Dagblaðið Vísir - DV - 27.11.1995, Blaðsíða 24

Dagblaðið Vísir - DV - 27.11.1995, Blaðsíða 24
T 36 MÁNUDAGUR 27. NÓVEMBER 1995 Fréttir Verksamningarnir í Kópavogi: Pólitískur aurburður - segir Gunnar I. Birgisson „Kristján er að slá sig til pólitísks riddara í þessu máli þar sem Guð- mundur Oddsson er að hætta. Hann er að sýna að hann er verðugur for- ingi og reynir að koma pólitískum aurburði á mig og Sigurð. Mér þyk- ir þetta lágkúran í hámarki enda virðist það vera aðalstíll Kristjáns Guðmundssonar að rægja menn og fyrirtæki," segir Gunnar I. Birgis- son, formaður bæjarráðs í Kópavogi og forsrjóri Klæðningar hf. Gunnar segir að gerð hafi verið verðkönnun vegna uppfyllingar í Kópavogshöfn síðasta vetur og í framhaldi af því hafi hafnarstjórn ákveðið að ganga til samninga við Klæðningu. Sú fundargerð hafi ver- ið samþykkt athugasemdalaust í bæjarráði og bæjarsrjórn. Hann segir að verksamningur hafi verið gerður milli bæjarstarfs- manna og starfsmanna Klæðningar og Sigurður Geirdal bæjarsrjóri og Gunnar Birgisson forstjóri síðan skrifað undir. Gunnar segist ekki hafa komið nálægt samningsgerð- inni sjálfri og samningurinn hafi ekki verið lagður fyrir bæjarráð frekar en aðrir samningar. Gunnar segist ekki vilja svara yfirlýsingum Kristjáns Guðmunds- sonar um að samningarnir séu þvert á allar leikreglur og lítilsvirð- ing við bæjarráð og bæjarstjórn öðruvísi en með því að segja: „Það er alls ekkert óeðlilegt í þessu máli." -GHS Kj alarneshreppur: Seljum eignir til að ná skuldunum í viðunandi horf - segir sveitarstjórinn Sveitarstjórnin í Kjalarneshreppi ætlar að selja félagslegar íbúðir, jarðir og aðrar eignir sveitarfélags- ins til að ná skuldum sveitarfélags- ins í viðunandi horf auk þess sem 43 milljóna króna framlag fáist úr Jöfnunarsjóði sveitarfélaga vegna nýbyggðs íþróttahúss á Kjalarnesi. Jón Pétur Líndal sveitarstjóri segist búast við að skuldunum verði náð úr 415 þúsund krónum niður í 70-90 þúsund krónur á hvern íbúa innan ekki of langs tíma en hreppurinn er eitt skuldugasta sveitarfélagið á landinu í dag. „Síðan erum við með nokkrar eignir sem við höfum hug á að selja. Það eru lönd og jarðir sem við eig- um og fleira tengt því sem er engin þörf á til að reka sveitarfélagið, heldur eignir sem við eigum um- fram það sem sveitarfélög þurfa al- mennt á að halda. Það var alltaf meiningin að eiga þetta í handrað- anum og selja ef á þyrfti að halda en þetta er töluvert stór eign. Þá erum við komnir niður í töluvert góða stöðu í þessum samanburði," segir Jón Pétur. Skuldir Kjalarneshrepps eru til komnar vegna byggingar íþrótta- húss, sundlaugar, félagslegra íbúða og fleiri framkvæmda í hreppnum á síðasta ári. -GHS Nefnd um fóstureyöingar: Ekki tekist á um völd við landlækni Nefnd um fóstureyðingar og ófrjó- semisaðgerðir hefur sent frá sér til- kynningu þar sem því er lýst yfir að nefndin sé ekki í valdabaráttu við landlækni. Fyrir tveimur mánuðum lagði nefndin fram kæru til ríkis- saksóknara á hendur landlækni þar sem hann heimilaði fóstureyðingu hjá konu eftir að nefndin hafði neit- að henni. Málið er nú til meðferðar hjá Rannsóknarlögreglu ríkisins. í tilkynningu nefndarinnar segir að skilja megi yfirlýsingar land- læknis í fjölmiðlum á þann veg að um valdabaráttu sé að ræða. Af hálfu nefndarinnar sé svo ekki þótt hins vegar megi vera að þær aðgerð- ir landlæknis, sem leiddu til kærunnar, hafi einkennst af þess háttar afstöðu hans sjálfs gagnvart nefndinni og starfi hennar. „Berist nefndinni vitneskja um brot á lögunum hlýtur hún að bregð- ast við því samkvæmt starfsskyld- um sínum. Fóstureyðingalöggjöfin fjallar ekki einvörðungu um rétt kvenna til fóstureyðingar heldur er það jafnframt tilgangur laganna að vernda líf. Brot á lögunum eru því alvarlegs eðlis og viðbrögð nefndar- innar við þeim eiga ekkert skylt við valdabaráttu af nefndarinnar hálfu," segir í tilkynningu nefndar- innar, sem undirrituð er af þeim Benedikt Sveinssyni, Sigríði Ólafs- dóttur og Kristínu Kristmundsdótt- ur. -kaa Vagga Landsímans var á Seyðisf irði Jóhann Jóhannsson, DV, Seyðisfiröi: Um fáein ártöl í íslandssögunni leikur ljómandi birta. Árið 1904 varð Hannes Hafstein fyrsti íslenski ráðherrann - og yfirstjórn málefna landsins varð nú stöðugt meira í stjómarráðinu í Reykjavík. 