
arssyni, Ellen Kristjánsdóttur,
Eyþóri Gunnarssyni og Birgi
Baldurssyni flytur meðal annars
nýtt lag eftir Tómas við ljóðið
Vorregn í Njarðvíkum eftir Guð-
berg Bergsson.
„Þetta lag er Guðmundi Ge-
orgssyni lækni að þakka, það
hlýtur að vera ár síðan hann
minntist á þessa baráttuhátíð við
mig og sagði að það væri gráupp-
lagt að semja eitthvað fyrir hana.
Ég fór að leita að ljóði og fann
þessa næturstemningu eftir Guð-
berg, óhefðbundið ljóð í Endur-
teknum orðum sem freistaði
mín,“ sagði Tómas. Ljóðið lýsir
kyrri nótt og hljóðu regni, en
með morgninum koma flugvélar,
koma stríðsmenn og rjúfa kyrrð-
ina.
Á föstudaginn langa lesa
skáldin Hannes Sigfússon, Helgi
Hálfdanarson, Ingibjörg Har-
aldsdóttir og Þorsteinn frá Hamri
ljóð, Sigrún Valgerður Gests-
dóttir frumflytur sönglög eftir
Sigursvein D. Kristinsson við
ljóð Ólafs Jóhanns Sigurðssonar,
og Páll Eyjólfsson gítarleikari og
Laufey Sigurðardóttir fiðlu-
leikari leika sígilda tónlist.
Meiri tónlist er á laugardaginn
25. mars, þá syngja Eiður Á.
Gunnarsson, Inga Jónína Bac-
kman, Jóhanna Þórhallsdóttir og
Viðar Gunnarsson einsöng.
Viöskulum kalla
það gjörninga
Á páskadag verða Bachtón-
leikar í Listasafninu í umsjón
Kolbeins Bjarnasonar. Það eru
Einar Einarsson og Kristinn
Árnason gítarleikarar, Robyn
Koh semballeikari og Örn
Magnússon píanóleikari sem
flytja einleiksverk eftir Bach.
„Mér datt í hug að það væri
ágætt að stela Bach einmitt á
páskahátíðinni þegar allir kepp-
ast um að flytja hann á háborg-
aralegum samkomum,“ sagði
Kolbeinn. „Þó veit maður ekkert
Föstudagur 17. mars 1989 NÝTT HELGARBLAÐ - SÍÐA 21
hvaða afstöðu hann hefði tekið í
herstöðvamálinu. Hann er að
vísu frjór og frumlegur í tónlist
sinni en varla byltingarmaður
heldur hápunktur á langri þróun.
En ég held að hann eigi vel heima
í þessu samhengi og það verður
gaman að ræða í panelumræðun-
um eftir páska hvernig þessi
gamla list gagnast okkur. Allir
sem hlusta á hana með opin
eyrun verða að betri mönnum,
það er ég sannfærður um.“
Kolbeinn sagði líka að deilt
væri um hvort ætti að leika hljóm-
borðsverk Bachs á sembal eða pí-
anó og yfirleitt veldu menn annað
hvort á tónleikum, en í þetta sinn
verða bæði hljóðfærin notuð.
Á annan í páskum koma sagna-
skáldin, sjá og sigra: Einar Kára-
son, Guðmundur Andri Thors-
son, Kristín Ómarsdóttir, Svava
Jakobsdóttir og Thor Vilhjálms-
son munu lesa úr verkum sínum,
ýmist birtum eða óbirtum.
Og daginn eftir, þriðjudaginn
28. mars, verða tónlistargjörn-
ingar. Aðalmennirnir eru þeir
Elías Davíðsson og Gunnar
Kristinsson, en með þeim leika
Einar Einarsson, Guðni Franz-
son, Ríkharður Friðriksson og
Sigursveinn Magnússon. „Þetta
er stundum kallað anarkistamús-
ík þó að það megi helst ekki,“
sagði Kolbeinn, „köllum það
frekar gjörninga! Þetta eru oft
verk eftir fólk sem ekki hefur tón-
listarmenntun og stundum eru
þessi verk alls ekki leikin á hljóð-
færi. En þau eru spennandi - og
það gengur ekki að vera bara
með Bach!“
Miðvikudaginn 29. mars verð-
ur frumflutt verkið „fsland og
Nató í 40 ár“ eftir Ríkharð Frið-
riksson. Flytjendur eru Jóhanna
Þórhallsdóttir, Guðni Franzson
og Kolbeinn Bjarnason. Rík-
harður er bæði tónskáld og sagn-
fræðingur og nýtw menntunar
sinnar á báðum sviðum í þessu
pólitíska verki. Á eftir verða pall-
borðsumræður um efnið „List og
barátta“.
Var þá kallað
Fimmtudaginn 30 mars, á sjálf-
an höfuðdaginn, verður athöfn á
Austurvelli straxeftir hádegi, kl.
13.00, sem ber heitið: Nafnakall
á Austurvelli. Baldvin Halldórs-
son leikari stýrir henni.
Lokapunkturinn verður svo
baráttufundur í Háskólabíói
sunnudaginn 2. apríl kl. 14.00.
Þar verður mikil og fjölbreytt
dagskrá og þangað kemur gestur
menningardaganna, Peter Armi-
tage mannfræðingur, og heldur
ávarp. Peter er frá Kanada og
hefur lengi barist með ínúítum í
Alaska. Góðir gestir héðan að
heiman eru Bubbi Morthens og
Bjartmar Guðlaugsson, og loks
verður frumflutt leikritið: Rétt-
lætið gegn RÚV eftir Justus.
Brynja Benediktsdóttir leikstýr-
ir.
Góða skemmtun!
SA
Dagur Kl. Staður Viðburðir
Miðvikudagur 22.3. 20.30 Listasafn ASÍ Grensásvegi 16 Listavakan opnuð, einnig málverka- sýning og sýning á Ræxnu.
Fimmtudagur 23.3. 16.00 Listasafn ASÍ Jass. Tómas R. Einarsson og félagar
Föstudagur 24.3. 16.00 Listasafn ASÍ Ljóð og tónar. Skáld og tónlistarmenn.
Laugardagur 25.3. 16.00 Listasafn AS( Einsöngur
Sunnudagur 26.3. 16.00 Listasafn ASl Bachtónleikar
Mánudagur 27.3. 16.00 Listasafn ASÍ Sagnaskáld lesa úr verkum sínum.
Þriðjudagur 28.3. 20.30 Listasafn ASÍ Tónlistargjörningar
Miðvikudagur 29.3. 20.30 Listasafn ASÍ List og barátta, tónlist og pallborðsumræður.
Fimmtudagur 30.3. 13.00 Austurvöllur Nafnakall
Sunnudagur 2.4. 14.00 Háskólabíó Baráttufundur. Flutt leikritið Réttlætið gegn Rúv.
í.tv»s ,Ti
U D i h u-
iv.SS TH'i
■ &0&3 c-s
Klippið út og geymið dagskrána