Dagblaðið Vísir - DV - 15.03.1996, Blaðsíða 4

4
FÖSTUDAGUR 15. MARS 1996
Fréttir
Frumvarpið um Atvinnuleysistryggingasjóð:
Það er ekki tekið á hinum
raunverulega vanda
- segir Pétur Sigurðsson, formaður stjórnar sjóðsins
„Mér líst ekki of vel á það sem ég
hef heyrt og séð af þessu frumvarpi.
Ef menn hefðu verið að taka á og
koma í veg fyrir misnotkun á at-
vinnuleysisbótunum þá hefði ég
fagnað því. Það er hins vegar ekkert
um það að fmna í þessu frumvarpi.
Það er gríðarleg misnotkun í þessu
kerfi og það hefur legið fyrir alla
tíð. Það hefur aldrei fengist umræða
um það. Þetta er of pólitískt við-
kvæmt mál til þess að menn hafi
viljað ræða það. Það kemur síðan
niður á þeim sem eru raunverulega
atvinnulausir. Það er dregið af þeim
vegna misnotkunarinnar," sagði
Pétur Sigurðsson, forsetj Alþýðu-
sambands Vestfjarða og formaður
stjórnar Atvinnuleysistrygginga-
sjóðs, i samtali við DV um boðað
frumvarp til laga um Atvinnuleysis-
tryggingasjóð .
Hann nefnir sem dæmi að eitt
þúsund verslunarmenn séu skráðir
atvinnulausir en segist ekki vita til
að samdráttur hafi átt sér stað í
þeirri atvinnugrein. Hluti þess sé
auðvitað vegna lágra launa.
„Það borgar sig ekki fyrir alla að
vinna. Kona með 2 til 3 börn, sem
þarf að greiða fyrir þau á dagheim-
ili og vinnur á kassa í Hagkaupi fyr-
ir 60 þúsund krónur á mánuði, kem-
ur miklu betur út úr því að vinna
ekki og fá atvinnuieysisbætur. Hún
gætir þá sjálf sinna bama og fær 50
þúsund krónur í atvinnuleysisbæt-
ur,“ segir Pétur.
Hann bendir líka á þá sem eru í
svokallaðri svartri vinnu sem er úti
um allt og í mörgum greinum. Þeir
eru líka á atvinnuleysisbótum.
„Að fara með aldurinn upp í 18
ár, miðað við að það séu ekki fleiri
úrlausnir í atvinnumálum fyrir
ungt fólk, það er skekkja að mínum
dómi. Það þýðir að skólafólki, sem
kemur á vinnumarkaðinn á vorin
en fær ekki vinnu, er vísað á foreld-
rana til að draga fram lífið. Varð-
andi það ákvæði að enginn geti
fengið atvinnuleysisbætur lengur
en 3 ár, sé hann atvinnulaus allan
þann tíma, þá spyr maður hvort
vænta megi einhverra skylduúr-
ræða til sveitarfélaga eða annarra
stofnana til að bjarga því fólki frá
atvinnuleysi sem búið er að vera at-
vinnulaust í 3 ár. Sé svo þá er það
besta mál sem komiö hefur upp á
Norðurlöndum síðustu áratugina að
mínum dómi. En að reka fólk bara
út af skrá eftir einhvern ákveðinn
tíma gengur einfaldlega ekki. Það er
engin lausn að setja fólk á guð og
gaddinn. Hitt er svo annað mál að
fólk á ekki að þurfa að vera at-
vinnulaust í 3 ár. Það er það sem
menn eiga að glíma við en ég sé
hins vegar enga lausn á því í frum-
varpinu," segir Pétur Sigurðsson
-S.dór
Frumvarpið um Atvinnuleysistryggingasjóð:
Skylduvirkni á
aðdraga
verulega úr
misnotkun
- segir Hjálmar Arnason alþingismaður
„Ég er því algerlega ósammála að
ekki sé tekið á misnotkuninni á at-
vinnuleysistryggingabótunum í
þessu frumvarpi," sagði Hjálmar
Ámason alþingismaður en hann er
formaður þeirrar nefndar sem
samdi frumvarpið um Atvinnuleys-
istryggingasjóðinn.
