Þjóðviljinn - 22.04.1989, Síða 8

FOSTl JD AGSFRETTTR
BSRB
!
Samstaða um samningana
Um 84prósent með samningunum íatkvœðagreiðslu BSRB- félaganna. Ögmundur Jónasson: Lýsir
félagslegumþroska og styrk samtakanna. Einar Ólafsson: Burtmeð „eittpar fram fyrir ekkjumanrí‘
Félagslegur þroski ogsamstaða
innan BSRB, sagði Ógmundur
Jónasson í gær vera það sem eink-
um lægi að baki afdráttarlausum
niðurstöðum í atkvæðagreiðslu
félaga sinna um nýgerða samn-
inga, þarsem 84 prósent sögðu já.
Aðrir forystumenn BSRB bættu
svo við þriðju ástæðunni: ein-
dreginni traustsyfirlýsingu við
formanninn Ögmund Jónasson.
Úrslit voru kynnt um miðjan
dag í gær í tíu af eilefu BSRB-
félögum sem sömdu fyrr í mánuð-
inum. Fóstrur, meinatæknar og
lögreglumenn eiga eftir að ganga
frá samningum sínum, og önnur
bæjarfélög en Reykjavík eiga at-
kvæðagreiðslu eftir. Þá verða úr-
slit hjá starfsmönnum flugmála-
stjórnar ekki kunn fyrr en eftir
helgi.
BSRB-niðurstöðurnar
Stuðningur við
launastefnuna
Ólafur Ragnar
Grímsson: BSRB-
félagar hafa svarað
afdráttarlaust atlögum að
samningsgerðinni
Ánægjuleg tíðindi, sagði
Ólafur Ragnar Grímsson fjár-
málaráðherra um úrslitin í
BSRB-félögunum. - Þetta eru
óvenjulega ótvíræð og skýr úrslit
og mikill stuðningur við þá
launastefnu sem mótaði gerð
þessara kjarasamninga.
-í þeim er gengið útfrá tveimur
höfuðatriðum, annarsvegar að
launahækkanir komi fyrst og
fremst í hag þeim sem Iægri hafa
launin og hinsvegar að svokallað-
ar kvennastéttir hafi forgang í
launabótum og réttindamálum.
Þessar áherslur eru meðal þeirra
sem sett hafa svip á launastefnu
Alþýðubandalagsins á undan-
förnum árum, og mótuðu það
stjórmálalega viðmið sem ég
reyndi að hafa í heiðri við þessa
vinnu. Það eru ánægjuleg tíðindi,
líka vegna framtíðarinnar, að
slíkur samningur skuli hljóta jafn
einstæðan stuðning.
-Að sjálfsögðu hafa menn
einsog alltaf ólíkt mat á upphæð-
unum sjálfum, en engu að síður
sýna niðurstöðurnar ótvíræðari
stuðning við launastefnuna og
sjálfan samninginn en nokkur
spáði þegar hann var gerður. Hin
ólíklegustu öfl gerðu atlögu að
þessum kjarasamningi, og má þar
sérstaklega minnast hins sér-
kennilega bandalags Vinnuveit-
endasambandsins og Kvennalist-
ans. Félagsmenn BSRB hafa
svarað þessum atlögum á lýðræð-
islegan hátt í skýru máli.
-Þessi úrslit hljóta einnig að
verða þeim félögum sem nú
standa í kjarasamningum tilefni
til að hugleiða að nýju áherslur í
viðræðunum.
-Næsta skref í samskiptum
ríkisstjórnarinnar og BSRB er að
hefja þær viðræður um lífskjör og
félagsleg réttindi sem við
sömdum um. Þessi úrslit verða
mjög góður stuðningur í þessum
viðræðum og gefa þeim lýðræðis-
iegan styrk. Eg á von á að þær
hefjist mjög fljótlega, sagði
Ólafur Ragnar að lokum.
Á kjör- Kusu % Já % Nei % Auðir %
skrá /óg.
