Dagblaðið Vísir - DV - 21.02.1996, Blaðsíða 5

MIÐVIKUDAGUR 21. FEBRÚAR 1996
5
dv Fréttir
Hólmadrangur
með 190 tonn
af rækju
DV, Hólmavík:
Frystitogari Hólmvíkinga,
Hólmadrangur ST 70, landaði ný-
lega tæplega 190 tonnum af rækju á
Hólmavík og verður meginhluti
þessa mikla afla fullunninn í frysti-
húsum Hólmadrangs hf. á Hólmavík
og Drangsnesi.
Skipið er farið til rækjuveiða á ný
og að þessu sinni var stefnan tekin
á Flæmingjagrunn. Ætlunin er að
skipið verði þar að veiðum næstu
mánuðina, jafnvel fram á sumar, að
sögn framkvæmdastjórans, Gústafs
Daníelssonar. Landað verður í
Kanada og þar keyptur kostur og
aðrar nauðsynjar. Við áhafnaskipti
verður flogið með sjómennina milli
landanna.
Þetta er í fyrsta sinn sem útgerð
þessa skips leitar fyrir sér með
rækjuveiðar á þessum fjarlægu mið-
um. 17 menn eru í áhöfn skipsins.
-GF
Akranes:
Metaðsókn í
sundlaugina
DV, Akranesi:
Algjör metaðsókn var að sund-
laug Skagamanna á Jaðarsbökkum í
janúarmánuði enda veðurblíða all-
an mánuðinn. Alls voru gestir 6206
eða fleiri en íbúar á Akranesi eru. í
sama mánuði 1995 voru sundlaugar-
gestir 4051 þannig að í janúar nú
voru sundlaugargestir 2150 fleiri en
sóttu laugina í janúar í fyrra.
„Þetta sýnir svart á hvitu að við
erum að gera góða hluti hér á Skag-
anum og þreksalurinn á þar hlut að
máli. Gestum íjöigar þar og á eftir
er farið í laugina," sagði Kristinn
Reimarsson, framkvæmdastjóri
íþróttamiðstöðvarinnar á Jaðars-
bökkum, í samtali við DV. -DÓ
Öskudagshátíð:
Nýfædd kvíga til
sýnis og köttur-
inn í tunnunni
Kvígan Vænting, þriggja vikna göm-
ul, verður til sýnis í húsdýragarðinum á
Öskudagshátíð í dag. Þar verða og hef-
bundnari öskudagslæti framin, svo sem
að slá köttinn úr tunnunni.
Hátíðin hefst klukkan eitt og stendur
til hálfFimm. Allir gestir eru hvattir til
að koma í grímubúningum og boðið
verður upp á andlitsmálun, leikrit og
brandarakeppni. Þá verða hestar teymd-
ir undir börnum.
Aðgangseyrir er 100 krónur fyrir
börn og 200 krónur fyrir fullorðna. -GK
RAFSTÖÐVAR
Viðurkennd vörumerki
Yamaha bensínrafstöðvar
1.2 kW, kr. 84.790
2.2 kW, kr. 97.570
Yanmar dísilrafstöðvar
4,2 kW, dísil, kr. 286.350
Einnig traktorsdrifnar
rafstöðvar á hagstæðu
vio hjálpum
með þinni
lands...
Rauði kross Islands gegnir
mikilvægu hlutverki í skipulagi
Almannavarna ríkisins og á
síðasta ári veitti félagið tugum
fjölskyldna margs konar aðstoð
í kjölfar hörmulegra
náttúruhamfara.
50 deildir Rauða kross íslands
eiga fjóra af hverjum fimm
sjúkrabílum í landinu og árlega
eru nær 17 þúsund einstakl-
ingar fluttir í bifreiðum
deildanna.

Þúsund manna komu á nám-
skeið á vegum félagsins, flestir á
námskeið í skyndihjálp.
700 unglingar hafa dvalið í
Rauðakrosshúsinu - neyðar-
athvarfi fyrir börn og ung-
linga, og 34 þúsund manns
hafa hringt í trúnaðar-
800 5151.
Um 20 manns koma að
meðaltali á degi hverjum í Vin
- athvarf fyrir geðfatlaða.
Félagið hefur aðstoðað flótta-
menn hér á landi í áratugi.
Rauði kross Islands er helsti
styrktaraðili Alnæmissam-
takanna og styður við ýmsa
aðra starfsemi í þágu þeirra
sem minna mega sín.
Arlega dvelja um 800 manns
á Sjúkrahóteli RKÍ.
,og utan
Hjálparsjóður Rauða kross
Islands veitti 92 milljónum
króna til neyðar- og þróunar-
aðstoðar erlendis á síðasta
starfsári. Félagið svaraði
beiðnum um aðstoð frá
53 löndum.
Félagið stendur að þróunar-
verkefnum í Lesótó, Mós-
ambík, Gambíu og Palesrínu.
Árlega eru um 20 sendi-
fulltrúar við margvísleg
hjálparstörf erlendis.
► Öskudagurinn er fjáröflunardagur
deilda Rauða kross íslands.
Þú getur lagt okkur lið með því
að kaupa penna í dag.
RAUÐI KROSS ISLANDS
A plús, auglýsingastofa ehf.