Hann segir að meginmarkmiðin
með frumvarpinu séu þrjú.
„Það er í fyrsta lagi að gera vin-
numiölun skilvirka, sem hún er
ekki almennt i dag, með undantekn-
ingum. Það teljum við að náist með
frumvarpinu um vinnumarkaðsað-
gerðir. Annað markmið er að koma
í veg fyrir niðurbrot einstaklings-
ins. Það er gert með iðju, að láta
einstaklinginn leggja fram vinnu
gegn bótum. Með ákvæðinu um
skylduvirkni er verið að taka á
þriðja atriðinu sem er að draga úr
möguleikum á misnotkun kerfisins.
Með skylduvirkninni ber fólki á at-
vinnuleysisbótum að mæta daglega
til þeirra starfa sem skylduvirknin
segir til um. Sá sem ekki mætir
missir bæturnar. Þannig að sá sem
ætlar að vinna svart en þiggja bæt-
ur getur það ekki. Með skylduvirkn-
inni er verið að koma í veg fyrir það
alvarlega niðurbrot einstaklingsins
sem fylgir atvinnuleysinu og um
leið að draga verulega úr möguleik-
um til misnotkunar kerfisins," segir
Hjálmar.
Misnotkun atvinnuleysisbóta-
kerfisins í sambandi við fólk í fisk-
iðnaði hefur verið mjög í umræð-
unni undanfarin misseri í tengslum
við fastráðningu og hráefnisskort.
Hjálmar sagði að þar um giltu önn-
ur lög, sérlög um fastráðningu
starfsfólks í fiskvinnslu.
„Um breytingar á þeim lögum
náðist ekki samstaða í nefndinni
þannig að hún gerir ekki tillögur til
breytinga á þeim. Mín skoðun á
þeim lögum er sú að það sé alveg út
í hött að vera með slík ákvæði. Það
eigi að gera þá kröfu til fiskvinnslu-
stöðva að þær ráði starfsfólkið allt
árið. Þeir sem ekki geta staðið und-
ir því hafi tæpast burði til að standa
í rekstri," sagði Hjáimar Árnason.
-S.dór
Reykjanesbær
markaðssettur
sem körfuboltabær
DV, Suöurnesjum:
„Það er fyrst og fremst verið að
markaðssetja Reykjanesbæ sem
körfuboltabæ. Bæði Keflavík og
Njarðvík eru frægir bæir sem slikir
en Reykjanesbær er ekki þekktur
fyrir neitt nema sameininguna,"
sagði Stefán Bjarkason, íþrótta- og
tómstundafulltrúi Reykjanesbæjar.
Vegna góðs árangurs körfuknatt-
leiksliða bæjarins í karla- og
kvennaflokkum hefur bæjarráð
Reykjanesbæjar ákveðið í samráði
við íþróttafélögin að vikan 13.-21.
mars verði opinber körfuboltavika
Reykjanesbæjar. Félagsfánar munu
blakta við hún við bæjarskrifstof-
unnar alla vikuna og körfuboltafólk
í Keflavík og Njarðvík mun kynna
íþróttina með heimsóknum víða um
bæinn. Þá hvetja bæjaryfirvöld bæj-
arbúa til að styðja lið sín dyggilega.
Myndum af stjörnunum verður
dreift og 70 körfuboltar gefnir áhorf-
endum meðan leikir standa yfir.
„Bæði liðin, Keflavík og Njarðvík,
verða saman í kynningunni.
Áhersla verður lögð á keppni innan
vallar en um leið og leik lýkur eru
allir bæjarbúar félagar i Reykjanes-
bæ,“ sagði Stefán.
-ÆMK

V »rff | !.-'l
W. : ! :
f jLnjfy
mjjal Hj!