Starfsmf. ríkisstofnana 4844 3782 78 3118 82,5 583 15,4 81 2,1
Starfsmfél. Reykjavíkurb. 2614 889 34 760 85,5 121 13,6 8 0,9
Póstmannafélag Islands 1001 797 80 705 88,4 85 10,6 7 0,8
Fólag ísl. símamanna 895 697 78 603 86,5 82 11,8 12 1,8
Fél. starfsm. stjráðsins 267 240 90 171 71,2 53 22,1 16 6,7
Ljósmæðrafélag Islands 123 80 65 67 83,8 12 15,0 1 1,3
Tollvarðafél. Islands 112 76 68 70 92,1 5 6,6 1 1,3
Starfsmf. ríkisútvarpsins 98 84 86 70 83,3 13 15,5 1 1,2
Starfsmf. Sjónvarpsins 84 67 80 62 92,5 5 7,5 0 0,0
Starfsmf. Sjúkrasaml. Rvk 28 28 100 24 85,7 1 3,6 3 10,7
Alls 10066 6740 67,0 5650 83,8 960 14,2 130 1,9
Niðurstöður eru mjög á sama
veg í félögunum, almennt segja
yfir 80% já, og yfir 90% meðal
tollvarða og sjónvarpsmanna.
Síst er jákvæðið í stjórnarráðinu,
um 70%. Ekjci nema þriðjungur
kaus í Reykjavíkurfélaginu, en í
hinum var kjörsókn góð, að með-
altali rétt um 80%. Aðeins um
tvö prósent skiluðu auðu eða
gerðu ógilt, og sagði reyndur
samningamaður við Þjóðviljann
að hann hefði búist við að mun
fleiri greiddu þannig atkvæði.
Atkvæðagreiðslan mun vera
hin ótvíræðasta í sögu BSRB.
Síðustu samningsafgreiðslur voru
1987, þegar um 75% samþykktu,
og 1986 þegar um 67% sam-
þykktu.
Einar Ólafsson formaður SFR,
stærsta BSRB-félagsins, sagðist á
blaðamannafundi í gær fagna
niðurstöðunum og minnti á að
verklagshugmyndirnar hefðu
fæðst hjá starfsmönnum ríkis-
stofnana. Hér hefði verið tekið á
félagslega og í samstöðu, sem
væri af hinu góða. Kjarabót væri
ekki mikil í samningunum, en
þeim mun meiri ábyrgð. At-
kvæðagreiðslan væri í raun skoð-
anakönnun um kjarastefnuna og
fæli í sér mikla viðhorfs-
breytingu. „Hjálpi þeim sem ætl-
ar sér eftir þetta að næra þá sem
lifa á verðbólgu" sagði Einar.
„Það verður erfitt að tala við okk-
ur þegar líður undir áramót ef
leikurinn hefst einu sinni enn
með „eitt par fyrir ekkjumann" í
samningunum.“
-Það er oft sagt í hátíðaræðum
að það verði að jafna launamun-
inn og hækka lægstu launin, sagði
Ögmundur Jónasson formaður
BSRB, „félagar í BSRB hafa sýnt
með þessari atkvæðagreiðslu að
þar er samræmi milli orða og at-
hafna. Nú verða stjórnvöld að
sýna að þeim sé alvara í verð-
lagsmálum og öðrum loforðum
sínum, við ætlumst til að þessi
heit séu haldin og tíminn notaður
til að undirbúa næstu skref í sókn
til bættra lífskjara."
Ragnhildur Guðmundsdóttir
varaformaður BSRB og leiðtogi
símamanna þakkaði Ógmundi
hans framgöngu, í fyrstu samn-
ingunum sem hann leiðir hafi
hann verið „ósérhlífinn, duglegur
og fundvís á réttu augnablikin“
og sé ástæða til mikillar bjartsýni
með framtíðina.
Indriði H. Þorláksson formað-
ur samninganefndar ríkisins
sagðist telja samninginn sann-
gjarnan og hefði „kannski ekki
mátt vera mikið öðruvísi á hvor-
ugan veginn“. Samningurinn og
atkvæðagreiðslan um hann bæru
vott um ábyrgð, félagslegan
styrk, og hugrekki þeirra sem að
hefðu staðið.
-m
Jón Ragnar Höskuldsson framkvæmdastjóri tölvumiðstööva sparisjóðanna kynnti fréttamönnum notkun
símabankans á blaðamannafundi í gær. Mynd Jim Smart.