1906 komst landíð í beint samband við umheiminn með símastreng. Átti ráðherra þar drýgstan hlut að máli. Strengurinn var tekinn í land á Seyðisfirði og enn þá stendur húsið sem fyrsta landsímastöðin var í og er það nú bæði ráðhús og minjasafn. Höfuðstöðvar ritsímans voru á Seyðisfirði til 1942 og fyrr á tíð störf uðu þar oft einir 14 símritarar. í sumar morsesendiborð sem tengdi saman Seyðisfjörð, Þórshöfh, Lerwick og London. Reykjavík fékk svo sam- band við London gegnum Seyðisfjörð. 1942 fluttust aðalstöðvarnar til Reykjavíkur með aukinni tækni. Á afmælisárinu hefur verið gagn- merk og áhugaverð sýning í minja- safninu á alls konar tækjum allt frá fyrstu árum Landsímans. Þau eru langflest í nothæfu ástandi enn þá og hefur umhirða þeirra og viðhald vakið undrun og aðdáun sýningar- gesta. Síðustu daga hafa grunn- skólanemendur skoðað safnið og kynnst því hver munur er á fjar- skiptum í upphafi aldarinnar og tölvusámskiptum nú í aldarlok. Heiðurshjónin Grýla og Leppalúði ætla að skreyta bæ sinn með 15 metra háu rauðgrenitré nú fyrir jólin. Tréð kom til landsins í vikunni og er nú komið á sinn stað í jólabænum Hveragerði en þar mun boðið upp á jólagleði mikla með fjölskylduskemmtun í desember. DV-mynd GVA Hrossaræktardeild Svarfdælinga óánægð með ráðunaut: Bændaforystan veiti honum áminningu margar smásýningar eru molbúaháttur segir Kristinn Hugason Hrossaræktardeild Svarfdælinga hefur óskað eftir því við forystu Bændasamtakanna að Kristni Huga- syni hrossaræktarráðunauti verði veitt áminning vegna ummæla hans við hestamenn eftir héraðssýningu kynbótahrossa á Dalvík í vor. Vegna slæmrar hegðúnar ráðunaut- arins óska hestamennirnir eftir því að bændaforystan sjái til þess að þeir þurfi ekki að hafa nánari sam- skipti við hann. Við kaffiborðið á héraðssýning- unni í vor spurði einn sýnenda hrossaræktarráðunautinn hvort hægt væri að hafa yfirlitssýningu á staðnum strax að lokinni forsýn- ingu til að spara mönnum kostnað og fyrirhöfn við að flytja hrossin 150 kílómetra leið fram og til baka á Melgerðismela. I bréfi Hrossaræktardeildarinnar til formanns og framkvæmdastjóra Bændasamtakanna segir að hrossa- ræktarráðuneyturinn hafi við þessa fyrirspurn umhverfst, ausið skömm- um og persónulegum svívirðingum yfir mennina, „kallaði þá gamaldags molbúa og álíka skáldlegum nöfn- um," eins og segir í bréfinu. Þá mun ráðunauturinn hafa sak- að menn um „flokkspólitíska and- stöðu" við sig og vikið „ósmekkleg- um orðum að starfsbróður sínum og fleiri mönnum að þeim fjarstödd- um", eins og segir í bréfinu. Vegna þessa óska hrossaræktarmennirnir eftir því að þeim verði forðað frá nánari samskiptum við manninn. „Mér koma þessi bréfaskrif ákaf- lega á óvart og ég tel viðbrögð Svarf- dælinga óskiljanleg þar sem þarna var um fámennt kaffisamsæti í kaffistofu í hesthúsi að ræða. Mér þykir hlálegt að menn telji það efhi til bréfaskrifa. Ég tel að ég hafi ekki á nokkurn hátt brotið á móti því sem snertir mitt embætti eða starf," segir Kristinn Hugason hrossarækt- arráðunautur. „Ég hef ýmislegt að athuga við sýningahald á Eyjafjarðarsvæðinu og lét þær aðfmnslur i ljósi. Ég sagði að það væri molbúaháttur að halda margar smásýningar í litlu héraði, eins og Eyjafirði, miðað við Suðurland allt þar sem haldin er ein stór sýning enda sýnir framvinda hrossaræktar á Suðurlandi, svo ekki verður um villst, að sýninga- hald er þar á réttri leið," segir Krist- inn Hugason hrossaræktarráðu- nautur. -GHS

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.