Sigrún Pálína var mætt ásamt manni sínum á þingpalla í gær þegar umræðan um kynferðlslega áreitni var til um-
ræðu. DV-mynd GVA
Utandagskrárumræöa á Alþingi um kynferöislega áreitni:
Vanmáttur kirkjunnar
hefur verið átakanlegur
- sagöi Guöný Guöbjörnsdóttir, þingkona Kvennalistans
í gær fór fram á Alþingi utandag-
skrárumræða um kynferðislega
áreitni. Það var Guðný Guðbjörns-
dóttir, þingkona Kvennalista, sem
hóf umræðuna. Hún sagði umræð-
una um kynferðislega áreitni ekki
hafa farið fram hjá neinum vegna
þess erfiða máls sem uppi er og
skipt hefur þjóðinni og þjóðkirkj-
unni í fylkingar. Hún nefndi líka
dæmi um kynferðislega áreitni úr
Háskóla íslands. Hún sagði að um-
ræðan um þessi mál væri nú fyrst
að koma upp á yfirborðið hér á
landi. Viðbrögðin væru svipuð og
þegar umræðan um heimilisofbeldi
og sifiaspell kom fyrst upp á yfir-
borðið hér á landi.
Vanmáttur kirkjunnar
Hún sagði að hér á landi væri
hvergi að finna í lögum skilgrein-
ingu á því hvað væri kynferðisleg
áreitni.
„Vanmáttur kirkjunnar til að
taka á máli málanna þessa dagana
hefur verið átakanlegur. í fyrsta
lagi stöðvaðist alvarlegasta málið
hjá sóknarprestum sem ekki vildu
koma því í viðeigandi farveg. í öðru
lagi er málið fyrnt að lögum og rík-
issaksóknari taldi sig ekkert geta
aðhafst. í þriðja lagi gat siðanefnd
kirkjunnar ekkert gert vegna þess
að reglur hennar kveða á um að að-
eins sé fjallað um mál sem sé yngra
en eins árs og aðrar stofnanir kirkj-
unnar hafa ekki reynst megnugar
að taka á þessu máli. í fjórða lagi
taldi kirkjumálaráðherra ekki rétt
að taka á málinu.
Afleiðingin er sú að hvorki verð-
ur sannað sakleysi biskups né sekt
og viðkomandi konur sitja uppi með
áburð um að þær fari með rangt
mál. Þessi staða er fullkomlega
óviðunandi fyrir viðkomandi kon-
ur, fyrir biskupinn, fyrir þjóðkirkj-
una og fyrir þjóðina alla,“ sagði
Guðný Guðbjörnsdóttir.
Hún spuröi síðan forætisráðherra
nokkurra spurninga sem snertu það
hvort eitthvað hefði verið gert eða
verið væri að gera eitthvað í opin-
berum stofnunum vegna þessara
mála og hvort lagalegri hlið þeirra
sé nægjanlega sinnt í hegningarlög-
unum.
Erfið sönnunarstaða
Davíð Oddsson forsætisráðherra
sagðist ætla að ræða málið almennt
en ekki einstök mál sem kunna að
vera í umræðunni I þjóðfélaginu.
Hann ræddi síðan um lagalega
hlið og lagagreinar sem varða kyn-
ferðisglæpi hér á landi. Hann benti
líka á að sönnunarstaðan varðandi
kynferðislega áreitni væri mjög erf-
ið og tengd huglægri afstöðu þoland-
ans.
Hann sagðist tímans vegna ekki
geta svarað öllum þeim spurningum
sem málshefjandi hefði beint til sín.
Setja þarf skýrar reglur
„En ég vil segja það að ég tel rétt
að þingið og ríkisvaldið taki þátt í
því að leitast við að marka skýrar
reglur sem um þetta megi gilda. Það
er ekki vafi á því að málum af þessu
tagi hefur of lengi ekki verið sýnd-
ur nægilegur skilningur. Um leið
þarf að ganga fram af varfærni og
ofstækislaust svo málið fari ekki
illa,“ sagði Davið Oddsson.
-S.dór