Símabanki
Símabanki sparisjóðanna nefn-
ist ný þjónusta sem sex sparisjóð-
ir hleypa af stokkunum í lok þessa
mánaðar. Er hér um að ræða
þjónustu sem gerir viðskiptavin-
um sparisjóðanna kleift að
hringja hvar og hvenær sem er og
fá upplýsingar um viðskipti sín,
auk ýmissa annarra upplýsinga.
Það er gert ráð fyrir því að síma-
bankinn geti sparað mönnum
mikla fyrirhöfn.
Þær upplýsingar sem boðið er
upp á eru m.a. staða reiknings,
upplýsingar um síðustu hreyfing-
ar reiknings, sparisjóðsfréttir og
svo er jafnframt hægt að leggja
inn beiðni um millifærslu.
Gert er ráð fyrir að þjónusta
þessi létti svo á starfsfólki að hægt
verði að fækka um eitt stöðugildi
hjá SPRON.
Þeir sparisjóðir sem standa að
símabankanum eru Sparisjóður
Reykjavíkur og nágrennis, Spari-
sjóður vélstjóra, Sparisjóður
Kópavogs, Sparisjóður Hafnar-
fjarðar, Sparisjóðurinn í Kefla-
vík og Sparisjóður Mýrasýslu.eb
KÍ - ríkið
Viðræður á BSRB-nótum
SigríðurJóhannesdóttir KÍ: Erum sjálfstœtt stéttarfélag. Ekki nógu stór skref énn hjá ríkinu
Við vorum ekki nógu ánægð
með síðasta fund, en það
slitnaði ekki upp úr viðræðum
heldur munum við hittast aftur á
miðvikudag, sagði Sigríður Jó-
hannesdóttir í kjararáði KÍ um
samningafundinn með ríkinu á
sumardaginn fyrsta. - í stórum
dráttum er gengið út frá BSRB-
samkomulaginu í okkar við-
ræðum og Ijóst að veruleg hækk-
un grunnlauna eins og í upphaf-
legum kröfum er ekki lengur á
borðinu í viðræðunum núna,
sagði Sigríður.
- Við lögðum fram tillögur um
endurbætur á skólastarfi en
samninganefnd ríkisins taldi þá
að kostnaður þeirra vegna ætti að
greiðast af því hálfa prósenti sem
talað er um að eigi að fara í
launaflokkatilfærslur. Ég veit
ekki hvort þetta var einhver mis-
skilningur hjá samninganefnd-
inni, en okkur finnst ekki að við
eigum að borga af okkar launum
fyrir bætt skólastarf í landinu,
sagði Sigríður.
Aðspurð um hvort KÍ teldi sér
fært að semja á undan HÍK, sagði
Sigríður að það yrði að skoða í
ljósi þeirra tilboða sem Iægju á
borðinu. „Við erum sjálfstætt
stéttarfélag, þrisvar sinnum fjöl-
mennara en HÍK og eigum um
margt annarra hagsmuna að gæta
en þeir. Það er ekki hægt að gefa
út neina yfirlýsingu um það fyrir-
fram, það kemur að því einhvern
tíma að við viljum semja. Það
skilur á milli að þeir eru í BHMR,
en þar fyrir viljum við veita þeim
góðan stuðning í þeirra baráttu.
En annað hvort er maður í samn-
ingaviðræðum til að ná samning-
um eða maður lýsir því yfir að
maður ætli að láta það vera og
bara bíða þangað til einhvern
tímann,“ sagði Sigríður.
Wincie Jóhannsdóttir, formað-
ur HÍK sagðist ekki líta þannig á
að það væri inn í myndinni að Kí
semdi á undan HÍK. „Samninga-
nefnd ríkisins og ýmis blöð eru að
reyna að gera mikið mál úr því að
KI er í viðræðum en við erum alls
óhrædd við það. Ég hef enga
ástæðu til að halda að Kí muni
semja á undan okkur og vil ekki
taka afstöðu til hvaða áhrif það
gæti haft á samskipti félaganna
fyrr en og ef að því kemur. Fé-
lögin stefna að sameiningu og sú
vinna er enn í gangi,“ sagði Winc-
ie Jóhannsdóttir.
phh
-m
8 SÍÐA - NÝTT HELGARBLAÐ Laugardagur 22. apríl 1989