Dagblaðið Vísir - DV - 04.06.1996, Blaðsíða 4

4
ÞRIÐJUDAGUR 4. JÚNÍ 1996
Fréttir
Yngstu ökumennirnir í langstærsta áhættuhópnum í umferöinni:
Þetta eru hræðilegar
staðreyndir en ekki nýjar
- segir Óli H. Þóröarson, framkvæmdastjóri Umferöarráðs
Ökumenn á aldrinum 17-18 ára
eru í langstærsta hópi ökumanna
sem valda umferðarslysum sam-
kvæmt skýrslu Umferðarráðs um
umferðarslys á íslandi' árið 1995.
Samkvæmt skýrslunni eru öku-
menn 17-20 ára einnig mesti
áhættuhópurinn því samkvæmt
meðaltali eru langflestir slasaðra og
látinna í umferðinni á þessum aldri.
Á síðustu 10 árum hafa 2623 öku-
menn á aldrinum 17-20 ára slasast
eða látist í umferðarslysum á Ís-
landi. I ár hafa orðið fjögur
banaslys í umferðinni og hafa þeir
látnu allir verið 17 ára.
Sama sagan um
allan heim
„Þetta eru hræðilegar staðreynd-
ir en ekki nýjar. Þetta er alls ekki
bundið við Island því það er sama
sagan um allan heim. Það er alveg
ljóst að þessi aldurshópur er
langstærsti áhættuhópurinn í um-
ferðinni. Sérstaklega eru það 17 og
18 ára ökumenn sem lenda í slysum
í umferðinni og eiga aðild að þeim
samkvæmt þessari könnun okkar
sem er gerð samkvæmt lögreglu-
skýrslum," sagði Óli H, Þórðarson,
framkvæmdastjóri Umferðarráðs, í
samtali við DV í gær. í skýrslunni
kemur fram að í fyrra voru 40%
ökumanna, sem aðild áttu að um-
ferðarslysum, 18 ára gamlir og 19%
þeirra voru 17 ára.
„Það er margt sem veldur því að
yngstu bílstjórarnir lenda oftast í
umferðarslysum. Þeir eru að sjálf-
sögðu reynsluminni en þeir sem
eldri eru og keyrt hafa í lengri tíma.
Auk þess eru þeir meira á ferðinni
því það er mest spennandi aö rúnta
um á bílunum þegar menn eru ný-
komnir með bílpróf. Það virðist
samkvæmt könnuninni sem 17 ára
bílstjórarnir fari þó hægar en þeir
sem eru árinu eldri og einbeiti sér
24 ^mmmm 28 24 27 21 17 12 24
1987 1988 1989 1990 1991 1992 1993 1994 1995
1348

1
1099

gsy..-. 228 n
21
betur í akstrinum. Það er eins og
þeir sem eru 18 ára og hafa keyrt í
eitt ár slaki á einbeítingunni og
þeim finnist þeir vera öruggari og
betri bílstjórar en þeir raunveru-
lega eru. Það tekur í langflestum til-
fellum mörg ár að fá reynslu í um-
ferðinni. En það er hræðilega slá-
andi staðreynd að þeir fjórir sem
látist hafa í umferðinni á þessu ári
eru allir 17 ára. Hið jákvæða, ef svo
má segja, er að samkvæmt meðal-
talsreglunni hafa mun færri látist í
ár en að meðaltali á sama tíma árin
áður. Að meðaltali látast 23 á ári í
umferðarslysum en nú þegar árið er
u.þ.b. hálfnað hafa fjórir látist,"
sagði Óli enh fremur.
Reynum alltaf að
ná til ungs fólks
„Við hjá Umferðarráði erum
alltaf að reyna að ná til ungs fólks
og sýna því fram á þessar hræðilegu
staðreyndir. Við höfum haft gott
samstarf við kvikmyndahúsin og
sýnt frá umferðarslysum í auglýs-
ingatíma á undan kvikmyndum því
þar er stærsti markhópurinn ungt
fólk. Við höfum einnig verið með
gott samstarf við handboltafélög á
leikjum þeirra. Nýjasta herferð okk-
ar er samstarf við Hitt húsið í Aðal-
stræti þar sem ungt fólk hefur verið
að hugleiða þessi mál með okkur.
Við lítum bjartsýnisaugum til þess
að þetta unga fólk geti hjálpað okk-
ur að finna lykil, ef svo má segja, að
þessum aldurshópi."
Þyngjum ökunám
og aksturspróf
„Það sem við stöndum frammi
fyrir hjá Umferðarráði er að við
erum ábyrgir fyrir akstursprófum.
Við munum halda áfram samstarfi
við ökukennara. Það þarf greinilega
að fara fram sífellt markvissari öku-
kennsla og þyngri próf. Við erum
komnir inn á þá braut því við höf-
um þyngt mjög aksturspróf og ætl-
um að halda því áfram,“ sagði Óli.
-RR
Dagfari
Seinheppinn stuðningsmaður
Það varð uppi fótur og fit á Ak-
ureyri á dögunum þegar Pétur Kr.
Hafstein heimsótti höfuðstað
Norðurlands og opnaði þar kosn-
ingaskrifstofu. Ekki var uppnámið
út af komu forsetaframbjóðand-
ans, enda maður lítillátur og hóg-
vær og gætir þess vel að láta fara
sem minnst fyrir sér. Pétur Kr.
Hafstein hefur nú þegar getið sé
gott orð fyrir ummæli sín í sjón-
varpsauglýsingu, þar sem hann
segir að hann muni sem forseti ís-
lands leggja ríka áherslu á stöðu
embættisins gagnvart ríkisvald-
inu, án þess að taka frekar fram
hvað hann meinar með því.
Þannig eiga menn að tala þegar
þeir eru komnir í framboð. Hafa á
takteinum frasa sem segja allt, án
þess að segja nokkuð. Móðga eng-
an einstakling með þvi að tala til
þjóðarinnar. Þá hlýnar okkur öll-
um um hjartaræturnar og fram-
bjóðendunum líka. Hjartaræturn-
ar í Ólafi Ragnari og þeim báðum
hjónum eru til dæmis að hlýna
með hverjum deginum.
Nei, það var ekki vegna Péturs
frambjóðanda sem uppi varð fótur
og fit á Akureyri. Það sem gerðist
var að stuðningsmaður Péturs fyr-
ir norðan gaf út yfirlýsingu um að
nú væru konur búnar með kvót-
ann á Bessastaði. Þjóðin vill ekki
konur, bara karla, sagði þessi gal-
vaski og eldheiti stuðningsmaður
Péturs Hafstein.
Nú, nú, sögðu fjölmiðlar og jafn-
réttissinnar og kvenréttindakon-
ur. Eru kosningarnar að snúast
upp í kynjamisrétti? Er verið að
segja kkjósendum að nú eigi að
kjósa karl af því að konur hafi
ekki veiðileyfi á Bessastaði? Hvers
slags er þetta?
Auðvitað er þetta hárrétt hjá
stuðningsmanni Péturs. Konur
eiga ekkert erindi á Bessastaði eft-
ir að Vigdís er búin að vera þar í
sextán ár. Nú er röðin komin að
karli með tippi og konur eiga að
skilja þetta og hafa vit á því að
vera ekki að keppa að kosningu.
Þeirra kvóti er búinn í bili.
Vandinn er hins vegar sá að
þetta má ekki segja upphátt og
frambjóðendur verða að brýna fyr-
ir stuðningsmönnum sínum að
segja ekkert sem stuðar og móðgar
og leggja áherslu á þær áherslur
sem frambjóðandinn sjálfur hefur
boðað í sjónvarpsauglýsingum; að
hann leggi mesta áherslu á þátt
embættisins gagnvart ríkisvaldinu
og stjórnarskránni. Stuðnings-
mennirnir þurfa alls ekki að hafa
neina hugmynd um það hvað þessi
frasi þýðir, enda alls ekki vitað
hvort frambjóðandinn skilur hann
sjálfur. Aðalatriðið er að halda sig
á mottunni.
Pétur Kr. Hafstein lenti náttúr-
lega i mestu vandræðum með
þessa ótímabæru en heiðarlegu yf-
irlýsingu sem stuðningsmaður
hans asnaðist til í hreinskilni
sinni og barnaskap að láta í ljós.
Stuðningsmaðurinn vissi ekki bet-
ur en að þetta hefði verið
margrætt og viðurkennt í innsta
hring þeirra stuðningsmannanna
en það hafði gleymst að segja við
hann að svona segir maður ekki
upphátt. Og þess vegna hefur Pét-
ur þurft að afneita þessari yfirlýs-
ingu og segja að nú muni hann
leggja mesta áherslu á þýðingu for-
setaembættisins gagnvart jafnrétt-
inu, sem einnig er getið í stjórnar-
skránni. Famvegis mun hann gæta
þess að stuðningsmenn hans haldi
sig til hlés og láti frambjóðandann
einan tala. Það verður að koma í
veg fyrir að ótíndir stuðnings-
menn eyðileggi kosningabaráttuna
með því að segja sannleikann.
Sannleikurinn getur komið bestu
mönnum í koll. Sérstaklega ef þeir
hafa ekki taumhald á stuðningslið-
inu.
Frambjóðendur verða að vanda
val sitt á stuðningsmönnum til
þess að þeir missi ekki eitthvað út
úr sér sem frambjóðandinn var bú-
inn að segja þeim. Annars fer illa.
Dagfari